मत्ती 8:16 - Garhwali

¹⁶ अर जब रुमुक ह्‍वे, त लोग अफ दगड़ा मा भौत सा इन्द्रया लोगु तैं यीशु का पास लेके ऐनी, जौं पर खबेस लग्यां छा, अर वेन ऊं खबेसों तैं अपणा वचन का द्‍वारा निकाळि दिनी, अर सब बिमार लोगु तैं खूब कैरी दिनी।

गढवली नयो नियम

¹⁶ जब रुमुक हवे तब लोग यीशु का संमणी भौतों लुखुं तैं लैनि जौं मा दुष्टात्मा लगिं छै अर वेल ऊं आत्माओं तैं अपड़ा वचन से निकाली दींनि अर सब बिमारों तैं खूब कैरी।

मत्ती 8:16 ပူးပေါင်းရင်းမြစ်များ

मत्ती 12:22

तब लोग यीशु का पास एक इन्द्रया मनखि तैं लेके ऐनी जै पर खबेस लग्यूं छौ, अर वे खबेस की वजै से उ अन्धु अर गूंगु ह्‍वे गै छौ। अर यीशु न वेतैं खूब कैर दिनी, अर वु दिखण अर बुलण लगि गै।

मत्ती 14:14

अर जब यीशु छाला पर पौंछी त वेन एक बड़ी भीड़ देखि अर वेतैं ऊं पर बड़ु तरस ऐ, तब वेन ऊं लोगु का बीच मा जु बिमार छा ऊंतैं खूब कैरी।

मत्ती 8:15

तब वेन वींको हाथ छ्वी अर वींको जौर उतरि गै, अर वा बिस्तर बटि उठी के ऊंकी सेवा-भगत करण लगि गै।

मत्ती 8:33

अर यू सब देखि के सुंगरों तैं चराण वळा उख बटि भगिनी, अर ऊंन नगरों मा जैके सब बातों का बारा मा, अर खबेस लग्यूं ऊं दुई लोगु का बारा मा नगर का लोगु तैं सब बात बतै दिनी।

मत्ती 9:2

अर सुणा, कुछ लोग एक लकवा का रोगी तैं बिस्तर का फंचा पर रखी के यीशु का पास लैनि। अर ऊं लोगु को बिस्वास देखि के यीशु न वेकू बोलि, “हिम्मत रख बेटा, तेरा पाप माफ ह्‍वे गैनी।”

मरकुस 2:3

अर जब यीशु ऊंतैं वचन सुनौणु छौ कि सुणा, कुछ लोग एक मनखि तैं वेका पास लेके ऐनी। अर यू मनखि लकवा को रोगी छौ, जैतैं चार लोग उठे के लाणा छा।

मरकुस 5:8

अर वेन यू इलै बोलि किलैकि यीशु न वेकू बोलि छौ कि, “हे खबेस तू ये मनखि मा बटि भैर निकळि जा।”

मरकुस 9:25

अर जब यीशु न देखि की लोग दौड़ी के भीड़ लगौण लगि गैनी, त वेन वे नौना मा लग्यां खबेस तैं झिड़की के बोलि, “हे गूंगा अर बैरा खबेस, मि त्वेतै आज्ञा देन्दु, वेमा बटि निकळि जा, अर फिर येका भितर कभि नि ऐ।”

लूका 13:12

अर यीशु न वींतैं देखि अर वींकू बोलि, “बेटी, त्वेतै ये रोग से आजाद किये जान्दु।”

लूका 4:40

अर रुमुक का बगत जौं-जौं का इख बन्‍नि-बन्‍नि किसमे की बिमारि मा लोग पोड़यां छा, ऊ सब ऊं लोगु तैं यीशु का पास लैनि। अर वेन एक-एक पर हाथ रखी के ऊंतैं खूब कैरी देई।

लूका 4:41

अर खबेस भि चिल्‍लै-चिल्‍लै के बुल्दा छा कि, “तू परमेस्वर को पुत्र छैई,” अर इन बोलि के खबेस लोगु मा बटि निकळि जान्दा छा। पर यीशु खबेसों तैं झिड़कुदु छौ, अर ऊंतैं बोन्‍न नि देन्दु छौ, किलैकि ऊ जणदा छा कि वु मसीह च।

खास चेलों 5:15

इख तक की लोग बिमारों तैं सड़कों मा लि जान्दा छा, अर ऊंतैं खाटों अर बिस्तरों पर लिटै देन्दा छा, ताकि जब पतरस उख बटि अऽ, त कम से कम वेको छैल ही ऊंमा मदि कै पर भि पोड़ि जौ अर वु खूब ह्‍वे जौ।