मत्ती 7:13 - Garhwali

¹³ अर यीशु न भीड़ का लोगु तैं एक उदारण देके इन बोलि, “संगड़ा द्‍वार बटि जाणे की पूरि कोसिस कैरा, किलैकि विणास की तरफा लि जाण वळु बाटु भौत चौड़ु च, अर वेको द्‍वार भि भौत बड़ु च अर भौत सा लोग छिन जु की ये बाटा बटि भितर जाणा छिन।

गढवली नयो नियम

¹³ “तुम परमेश्वर का राज्य मा संगड़ा फाटक ल ही प्रवेश कैरा, किलैकि चौड़ु च उ बट्टो अर सरल च उ फाटक जु विनाश की तरपां लिजांद, अर भौत सैरा लोग यां बट्टी प्रवेश करदींनि।”

मत्ती 7:13 ပူးပေါင်းရင်းမြစ်များ

मत्ती 23:13

तब यीशु न ऊंकू बोलि, “हे शास्‍त्री अर फरीसी दल का लोगु, तुम बड़ा ढोंगि छाँ अर तुम पर हाय च, किलैकि तुम दुसरा लोगु खुणि परमेस्वर का राज को द्‍वार बन्द कना छाँ, अर नऽ त तुम खुद वेमा जाणा छाँ, अर ना ही ऊंतैं जाण देणा छाँ जु कि वेमा जाण का हकदार छिन।

मत्ती 25:41

“तब राजा अपणा बैं तरफा वळो कू बोललु, ‘हे असगार लग्यां लोगु, मेरा समणि बटि दूर ह्‍वे जा, अर सदनि की वीं आग मा नास होणु कू चलि जा, ज्वा शैतान अर वेका दूतों खुणि तयार कैरिके रखी च।

मत्ती 25:46

तब अधरमी लोगु तैं सदनि को दण्ड मिललु, मगर धरमी लोग सदनि का जीवन मा जाला।”

मत्ती 3:2

“अपणा-अपणा पापों से पस्ताप कैरा, किलैकि परमेस्वर राज करण वळु च अर उ नजदीक ही च।”

मत्ती 3:8

इलै इन्द्रया काम कैरा, ज्यां से इन पता चलु कि तुमुन मन से पस्तावा कैरियाली।

मत्ती 7:14

पर सदनि का जीवन की तरफा लि जाण वळु बाटु भौत संगडु च, अर वेकू द्‍वार भि भौत छुटो च अर भौत कम लोग छिन जौं तैं यू बाटु मिलदु।”

लूका 14:33

अर इन्‍नि तुम मा बटि जु कुई मेरा खातिर अपणी जैजाद तैं छुड़णु खुणि तयार नि हो, उ भि मेरु चेला नि ह्‍वे सकदु।”

लूका 9:33

जब ऊ दुई वेका पास बटि जाण लगि गैनी, त पतरस न यीशु कू बोलि कि, “गुरुजी, हमरु इख रौण ठिक च, इलै हम इख तीन तम्बू बणौला, एक तुम खुणि, एक मूसा खुणि अर एक एलिय्याह खुणि।” पर उ ईं बात तैं नि जणदु छौ कि उ बोन्‍नु क्या च।

यूहन्ना 10:9

द्‍वार मि ही छौं अर जु कुई मेरा द्‍वारा भितर परवेस करदु, उ बचयै जालु। अर उ भैर-भितर औणु-जाणु रालु अर वेतैं चारो मिललु।

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

खास चेलों 3:19

इलै अपणा पापों से पस्ताप कैरा, अर परमेस्वर का पास वापिस ऐ जा, ताकि तुमरा पाप पूरि तरौं से माफ ह्‍वे जा,

रोमियों 9:22

ठिक उन्‍नि पिता परमेस्वर भि मनखि का अपराधों तैं देखि के बड़ु गुस्सा च। अगर उ चौ त मनखियों तैं अपणी ताकत से दण्ड दे सकदु, मगर फिर भि वु सबर रखी के लोगु की सौन्दु। अर यू त वु लोग छिन जु कि नास होण का लैख छिन अर ऊंतैं देखि के वेतैं गुस्सा औन्दु, मगर फिर भि पिता परमेस्वर इथगा सबर रखणु च त यां मा वेकी क्या गळती?

2 कुरिन्थि 4:4

अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।

2 कुरिन्थि 6:17

अर परमेस्वर यू भि बुल्दु कि, “ऊंका बीच मा बटि भैर निकळा, अर खुद तैं ऊं से अलग कैरा, अर ऊं सब अशुद्ध चीजों से दूर रा, तब मि तुमतै अपणा पास रखलु।”

गलातियों 5:24

अर जौं लोगु न यीशु मसीह पर बिस्वास कैरी ऊंन अपणा सभौ अर अपणा सरील की इच्छाओं तैं यीशु मसीह का दगड़ा मा क्रूस पर चड़ैयालि।

फिलिप्पी 3:19

अर ऊंका हिसाब-किताब मा अब विणास ही लिख्यूं च, अर ऊं खुणि सरील की इच्छा ही ऊंको ईश्‍वर ह्‍वे गै, अर जौं बातों पर सरम औण चयेणी ऊं बातों पर वु बड़ु गर्व करदिन, अर दुनियां की बातों पर अपणु मन लगौन्दिन।

1 यूहन्ना 5:19

अर हम या बात जणदा छां कि हम परमेस्वर की औलाद छां, अर पूरि दुनियां वे शैतान का वस मा च।

दिब्य दरस 12:9

अर खुंखार रागस अर वेका दूतों तैं धक्‍का मारी के धरती पर ढुळै गै। अर यू वु च जु दुनियां का लोगु का दगड़ा मा छल-कपट करदु, भौत पुरणु गुरौ, दुसरो पर दोष लगौण वळु, जैकू शैतान बुले जान्दु।

दिब्य दरस 13:8

अर धरती पर रौण वळा सब लोग वे दैंत पूजा करला, मगर जौं लोगु का नौ दुनियां की शुरुवात से पैलि जीवन की किताब मा लिख्यां छिन वु लोग वे दैंत की पूजा नि करला। अर या किताब बलिदान होयां मेम्‍ने की च जु कि यीशु मसीह च।

दिब्य दरस 20:15

अर जै-जै को नौ जीवन की किताब मा लिख्यूं नि मिली, ऊ भि वीं आग का कुण्ड मा डळै गैनी।

दिब्य दरस 20:3

अर स्वर्गदूत न वेतैं अधलोक मा ढोळि दिनी, अर अधलोक तैं बन्द कैरिके वे पर मोर लगै दिनी, ताकि जब तक एक हजार साल पूरा नि ह्‍वे जा, तब तक उ देस-देस का लोगु तैं भरमै नि सैको। अर येका बाद जरुरी च कि वेतैं कुछ देर खुणि छुड़ै जौ।