मत्ती 4:14 - Garhwali

¹⁴ अर यू इलै ह्‍वे, ताकि यशायाह रैबर्या का द्‍वारा बुलयूं वु वचन पूरु ह्‍वे जौ। अर वु इन च कि,

गढवली नयो नियम

¹⁴ इलै की जु यशायाह परमेश्वर का तरपां बट्टी बुल्ण वला का द्वारा बुलै गै छो उ पूरो हवे जौ

मत्ती 4:14 ပူးပေါင်းရင်းမြစ်များ

मत्ती 1:22

अर यू सब इलै ह्‍वे, ताकि जु वचन प्रभु न अपणा रैबर्यों का द्‍वारा बुलवै छौ, उ पूरु ह्‍वे जौ।

मत्ती 2:15

अर उ हेरोदेस का मुरण तक उखि रै। अर यू सब इलै ह्‍वे ताकि परमेस्वर को उ वचन पूरु ह्‍वे जौ, जु वेन अपणा रैबर्या का द्‍वारा बोलि छौ। अर उ वचन इन च कि, “मिन अपणा पुत्र तैं मिस्र देस बटि बुलै।”

मत्ती 2:23

अर उख जैके गलील मुलक का नासरत गौं मा बसी गै, ताकि परमेस्वर का रैबर्यों द्‍वारा बुलयूं उ वचन पूरु ह्‍वे जौ जु कि इन च कि, “वे मनखि कू नासरत गौं को बुले जालु।”

मत्ती 26:54

मि इन कैरी सकदु छौं, मगर इन कैरिके पवित्रशास्‍त्र की वा बात पूरि होलि, कि इन होण जरुरी च।”

मत्ती 26:56

अर यू सब त इलै ह्‍वे, ताकि रैबर्यों का द्‍वारा लिख्यां वचन पूरा ह्‍वे जा।” फिर यीशु का सब चेला वेतैं छोड़ि के भागी गैनी।

मत्ती 4:13

अर नासरत नगर तैं छुड़ण का बाद उ कफरनहूम नगर मा रौण लगि गै। अर कफरनहूम नगर झील का छाला पर बस्यूं च, अर जबूलून और नप्‍ताली का गोत्र का लोग ये मुलक मा रौन्दा छा।

मत्ती 4:15

“जु लोग गलील झील का किनरा जबूलून अर नप्‍ताली का मुलकों मा रौनदिन, इख तक कि जु लोग गलील इलाका मा रौण वळा लोगु का बीच मा रौनदिन, जु कि यहूदी जाति का नि छिन। ऊंकू मि इन बुल्दु कि,

मत्ती 8:17

अर इन इलै ह्‍वे, ताकि उ वचन पूरु ह्‍वे जौ जु कि यशायाह रैबर्या न बोलि छौ। अर उ वचन इन च कि, “वेन हमरि कमजोरियों तैं ले लिनी, अर इख तक कि हमरि बिमारियों तैं भि अफ पर ले लिनी।”

लूका 22:37

अर यू मि तुम मा इलै बोन्‍नु छौं, किलैकि यू जरुरी च कि पवित्रशास्‍त्र की वा बात पूरि हो, ज्वा की मेरा बारा मा लिखीं च, “‘उ अपराधियों का दगड़ा मा गिणै जालु।’ “हाँ, मेरा बारा मा लिखीं या बात पूरि होण वळी च।”

लूका 24:44

तब यीशु न ऊंकू बोलि, “यू मेरी वु बात छिन जब मि तुमरा दगड़ा छौ, तब मिन तुमकु बोलि छौ कि यू जरुरी च कि जथगा भि बात मूसा का द्‍वारा लिख्यां नियम-कानूनों मा, अर रैबर्यों की किताबों मा लिखीं छिन, इख तक की जु बात भजनों की किताबों मा भि मेरा बारा मा लिख्यूं छिन, ऊ सभ्यों को पूरु होण जरुरी च।”

यूहन्ना 15:25

पर यू त इलै ह्‍वे, ताकि पवित्रशास्‍त्र मा जन लिख्यूं च उ पूरु ह्‍वे जौ। अर बात इन च कि, “‘ऊंन बेकार मा मिसे नफरत कैरी।’

यूहन्ना 19:28

येका बाद यीशु यू जाणि गै, कि वेको काम पूरु ह्‍वे गै। अर जन पवित्रशास्‍त्र मा लिख्यूं च, उ भि पूरु ह्‍वे जौ इलै वेन बोलि, “मितैं तिस लगि।”