मत्ती 5:16 - Garhwali

¹⁶ ठिक इन्‍नि तुमरो उज्याळु भि लोगु का समणि चमकण चयेणु, ताकि लोग तुमरा भला कामों तैं देखि के तुमरा पिता परमेस्वर की बडै कैरा, जु की स्वर्ग मा च।”

गढवली नयो नियम

¹⁶ उन ही तुमारो उज्यलो भि मनिख्युं का संमणी चमकु कि उ तुमारा कामों तैं देखि के तुमारा बुबा कि जु स्वर्ग मा च बड़ै कैरा।

मत्ती 5:16 ပူးပေါင်းရင်းမြစ်များ

मत्ती 23:5

अर वु पवित्रशास्‍त्र का वचनों तैं चमड़े की चौड़ी पट्‍टियों पर लिखी के अपणा सरील पर बन्धदिन, अर अपणा चोळों का झालरों तैं बड़ु लम्बो करदिन, अर अपणु हरेक काम वु मनखियों तैं दिखाणु खुणि करदिन।

मत्ती 23:9

अर ना ही ईं धरती पर कै कू आत्मिक पिता बुलयां, किलैकि तुमरो एक ही पिता च जु की स्वर्ग मा च।

मत्ती 5:45

अर इन कैरिके तुम स्वर्ग मा रौण वळा अपणा पिता परमेस्वर की औलाद ह्‍वेल्या, किलैकि उ अच्छा अर बुरा, दुई किसम का लोगु पर सूरज को उज्याळु चमकान्दु, अर धरमी और अधरमी लोगु खुणि बरखा भि करदु।

मत्ती 6:16

अर यीशु न भीड़ का लोगु कू इन भि बोलि कि, “जब तुम उपवास रखिल्या, त ढोंगि लोगु की तरौं तुमरा मुख पर उदासी नि हो, किलैकि ऊ अपणु मुख इन्द्रयो इलै बणै के रखदिन, ताकि लोग समझि जा कि ऊंको उपवास रख्युं च। पर मि तुम बटि सच्‍चि बोन्‍नु छौ, कि लोगु बटि त ऊंतैं आदर-सम्मान मिली गै, मगर पिता परमेस्वर बटि ऊंतैं कुछ इनाम नि मिलण।

मत्ती 6:9

“इलै तुम प्रार्थना इनकै कर्यां कि, “हे हमरा पिता, तुम जु स्वर्ग मा छाँ, तुमरो नौ पवित्र मणै जौ।

मत्ती 9:8

अर यू होन्द देखि के लोग डौऽरी गैनी अर परमेस्वर की बडै करण लगि गैनी, कि परमेस्वर न मनखियों तैं इन्द्रयो अधिकार दियूं च।

लूका 11:2

तब वेन ऊंकू बोलि, “जब तुम प्रार्थना करिल्या त इन बुलयां कि, “‘हे हमरा पिता, तुमरो नौ पवित्र मणै जौ, तुमरो राज अऽ।

यूहन्ना 15:8

अर अगर जु तुम मा बिजांम फल लगदिन, त यां से मेरा पिता को भौत आदर-सम्मान होलु। तब तुम साबित कैरी दिल्या की तुम मेरा चेला छाँ।

खास चेलों 9:36

अर याफा नगर मा तबीता नौ की एक बिस्वासी जनानि रौन्दी छै (अर तबीता तैं यूनानी भाषा मा दोरकास बुल्दिन, दोरकास मतलब हिरणी)। अर वा भौत अच्छा काम करदी छै, अर जरुरतमन्द लोगु तैं दान-दकछिणा देन्दी छै।

1 कुरिन्थि 14:25

तब वेतैं इन मैसूस होलु कि पिता परमेस्वर वेका सब कामों का बारा मा जणदु च, जु वेन कैरी छिन। तब उ भ्वीं मा पोड़ि के पिता परमेस्वर की भक्‍ति करलु अर बुललु “सच्‍चि मा ज्यून्द पिता परमेस्वर तुमरा बीच मा च।”

2 कुरिन्थि 9:13

अर दुसरा लोगु की मदद खुणि जु दान तुम देणा छाँ वेकी वजै से बिस्वासी लोग पिता परमेस्वर की बडै करदिन, किलैकि इन कैरिके तुमुन यीशु मसीह का शुभ समाचार की बात तैं पूरु कैरी। अर ऊ ईं बात खुणि पिता परमेस्वर को धन्यवाद करला कि तुमुन दिल खोली के दिनी अर वां से दुसरा लोगु को भलु ही ह्‍वे।

गलातियों 1:24

अर अब यहूदिया मुलक का ऊ बिस्वासी लोग मेरा खातिर पिता परमेस्वर की बडै करदिन।

इफिसुस 2:10

अरे, यू सब त इलै ह्‍वे किलैकि हम सभ्यों तैं परमेस्वर न यीशु मसीह मा नयू बणै। अर वेन हमतै इलै बणै ताकि हम सब यीशु का दगड़ा मा मिली के ऊ अच्छा काम कैरी सैका, जौं तैं पिता परमेस्वर न पैलि बटि हम खुणि तयार कैरिके रख्युं च।

इफिसुस 5:8

अर या बात मि तुमकु इलै बोन्‍नु छौं, किलैकि पैलि तुम अन्धेरा मा छा, पर अब प्रभु यीशु का दगड़ा मा एक होण की वजै से तुम मा भि उज्याळु ऐ गै। इलै हे मेरा दगड़्यों, उज्याळे की औलाद होण की वजै से अपणा जीवन को गुजर-बसर उज्याळा मा कैरा।

1 तीमुथियुस 2:10

किलैकि परमेस्वर की भक्‍ति करण वळी जनानियों खुणि यू ही भलु च।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

तीतुस 2:7

अर तीतुस, तू खुद हर बात मा ऊंतैं एक अच्छु उदारण बणि के दिखौ। अर जै उपदेस तैं तू सिखैली, वामा तू गम्भीर अर खरु हो,

तीतुस 3:14

अर सब बिस्वासी लोग भलै का काम करण सीखा, ताकि ऊ एक-दुसरे की भौत सि जरुरतों तैं पूरु कैरी सैका, तब ऊंका जीवन का द्‍वारा दुसरा लोगु तैं फैदा मिललु।

तीतुस 3:4

पर जब हमतै बचौणु वळा परमेस्वर की दया अर वेकू प्यार सब लोगु पर परगट ह्‍वे,

इब्रानी 10:24

अर हमरा सभौ मा प्यार अर भलै का कामों तैं करण ही हो, अर यां खुणि हम एक-दुसरा की हिम्मत बढा ताकि वु भि इन्‍नि कैरा।

1 पतरस 2:12

हे मेरा दगड़्यों, यीशु मसीह पर बिस्वास नि करण वळा लोगु का बीच मा तुमरो चाल-चलन भलु हो, ताकि जौं-जौं बातों मा वु तुमरा खिलाप मा जैके तुमरि बुरै करदिन, वु लोग ही तुमरा भला कामों तैं देखि के प्रभु का औणा वळा दिन पर परमेस्वर की बडै कैरा।

1 पतरस 2:9

पर तुम लोग परमेस्वर का द्‍वारा चुण्यां वंशज छाँ, अर राजा खुणि खास पवित्र पुरोहितों को समाज, जौं पर पिता परमेस्वर को अधिकार च। अर पिता परमेस्वर न ही तुमतै अन्धेरा मा बटि निकळि के अपणा महान उज्याळा मा बुलै, इलै अब तुम वेका कामों का बारा मा वेकी तारीफ कैरा।

1 पतरस 3:1

हे मेरी बैंणो, तुम अपणा-अपणा पति का अधीन मा रा। अर अगर जु तुमरा बीच मा कै को पति, परमेस्वर का वचन को पालन नि करदु हो, त हे मेरी बैंण, अपणा पति कू बिना कुछ बुलयां, तू अपणा पवित्र अर आदर-सम्मान देण वळा चाल-चलन तैं दिखौ, अर इन कैरिके तू अपणा पति तैं बिस्वास मा लेके ऐ सकदी छैई।

1 पतरस 3:16

मगर ध्यान रखा, कि यों सब बातों को जबाब बड़ी इज्‍जत अर सीदु बणि के दियां, अर अपणा जमीर तैं शुद्ध रखा। अर इन तुम इलै कैरा, ताकि जु लोग तुमरा खिलाप मा जैके बुल्दिन जब वु सुणा, कि तुम यीशु मसीह का छाँ अर तुमरो चाल-चलन कन च त ऊंकी बेजती उबरि ह्‍वे जौ।

1 पतरस 4:11

जैतैं उपदेस देण को बरदान मिल्यूं च, उ इन बोलो जन कि पिता परमेस्वर का शब्द हो। अर जैतैं सेवा करण को बरदान मिल्यूं च, वेतैं पिता परमेस्वर की दिईं ताकत से सेवा करण चयेणी, ताकि हरेक बात मा यीशु मसीह का द्‍वारा पिता परमेस्वर की बडै हो। हाँ, सब बातों मा पूरु आदर-सम्मान सदनि तक वेतैं ही मिलु। आमीन।

1 पतरस 4:14

अर अगर जु तुमतै यीशु मसीह का नौ का खातिर बदनाम किये जाणु च त तुम धन्य छाँ, किलैकि परमेस्वर को पवित्र आत्मा अर वेकी ताकत तुमरा दगड़ा मा च।