मत्ती 5:30 - Garhwali

³⁰ अर अगर तेरु दैंणु हाथ त्वे बटि पाप करौणु च त वेतैं काटी के ढोळि दे, किलैकि पूरा सरील को नरकलोक मा नास होण से त जादा खूब यू च, कि तेरा सरील को एक अंग ही नास ह्‍वे जौ।”

गढवली नयो नियम

³⁰ अर जु तेरु दैंणो हाथ त्वे तैं ठोकर खिलौ त वे तैं काटि कै अफ बट्टी फेंक दे किलैकि त्वे कु यु ही भलो च, की तेरु अंगों बट्टी एक नाश हवे जु अर तेरी पूरी देह नरक मा नि डलै जौ।

मत्ती 5:30 ပူးပေါင်းရင်းမြစ်များ

मत्ती 11:6

अर धन्य च उ, जु मि पर सक नि करदु बल्किन मा बिस्वास करदु।’”

मत्ती 13:21

मगर ऊ अपणा भितर वचन की जड़ तैं जमण नि देन्दिन, अर वु वचन भि वेमा कुछ बगत तक ही रौन्दु। इलै वचन की वजै से जब कुई भि दुख-तकलीफ या सतौ ऊंका जीवन मा औन्दिन, तब वु लोग तुरन्त बिस्वास करण छोड़ि देन्दिन।

मत्ती 16:23

पर यीशु न पतरस जनै मुड़ि के बोलि, “हे शैतान, मेरा समणि बटि दूर ह्‍वे जा। पतरस मि खुणि उतेडु़ किलै बणणी छैई, तू परमेस्वर की बातों पर मन नि लगौन्दिन, बल्किन मा तेरु मन मनखियों की बातों पर लग्यूं रौन्दु।”

मत्ती 17:27

पतरस सुण, कखि उ हमतै देखि के खिरसे नि जा, इलै तू जा अर झील का छाला पर बळस डाल, अर जु माछु पैलि लगलु, वेतैं ले अर वेका गिच्‍चा तैं खुलण पर त्वेतै एक चांदी को सिक्‍का मिललु, जु हम दुईयों को कर चुकता कैरी द्‍यालु।”

मत्ती 18:8

अर अगर तेरु हाथ या खुटु त्वेसे पाप करौणु च त तू वेतैं काटी के ढोळि दे, किलैकि त्वे खुणि यू जादा खूब च कि तू लूलु-लंगड़ु ह्‍वेके सदनि का जीवन तैं पै। अर अगर जु तू अपणा दुई हाथ या खुटों समेत नरकलोक मा डळै जाणि छैई, त फिर त्वेतै क्या फैदा ह्‍वे।

मत्ती 22:13

तब राजा न नौकरों कू बोलि, ‘ये मनखि का हाथ-खुटा बान्धि के भैर अन्धेरा मा डाल द्‍या, जख रुंण अर दांतों को कड़गिटाण ही होलु।’”

मत्ती 25:20

अर जै नौकर तैं पांच हजार सिक्‍का मिल्यां छा, वेन और पांच हजार सिक्‍का लेके अपणा मालिक कू बोलि, ‘साब, तुमुन मितैं पांच हजार सिक्‍का दे छा। अर इख देखा, मिन पांच हजार सिक्‍का और कमैनि।’

मत्ती 26:31

तब यीशु न अपणा चेलों कू बोलि, “आज राति तुम मितैं छोड़ि के चलि जैल्या, किलैकि पवित्रशास्‍त्र मा लिख्यूं च कि, “‘मि चरवाह तैं मरलु, अर झुण्ड की भेड़ तितर-बितर ह्‍वे जालि।’

मत्ती 5:22

पर मि तुमतै बतै देन्दु कि, जु कुई भि कै मनखि से नाराज हो, अर वेको अपमान कैरो अर बोलो ‘अरे बेकूप’ त वेतैं कचैरी मा दोषी ठैरै के दण्ड मिललु। अर अगर जु कुई अपणा भै-बैंण कू बोललु ‘अरे मूरख’ त उ नरकलोक की आग मा डळै जालु।

मत्ती 5:29

अर अगर तेरी दैंणी आंख त्वे बटि पाप करौणी च, त वींतैं निकाळि के ढोळि दे, किलैकि पूरा सरील को नरकलोक मा नास होण से त जादा खूब यू च, कि तेरा सरील को एक अंग ही नास ह्‍वे जौ।

मरकुस 9:43

“अर अगर जु तेरु हाथ त्वेसे पाप करौणु च त तू वेतैं काटी दे, किलैकि त्वे खुणि यू जादा खूब च कि तू अपंग ह्‍वेके सदनि का जीवन मा जा। अर अगर जु तू अपणा दुई हाथों समेत नरकलोक मा डळै जाणि छैई, त फिर त्वेतै क्या फैदा ह्‍वे। [

लूका 12:5

पर मि तुमतै चितै देन्दु कि तुमतै कै बटि डऽरण चयेणु, तुम वे बटि डौऽरा जैका पास मौत का बाद भि नरकलोक मा डलण को अधिकार च, वे बटि ही डौऽरा, हाँ मि तुमतै चितै देन्दु वे बटि ही डौऽरा।

रोमियों 9:33

अर वे खुणि पवित्रशास्‍त्र मा कुछ इन लिख्यूं च कि, “देखा, मि यरूशलेम नगर का सिय्योन ढौंडा मा एक ढुंगो रखणु छौं, जै कि वजै से लोगु तैं उतेडु़ लगलु, पर जु कुई वे पर बिस्वास करलु, वु कभि निरास नि होलु।”

1 कुरिन्थि 8:13

इलै अगर मेरु खाणुक खाण मेरा बिस्वासी भै-बैंण खुणि उतेडु़ बणण की वजा बणणु च, त इन्दरि दसा मा मि कभि भि मांस नि खौलु। अर बिस्वासी भै-बैंणो खुणि मि कभि भि उतेडु़ नि बणलु।

गलातियों 5:11

हे मेरा भै-बैंणो, अगर मि यहूदी रीति का मुताबिक खतना का रिवाज तैं पूरु करण का बारा मा परचार कनु रौन्दु, त मि पर जुलम नि किये जान्दु। मगर मि त यीशु तैं क्रूस पर चड़ये जाण को परचार करदु, इलै मितैं सतयै जाणु च।

1 पतरस 2:8

अर ऊं लोगु खुणि इन भि लिख्यूं च कि, “यू ढुंगो ऊं खुणि उतेडु़ बणि गै, अर एक इन्द्रयो पौड़ जै बटि फिसली के वु लमडी गैनी।” किलैकि ऊ लोग परमेस्वर का वचन मा लिखीं बातों को पालन नि करदिन, इलै ऊंतैं उतेडु़ लगि। अर इन्द्रया लोगु खुणि पिता परमेस्वर न या ही योजना बणै के रखी च।