मत्ती 8:11 - Garhwali

¹¹ अर मि तुमतै या बात भि बतै देन्दु, कि एक दिन भौत सरा लोग पूरब अर पच्छिम दिसा बटि आला, अर स्वर्ग का राज मा अब्राहम, इसहाक अर याकूब का दगड़ा दावत मा बैठला।

गढवली नयो नियम

¹¹ अर मि तुम मा बुल्णु छौं कि भौत सैरा अन्यजातियों का लोग पूर्व अर पश्चिम बट्टी ऐ के अब्राहम अर इसहाक अर याकूब का दगड़ी स्वर्ग का राज्य मा खांणु खाला।

मत्ती 8:11 ပူးပေါင်းရင်းမြစ်များ

मत्ती 21:41

तब ऊंन यीशु कू बोलि, “गुरुजी, वु मालिक ऊं बुरा किसानों तैं बुरी तरौं से नास करलु, अर अंगूरों का बगिचा को ठेक्‍का दुसरा किसानों तैं दे द्‍यालु, जु बगत-बगत पर अंगूरों को हिस्सा वेतैं दिणा राला।”

मत्ती 24:31

अर बिगुले की बड़ी आवाज का दगड़ा मा मनखि को पुत्र अपणा स्वर्गदूतों तैं भेजलु, अर स्वर्गदूत वेका चुण्यां लोगु तैं पूरि दुनियां का हरेक दिसा से इकट्‍ठा करला।”

मत्ती 3:2

“अपणा-अपणा पापों से पस्ताप कैरा, किलैकि परमेस्वर राज करण वळु च अर उ नजदीक ही च।”

मत्ती 8:10

अर यों बातों तैं सुणी के यीशु हकदक रै गै। अर मुड़ि के अपणा पिछनै औण वळी भीड़ कू बोलि, “मि तुम बटि सच्‍चि बोन्‍नु छौं, कि इन्द्रयो बिस्वास मिन इस्राएल का लोगु मा भि नि देखि।”

लूका 12:37

अर धन्य छिन ऊ नौकर जौं तैं ऊंको मालिक औन्द का बगत बिज्युं देखो, अर मि तुम बटि सच्‍च बोन्‍नु छौं, कि मालिक अपणी कमर कसी के ऊंकी सेवा करलु अर खाणुक खाणु कू बैठालु, अर ऊं खुणि खाणुक परोसलु।

लूका 16:22

“अर इन ह्‍वे, कि एक दिन लाजर मोरि गै, अर स्वर्गदूतों न ऐके वेतैं अब्राहम का पास पौंछे दिनी। अर ठिक उन्‍नि कुछ दिनों बाद सेठ मनखि भि मोरि गै, अर ऊंतैं दफनये गै।

खास चेलों 10:45

अर खतना कियां बिस्वासी लोग जु कि पतरस का दगड़ा मा अयां छा ऊंन देखि, कि जु लोग यहूदी जाति का नि छिन ऊंतैं भि पवित्र आत्मा को दान दिल खोली के दिये गै। अर यू देखि के वु लोग हकदक ह्‍वे गैनी।

खास चेलों 11:18

अर जब यहूदी बिस्वासी लोगु न यू सब बात सुणिनी, त वु संट ह्‍वे गैनी। अर ऊंन परमेस्वर की तारीफ कैरिके बोलि, “परमेस्वर की बडै हो, किलैकि वेन सदनि को जीवन पौणु खुणि मन से पस्ताप करण को मौका ऊंतैं भि दियाली जु यहूदी जाति का नि छिन।”

खास चेलों 14:22

अर बिस्वासी लोगु तैं ऊंका बिस्वास मा मजबूत कैरी, अर बिस्वास मा बणयूं रौणु खुणि ऊंकी हिम्मत भि बढै अर ऊंन ऊंकू बोलि, “हमतै बड़ु दुख झेली के परमेस्वर का राज मा जाणु पोड़लु।”

खास चेलों 14:27

अर अन्ताकिया नगर मा औण का बाद ऊंन बिस्वासी समुदाय का लोगु तैं इकट्‍ठा कैरी अर ऊंतैं हरेक बात का बारा मा बतै, कि परमेस्वर न ऊंका द्‍वारा महान-महान काम करवैनी, अर ऊंतैं इन भि बतै कि बिस्वास करणु खुणि परमेस्वर न ऊं खुणि बाटु खोलियालि।

1 कुरिन्थि 15:20

मगर हे मेरा भै-बैंणो, मि तुमतै सच्‍च बतै देन्दु कि सबसे पैलु मनखि यीशु मसीह ही च जैतैं पिता परमेस्वर न मुरदो मा बटि ज्यून्दु कैरी। अर वु ईं बात को सबूत च कि पिता परमेस्वर अपणा लोगु तैं भि जरुर मुरदो मा बटि ज्यून्द करलु।

1 कुरिन्थि 6:9

हे मेरा भै-बैंणो, धोखा मा नि रा। क्या तुम नि जणद्‍यां इन्द्रया लोग परमेस्वर का राज का वारिस नि होला जन कि, अन्यो करण वळा, गळत सम्बन्ध रखण वळा, मूरत पूजा करण वळा, दुसरि जनानि पर गळत नजर रखण वळा, हवस रखण वळा, अर ना ही वु बैख जु कि कै दुसरा बैख का दगड़ा मा गळत सम्बन्ध रखदिन,

इफिसुस 3:6

अर या को मतलब यू च कि, शुभ समाचार का द्‍वारा यहूदी लोग अर वु लोग भि जु यहूदी जाति का नि छिन, वीं विरासत का हकदार ह्‍वे जा। अर यीशु मसीह का सरील मा सभ्या का सभि एक बदन ह्‍वेके कियां करार का साझी बणा।

कुलुसी 3:11

अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।

2 थिस्सलुनीकी 1:5

अर मि तुमतै बतै देन्दु कि परमेस्वर का राज तैं पौण का खातिर जौं दुखों तैं तुम अभि झिलणा छाँ, ऊंका द्‍वारा परमेस्वर भि तुमतै अपणा लैख बणाणु च। अर यू देखि के लोग जाणि जाला कि परमेस्वर न्याय करण मा सच्‍चु च।

दिब्य दरस 7:6

अर आशेर का गोत्र बटि बारह हजार पर मोर लगि, अर उन्‍नि नप्‍ताली का गोत्र बटि बारह हजार पर, अर मनशेस का गोत्र बटि बारह हजार पर मोर लगि।