मत्ती 8:10 - Garhwali

¹⁰ अर यों बातों तैं सुणी के यीशु हकदक रै गै। अर मुड़ि के अपणा पिछनै औण वळी भीड़ कू बोलि, “मि तुम बटि सच्‍चि बोन्‍नु छौं, कि इन्द्रयो बिस्वास मिन इस्राएल का लोगु मा भि नि देखि।”

गढवली नयो नियम

¹⁰ यु सूंणि के यीशु भैंचक हवे गै अर जु वेका पिछनैं औणा छा ऊं बट्टी बोलि, “मि तुम मा सच बुल्णु छौं कि मिल पूरा इस्राएल का लुखुं का घराना मा एक भि इन आदिम नि मिली जु यु गैर-यहूदी आदिम का जन मि पर विश्वास करदो हो।

मत्ती 8:10 ပူးပေါင်းရင်းမြစ်များ

लूका 7:9

अर यों बातों तैं सुणी के यीशु हकदक रै गै। अर मुड़ि के अपणा पिछनै औण वळी भीड़ कू बोलि, “मि तुमतै बतै देन्दु, कि इन्द्रयो बिस्वास मिन इस्राएल का लोगु मा भि नि देखि।”

मत्ती 15:28

तब यीशु न वींकू बोलि, “हे बेटी, त्वेतै भौत जादा बिस्वास च। इलै जन तू चान्दी त्वे खुणि उन्‍नि हो।” अर सुणा, वे बगत बटि ही वीं जनानि की नौनि खूब ह्‍वे गै।

मरकुस 6:6

अर बिस्वास नि करण की बात तैं देखि के यीशु तैं ऊं पर बड़ु ताजुब ह्‍वे। फिर उ गौं-गौं मा जैके के उपदेस देण लगि गै।

लूका 7:50

पर यीशु न वीं जनानि कू बोलि, “तेरा बिस्वास न त्वेतै बचैयालि, अब तू शान्ति से चलि जा।”

लूका 5:20

तब यीशु न ऊं लोगु को बिस्वास देखि के वे मनखि कू बोलि, “बेटा, तेरा पाप माफ ह्‍वे गैनी।”

मत्ती 8:9

किलैकि मि भि अधिकारीयों का मूड़ी काम करण वळु मनखि छौं, अर मेरा मूड़ी भि सिपै छिन। अर जब मि एक कू जाणु कू बुल्दु, त उ जान्दु च अर जब दुसरा कू औणु कू बुल्दु, त उ औन्दु च। अर जब मि अपणा नौकर तैं कुछ करणु कू बुल्दु छौं, त उ वेतैं करदु च।”

मत्ती 8:11

अर मि तुमतै या बात भि बतै देन्दु, कि एक दिन भौत सरा लोग पूरब अर पच्छिम दिसा बटि आला, अर स्वर्ग का राज मा अब्राहम, इसहाक अर याकूब का दगड़ा दावत मा बैठला।

खास चेलों 2:7

अर लोग बड़ा हकदक अर ताजुब मा पोड़ि के बोन्‍न लगि गैनी, “अरे जरा यों लोगु तैं त देखा, यू लोग हमरि भाषा मा कनकै बोलि सकदिन? यू कनकै ह्‍वे सकदु? किलैकि यू सब लोग त गलील मुलक का छिन। जब की हम सब लोग अलग-अलग जगा का छां, फिर भि हमतै हमरि मात्रभाषा सुन्यौणी च।