मत्ती 7:25 - Garhwali

²⁵ अर बाद मा भौत खतरनाक बरखा ह्‍वे अर तूफान भि ऐ, इख तक की गाड-गदिना ऐ गैनी, अर यू सब वे घौर पर टक्‍करैनी पर वु घौर फिर भि नि टूटी किलैकि वेकी बुनियाद पौड़ पर रखी छै।

गढवली नयो नियम

²⁵ अर बरखा ऐ अर गदेरा ऐनी अर आंधी तुफान ऐ अर वे घौर पर टकरै फिर भि उन ही गिरी किलैकि वेकी नींव पौड़ पर डाली छै।

मत्ती 7:25 ပူးပေါင်းရင်းမြစ်များ

मत्ती 16:18

अर मि त्वेसे बुल्दु, तू पतरस छैई, जैको मतलब चटान च। अर ईं चटान पर मिन अपणु समुदाय खड़ु करण। अर मौत की ताकत वे पर अपणु राज नि कैरी सकलि।

मत्ती 7:24

“इलै जु कुई मेरा यों वचनों तैं सुणी के वेका मुताबिक चलदु, उ वे अकलमन्द मनखि का जन च जैन अपणु घौर पौड़ पर बणै।

मत्ती 7:26

पर अगर जु कुई मेरा यों वचनों तैं सुणी के वेका मुताबिक नि चलदु, त उ वे मूरख मनखि का जन च जैन अपणु घौर बळा का मथि बणै।

मत्ती 7:27

अर बाद मा भौत खतरनाक बरखा ह्‍वे अर तूफान भि ऐ, इख तक कि गाड-गदिना ऐ गैनी, अर यू सब वे घौर पर टक्‍करैनी अर उ तुरन्त टूटी गै अर वेको छत्यनास ह्‍वे गै।”

खास चेलों 14:22

अर बिस्वासी लोगु तैं ऊंका बिस्वास मा मजबूत कैरी, अर बिस्वास मा बणयूं रौणु खुणि ऊंकी हिम्मत भि बढै अर ऊंन ऊंकू बोलि, “हमतै बड़ु दुख झेली के परमेस्वर का राज मा जाणु पोड़लु।”

इफिसुस 3:17

अर यीशु मसीह पर बिस्वास करण की वजै से उ तुमरा दिल मा वास कैरो, अर वेका होण से तुमरा भितर को मनखि एक-दुसरा का दगड़ा प्यार से रौण मा और भि जादा मजबूत हो।

कुलुसी 2:7

अर एक डाळा का जन मसीह मा जड़ पकड़दी अर बढदी जा। अर जिं शिक्षा का बारा मा तुमतै सिखये गै, वेका मुताबिक बिस्वास मा मजबूत होन्दी जा। अर हरेक बात मा परमेस्वर को धन्यवाद देणा रा।

याकूब 1:12

जु मनखि अजमैसों मा भि टिक्यूं रौन्दु उ धन्य च, किलैकि जब उ अजमैसों मा सफल ह्‍वे जान्दु, तब वेतैं जीवन को मुकुट मिललु। किलैकि जु मनखि परमेस्वर से प्यार करदु, वेतैं यू मुकुट देण को करार परमेस्वर न कर्युं च।

1 पतरस 1:5

अर तुमरा बिस्वास करण का खातिर ही परमेस्वर अपणी ताकत से तुमरि हिफाजत कनु च, ताकि न्याय को दिन जु कि परगट होण वळु च वेमा उ तुमतै बचै सैको।

1 पतरस 1:7

अर जन सोना तैं परखणु खुणि आग की जरुरत होन्दी ताकि उ खरु बणौ, ठिक उन्‍नि तुमरा जीवनों मा अजमैस इलै औन्दी, ताकि तुम बिस्वास मा परखै जा अर खरा निकळि सैका। पर हे मेरा दगड़्यों, मि तुमतै बतै देन्दु, कि तुमरो बिस्वास त खतम ह्‍वे जाण वळा सोना से भि भौत जादा कीमती च। इलै जब तुम अजमैसों मा बटि निकळि के मजबूत होनद्‍यां, त यीशु मसीह का औण का बगत मा तुमतै पूरि तारीफ, बडै अर पूरु आदर जरुर मिललु।

1 यूहन्ना 2:19

असल मा यू लोग हमरा बीच मा बटि ही निकळि के ही ऐनी, मगर वु हमरा अपणा लोग नि छिन किलैकि अगर जु वु हमरा अपणा लोग होन्दा त वु हम दगड़ा मा रौन्दा। मगर ऊंन त हमतै छोड़याली, अर ऊंको इन करण से यू साबित ह्‍वे गै, कि ऊ हमरा अपणा लोग नि छिन।