मत्ती 6:9 - Garhwali

⁹ “इलै तुम प्रार्थना इनकै कर्यां कि, “हे हमरा पिता, तुम जु स्वर्ग मा छाँ, तुमरो नौ पवित्र मणै जौ।

गढवली नयो नियम

⁹ इलै तुम इन कै पिता परमेश्वर बट्टी प्रार्थना कैरा करा, हे हमारा बुबा तु जु स्वर्ग मा छै तेरु नौं पवित्र मणै जौ

मत्ती 6:9 ပူးပေါင်းရင်းမြစ်များ

मत्ती 10:29

“अरे सुणा, क्या दुई घिंडुडि भौत कम कीमत मा नि बिकदिन? फिर भि तुमरा पिता परमेस्वर की इच्छा का बगैर ऊंमा बटि एक भि भ्वीं मा नि पोड़दिन।

मत्ती 23:9

अर ना ही ईं धरती पर कै कू आत्मिक पिता बुलयां, किलैकि तुमरो एक ही पिता च जु की स्वर्ग मा च।

मत्ती 26:29

मि तुम बटि बोन्‍नु छौं, अब बटि मि अंगूरों को यू रस वे दिन तक नि प्यूलु, जब तक मि अपणा पिता का राज मा तुमरा दगड़ा नयू रस नि प्यों।”

मत्ती 26:42

तब वेन दुसरि बार जैके इन प्रार्थना कैरी, “हे मेरा पिता, अगर तुमरि मनसा या च कि दुख का ये बगत तैं मिन सौण ही च, त तुमरि या मनसा पूरि हो।”

मत्ती 5:16

ठिक इन्‍नि तुमरो उज्याळु भि लोगु का समणि चमकण चयेणु, ताकि लोग तुमरा भला कामों तैं देखि के तुमरा पिता परमेस्वर की बडै कैरा, जु की स्वर्ग मा च।”

मत्ती 5:48

इलै तुम खरु मनखि बणा, जन स्वर्ग मा रौण वळु तुमरो पिता परमेस्वर खरु च।”

मत्ती 6:14

“इलै अगर जु तुम लोगु का अपराधों तैं माफ करिल्या, त स्वर्ग मा रौण वळु तुमरो पिता भि तुमतै माफ करलु।

मत्ती 6:6

पर जब तू प्रार्थना करली, त अपणी कुठड़ी मा जैके द्‍वार बन्द कैर अर अपणा पिता परमेस्वर बटि प्रार्थना कैर, जु की दिखेन्दु नि च। तब स्वर्ग मा रौण वळु तेरु पिता जु कि तेरी छिपी बातों तैं भि जणदु च, उ यां को इनाम त्वेतै जरुर दयालु।

मत्ती 7:11

अरे जब तुम बुरा ह्‍वेके भि अपणा बाल-बच्‍चों तैं अच्छी चीज देण जणद्‍यां, त स्वर्ग मा रौण वळु तुमरो पिता तुमरा मंगण पर तुमतै अच्छी चीज किलै नि द्‍यालु?

लूका 15:18

अब मि इख बटि वापिस अपणा बुबा का पास जौलु अर बोललु, पापा, मि तुमरा खिलाप ग्यों अर इन्‍नि कैरिके मिसे गळती ह्‍वे गै, अर इन कैरिके मिन परमेस्वर का खिलाप मा भि पाप कैरियाली।’

लूका 15:21

अर वे नौन न बोलि, ‘पापा, मि तुमरा खिलाप ग्यों अर इन्‍नि कैरिके मिसे गळती ह्‍वे गै, अर इन कैरिके मिन परमेस्वर का खिलाप मा भि पाप कैरियाली, अर मि तुमरो नौनु होण का लैख भि नि छौं।’

लूका 2:14

“स्वर्ग मा परमेस्वर की बडै हो, अर धरती पर जौं बटि परमेस्वर खुश च, ऊं लोगु तैं शान्ति मिलु।”

यूहन्ना 20:17

तब यीशु न वींकू बोलि, “मितैं पकड़ी के ही नि रख। किलैकि मि अभि तक मेरा पिता का पास मथि नि ग्यों। पर तू मेरा भैयों का पास जा अर ऊंतैं बतै दे, कि मि मेरा पिता अर तुमरा पिता, अर मेरा परमेस्वर अर तुमरा परमेस्वर का पास मथि जाणु छौं।”

रोमियों 1:7

हे मेरा भै-बैंणो, या चिठ्‍ठी रोम नगर मा रौण वळा सब बिस्वासी लोगु खुणि च, जु कि हमरा पिता परमेस्वर तैं भौत प्यारा छिन अर वेका द्‍वारा पवित्र होण खुणि चुण्यां छिन। अर हम इन प्रार्थना करद्‍यां कि हमरा पिता परमेस्वर अर प्रभु यीशु मसीह की तरफा बटि तुमतै वेकी किरपा अर शान्ति मिलदी रौ।

रोमियों 8:15

अर जु पवित्र आत्मा तुमतै दिये गै, वु तुमतै गुलाम नि बणौन्दु कि तुम फिर से डौऽरी-डौऽरी के अपणा जीवन को गुजर-बसर कैरा। अरे, जु पवित्र आत्मा पिता परमेस्वर न तुमतै देई वां से इन साबित होन्दु, कि हम वेकी औलाद छां। तभि त हम पिता परमेस्वर कू, “हे अब्बा, मेरा पिता” बोलि सकद्‍यां।

गलातियों 1:1

हे मेरा भै-बैंणो, मि पौलुस अर वु सब बिस्वासी भै-बैंणा जु कि मेरा दगड़ा मा छिन, मि या चिठ्‍ठी गलाति मुलक मा रौण वळा बिस्वासी समुदाय का लोगु खुणि लिखणु छौं। मेरा दगड़्यों, मितैं नऽ त कै खास मनखि न, अर ना ही लोगु द्‍वारा खास चेला का रुप मा चुणै गै, बल्किन मा मितैं त यीशु मसीह अर पिता परमेस्वर न खास चेला का रुप मा चुणी, हाँ, वे ही पिता परमेस्वर न जैन यीशु मसीह तैं मुरदो मा बटि ज्यून्द कैरी, अर वेन ही खुद यू काम कैरी।

गलातियों 4:6

अर इन साबित करणु खुणि परमेस्वर न अपणा पुत्र की पवित्र आत्मा हमरा मनों मा भेजि, ताकि इन पता चलि जौ कि हम वेकी औलाद छां। अर आज हम पवित्र आत्मा की मदद से प्रार्थना मा पिता परमेस्वर कू “हे मेरा अब्बा, मेरा पिता” बोलि सकद्‍यां।

1 तीमुथियुस 6:16

अर बस उई परमेस्वर हमेसा खुणि ज्यून्द रालु, अर वेतैं कै मनखि न कभि नि देखि, अर ना ही कभि देखि सकदु। अर वु इन उज्याळा मा रौन्दु, कि वेका पास कुई भि नि जै सकदु, अर वेतैं हमेसा आदर-सम्मान मिललु, अर वेको राज्य सदनि खुणि रालु। आमीन।

1 पतरस 1:17

अर पिता परमेस्वर सब लोगु को न्याय बिना पक्षपात को करदु, इलै अगर जु तुम वेतैं पिता बोलि के प्रार्थना करद्‍यां, त हे मेरा भै-बैंणो, ईं बात तैं जाणि जा, कि जब तक तुम ईं धरती पर परदेसी लोगु की तरौं जीवन जीणा छाँ, तब तक वे परमेस्वर पर अपणी पूरि सरदा रखी के जीवन ज्या।

दिब्य दरस 4:11

“हे हमरा प्रभु, अर हमरा परमेस्वर, तुमरि ही बडै हो, अर पूरु आदर-सम्मान तुमतै ही मिलु, अर तुमरि ताकत की तारीफ हो, किलैकि तुमुन ही सब चीजों तैं बणै, अर तुमरि मनसा से ही यू सब बणि अर यों सब चीजों को बजूद च।”

दिब्य दरस 5:12

अर ऊ ऊँची आवाज मा इन गाणा छा कि, “हे बलिदान होयां मेम्‍ना तुमरि ताकत अर सामर्थ, तुमरो धन, अकल अर आदर-सम्मान, अर तुमरि बडै होणी रौ, किलैकि तुम ही तारीफ पौण का लैख छाँ।”