मत्ती 4:23 - Garhwali

²³ अर यीशु पूरा गलील मुलक मा घूमणु रै। अर यहूदी लोगु का प्रार्थना भवनों मा जैके उपदेस देणु रै, अर परमेस्वर का राज को शुभ समाचार परचार कनु रै। अर उखा लोगु की हरेक किसम की बिमारियों तैं अर कमजोरियों तैं दूर कनु रै।

गढवली नयो नियम

²³ अर यीशु ल जै के गलील जिला का सभि जगहों की यात्रा कैरी जगह-जगह गैनी अर यहूदियों का मिलणा का भवन मा जै के शुभ सन्देश प्रचार करदी अर लुखुं कि सभि बिमारी अर कमजोरि तैं दूर कनु रै।

मत्ती 4:23 ပူးပေါင်းရင်းမြစ်များ

मत्ती 11:5

‘अन्धा दिखणा छिन, अर लूला-लंगड़ा चलणा-फिरणा छिन, अर कोड़ियों तैं शुद्ध किये जाणु च, बैरा सुनणा छिन अर मुरदो तैं ज्यून्द किये जाणु च, अर गरीबों तैं शुभ समाचार सुणये जाणु च।

मत्ती 12:9

अर येका बाद यीशु उख बटि निकळि के यहूदी लोगु का प्रार्थना भवन मा ऐ।

मत्ती 13:19

बाटा का किनरा पोड़यां बीज का दगड़ा मा जु कुछ भि ह्‍वे, उ इन च कि कुछ लोग परमेस्वर का राज का बारा मा वचन तैं सुणदा त छिन, मगर वेको मतलब नि समझि सकदिन, अर शैतान ऐके ऊंका मनों बटि वचन तैं छिनी के लि जान्दु, जु कि वेका मन मा बुतै गै छौ।

मत्ती 13:54

अर जब उ अपणा नगर मा ऐ जख उ बड़ु ह्‍वे छौ, तब उ उखा प्रार्थना भवन मा जैके लोगु तैं उपदेस देके सिखौण लगि गै। पर ऊ लोग हकदक ह्‍वेके बोन्‍न लगि गैनी, “अरे, येतैं यू ज्ञान कख बटि मिली गै, अर येतैं चमत्कार करण की ताकत कख बटि मिली होलि?

मत्ती 14:14

अर जब यीशु छाला पर पौंछी त वेन एक बड़ी भीड़ देखि अर वेतैं ऊं पर बड़ु तरस ऐ, तब वेन ऊं लोगु का बीच मा जु बिमार छा ऊंतैं खूब कैरी।

मत्ती 24:14

अर परमेस्वर का राज का ये शुभ समाचार को परचार पूरि दुनियां मा किये जालु, ताकि सब जातियों पर गवै हो, अर येका बाद अन्त ऐ जालु।”

मत्ती 3:2

“अपणा-अपणा पापों से पस्ताप कैरा, किलैकि परमेस्वर राज करण वळु च अर उ नजदीक ही च।”

मत्ती 9:35

अर यीशु वे मुलक का नगरों अर ग्‍वोंऽ मा घूमणु रै, अर उखा प्रार्थना भवनों मा जैके उपदेस देन्दु अर परमेस्वर का राज को शुभ समाचार परचार करदु छौ। अर उखा लोगु की बिमारियों तैं अर सब किसमे कमजोरियों तैं दूर करदु छौ।

मरकुस 1:14

अर जब यूहन्‍ना बपतिस्मा देण वळा तैं पकड़ी के जेलखाना मा डळै गै छौ, त यीशु गलील मुलक मा परमेस्वर का राज को शुभ समाचार सुणौन्द-सुणौन्द ऐ।

मरकुस 1:21

फिर यीशु अर वेका चेला गलील मुलक का कफरनहूम नगर मा ऐनी, अर जब सब्त को दिन ऐ त यीशु तुरन्त प्रार्थना भवन मा गै, अर लोगु तैं उपदेस देण लगि गै।

मरकुस 1:39

इलै यीशु न गलील मुलक मा यहूदी लोगु का प्रार्थना भवनों मा जै-जैके उपदेस देणु रै, अर लोगु मा बटि खबेसों तैं भि निकाळि।

मरकुस 3:10

किलैकि वेन भौत सा लोगु तैं खूब कैरी छौ, इलै रोगी लोग वेतैं छूण चाणा छा, अर रोगियों की संख्या भौत छै, अर बड़ी धक्‍का-मुक्‍की चलणी छै।

मरकुस 6:2

अर जब सब्त को दिन ऐ, त यीशु प्रार्थना भवन मा सिखौण लगि गै, अर वेकी बातों तैं सुणी के भौत सा लोग हैरान ह्‍वेके इन बोन्‍न लगि गैनी कि, “येतैं यू सब बात कख बटि मिलिनी? अर कन्दरि अकल च वा ज्वा कि येतैं दिये गै? अर सामर्थ का काम येका हाथोंळ कनकै होनदिन?

मरकुस 6:6

अर बिस्वास नि करण की बात तैं देखि के यीशु तैं ऊं पर बड़ु ताजुब ह्‍वे। फिर उ गौं-गौं मा जैके के उपदेस देण लगि गै।

लूका 10:9

अर जु लोग उख बिमार छिन ऊंतैं खूब कैरा अर ऊंतैं बतै द्‍या कि, ‘परमेस्वर को राज तुमरा नजदीक ऐ गै।’

लूका 13:10

अर यीशु सब्त का दिन पर एक प्रार्थना भवन मा उपदेस देणु छौ।

लूका 16:16

“यूहन्‍ना बपतिस्मा देण वळा का बगत तक मूसा का दियां नियम-कानून अर परमेस्वर का रैबर्यों का बारा मा परचार ह्‍वे। मगर यूहन्‍ना का बाद परमेस्वर का राज का शुभ समाचार का बारा मा परचार किये जाणु च, अर हरेक मनखि वेकी तरफा जल्दी से खिच्येणु च।

लूका 20:1

अर एक बार इन ह्‍वे कि यीशु लोगु तैं मन्दिर मा उपदेस देण का दगड़ा-दगड़ि शुभ समाचार भि सुनाणु छौ। तबरि तक उख कुछ मुख्य पुरोहित, शास्‍त्री अर कुछ यहूदी अध्यक्ष लोग ऐ गैनी। अर ऊंन बोलि कि,

लूका 4:14

येका बाद यीशु पवित्र आत्मा की शक्‍ति का द्‍वारा गलील मुलक कू लौटी गै। अर वेकी चर्चा आस-पास का ग्‍वोंऽ मा फैली गै।

लूका 5:17

अर एक दिन इन ह्‍वे कि यीशु लोगु तैं उपदेस देणु छौ। अर उख फरीसी दल का कुछ लोग अर नियम-कानूनों तैं सिखौण वळा कुछ लोग बैठयां छा। ऊ गलील अर यहूदिया मुलकों का हरेक गौं बटि, अर यरूशलेम नगर बटि अयां छा। अर लोगु तैं खूब करणु खुणि प्रभु की शक्‍ति यीशु का दगड़ा मा छै।

लूका 6:17

तब यीशु ऊं चेलों का दगड़ा मा पाड़ बटि उतरि के एक सैंणि जगा मा खड़ु ह्‍वे। अर वेका पिछनै चलण वळो की एक बड़ी भीड़ उख जमा होईं छै। अर सरा यहूदिया मुलक, यरूशलेम नगर, अर समुन्दर का छाला पर रौण वळा सूर अर सैदा नगरों का भौत सा लोग भि उख जमा होयां छा। अर वु वेका वचनों तैं सुनणु कू अर अपणी बिमारियों मा बटि खूब होणु कू वेका पास अयां छा।

लूका 6:6

अर एक सब्त का दिन पर यीशु प्रार्थना भवन मा जैके उपदेस देण लगि गै। अर उख एक आदिम छौ, जैको दैंणु हाथ सुक्यूं छौ।

लूका 7:21

अर वे ही बगत यीशु न भौत लोगु तैं ऊंकी बिमारियों मा बटि, अर पीड़ाओं बटि खूब कैरी, अर खबेस लग्यां मनखियों तैं छुटकारु देई, अर भौत सा अन्धों का आंखा भि खूब करिनी।

लूका 7:22

अर वेन यूहन्‍ना का चेलों तैं जबाब दिनी, “जु कुछ तुमुन देखि, अर सुणी, वेका बारा मा जैके यूहन्‍ना तैं बता। वेमा बुलयां कि, ‘अन्धा दिखणा छिन, लूला-लंगड़ा चलणा-फिरणा छिन, अर कोड़ियों तैं शुद्ध किये जाणु च, बैरा सुनणा छिन अर मुरदो तैं ज्यून्द किये जाणु च, अर गरीबों तैं शुभ समाचार सुणये जाणु च।

लूका 8:1

अर येका बाद यीशु परमेस्वर का राज को शुभ समाचार लोगु तैं सुणौन्द-सुणौन्द, नगर-नगर अर गौं-गौं मा घूमणु रै। अर वेका बारह चेला भि वेका दगड़ा मा छा।

लूका 9:11

पर लोगु तैं पता चलि गै, इलै ऊ वेका पिछनै जाण लगि गैनी। अर यीशु न भि ऊंको स्वागत कैरी, अर ऊं बटि परमेस्वर का राज की बात करण लगि गै, अर जु खूब होण चाणा छा ऊंतैं खूब कैरी।

लूका 9:60

पर वेन वे मनखि कू बोलि, “जु आत्मिक रुप से मुरयां छिन, ऊंतैं अपणा मुरदो तैं दफनौण दे, पर तू जैके परमेस्वर का राज को परचार कैर।”

यूहन्ना 18:20

तब यीशु न वेतैं जबाब देई, “मिन सब लोगु का समणि खुलाआम बात करिनी। अर जख सब यहूदी लोग जमा होनदिन, जन कि प्रार्थना भवनों अर मन्दिर मा भि उपदेस देई। अर मिन लुकि-छिपी के कुछ भि नि बोलि।

यूहन्ना 6:59

अर जब यीशु कफरनहूम नगर का एक प्रार्थना भवन मा छौ, तब वेन अपणा उपदेस मा यू सभि बात बुलिनी।

यूहन्ना 7:1

येका बाद यीशु गलील का मुलक मा घूमणु रै। अर उ यहूदिया का मुलक मा जाण नि चान्दु छौ, किलैकि यहूदी लोगु का मुखिया वेतैं मरणे की फिराक मा छा।

खास चेलों 10:38

अर पिता परमेस्वर न नासरत गौं का यीशु तैं अपणी पवित्र आत्मा अर सामर्थ देके चुणी के ठैरै, अर उ जग-जगा जैके के भलै का काम करदु छौ, अर जु लोग शैतान का द्‍वारा सतयां छा, यीशु ऊं लोगु तैं खूब करदु छौ, अर यू सब उ इलै करदु छौ, किलैकि परमेस्वर वेका दगड़ा मा छौ। अर ईं बात का बार मा भि तुम जणदा ही छाँ।

खास चेलों 18:4

अर पौलुस हरेक सब्त का दिन पर प्रार्थना भवन मा जैके यहूदियों अर यूनानी लोगु का दगड़ा मा वाद-विवाद करदु छौ, अर ऊंका मन तैं अपणी तरफा करण की कोसिस करदु छौ।

खास चेलों 20:25

पर सुणा, मि जणदु छौं कि तुम लोग जौं का बीच मा मिन परमेस्वर का राज को परचार कैरी, अब से तुमुन मितैं फिर नि दिखण।

खास चेलों 28:31

अर बिना रुकावट उ, परमेस्वर का राज को परचार बड़ी हिम्मत से करदु छौ, अर प्रभु यीशु मसीह का बारा मा लोगु तैं सिखौणु रौन्दु छौ।

रोमियों 10:15

अर जब तक पिता परमेस्वर कैतैं ऊंका पास बतौण वळु ही नि भेजलु तब तक लोग वेका बारा मा कनकै सुणी सकदिन? मगर सच्‍चै त या च कि वेन अपणा बारा मा इस्राएली लोगु तैं बतै, जन कि पवित्रशास्‍त्र मा भि लिख्यूं च कि, “कथगा धन्य छिन वु लोग, जु कि शुभ समाचार सुणौन्दिन।”