मत्ती 4:13 - Garhwali

¹³ अर नासरत नगर तैं छुड़ण का बाद उ कफरनहूम नगर मा रौण लगि गै। अर कफरनहूम नगर झील का छाला पर बस्यूं च, अर जबूलून और नप्‍ताली का गोत्र का लोग ये मुलक मा रौन्दा छा।

गढवली नयो नियम

¹³ अर नासरत नगर तैं छोड़ी के यीशु अर वेका चेला कफरनहूम शहर मा जु झील का छाला कफरनहूम क्षेत्र का गलील जिला का समुद्री छाला पर छो जख जबूलून अर नप्ताली का गोत्र रौंन्दा छा।

मत्ती 4:13 ပူးပေါင်းရင်းမြစ်များ

मत्ती 11:23

हे कफरनहूम नगर का लोगु, तुम क्या सोचद्‍यां कि तुमतै स्वर्ग तक ऊँचो किये जालु, ‘नऽ रे ना’ तुमतै त अधलोक मा डळै जालु, किलैकि सामर्थ का जु काम तुम लोगु का बीच मा किये गैनी, अगर वु सदोम नगर मा किये जान्दा, त वु नगर आज तक बणयूं रौन्दु।

मत्ती 17:24

जब यीशु अर वेका चेला कफरनहूम नगर मा ऐनी, त मन्दिर मा कर लेण वळो न पतरस का पास ऐके पूछी, “क्या तुमरो गुरु मन्दिर को कर भि देन्दु?”

मत्ती 4:14

अर यू इलै ह्‍वे, ताकि यशायाह रैबर्या का द्‍वारा बुलयूं वु वचन पूरु ह्‍वे जौ। अर वु इन च कि,

मत्ती 4:15

“जु लोग गलील झील का किनरा जबूलून अर नप्‍ताली का मुलकों मा रौनदिन, इख तक कि जु लोग गलील इलाका मा रौण वळा लोगु का बीच मा रौनदिन, जु कि यहूदी जाति का नि छिन। ऊंकू मि इन बुल्दु कि,

मत्ती 9:1

अर यू सब होण का बाद यीशु नाव मा चैड़ि के झील का पार अपणा नगर कफरनहूम मा ऐ गै।

मरकुस 1:21

फिर यीशु अर वेका चेला गलील मुलक का कफरनहूम नगर मा ऐनी, अर जब सब्त को दिन ऐ त यीशु तुरन्त प्रार्थना भवन मा गै, अर लोगु तैं उपदेस देण लगि गै।

मरकुस 2:1

अर कुछ दिन का बाद यीशु फिर से कफरनहूम नगर मा ऐ, अर या खबर फैली गै कि यीशु घौर अयूं च।

लूका 10:15

हे कफरनहूम नगर का लोगु तुम क्या सोचद्‍यां, कि तुमतै स्वर्ग तक ऊँचो किये जालु ‘नऽ रे ना’ तुमतै त अधलोक मा डळै जालु।”

लूका 4:23

तब यीशु न ऊंकू बोलि, “तुम जरुर मि खुणि या औखाण बोलिल्या कि, ‘हे बैद, पैलि खुद तैं खूब कैर।’ अर तुम इन भि बोलिल्या कि, ‘जौं चमत्कारिक कामों का बारा मा हमुन सुणी, कि तुमुन कफरनहूम नगर मा कैरी, ऊंतैं इख अपणा नगर मा भि कैर।’

यूहन्ना 2:12

येका बाद यीशु अपणी माँ, भैयों अर चेलों का दगड़ा मा कफरनहूम नगर गै। अर उख ऊ कुछ ही दिन रैनी।

यूहन्ना 4:46

तब यीशु फिर से गलील का काना गौं मा ऐ, जख वेन पाणि बटि अंगूरों को रस बणै छौ। अर कफरनहूम नगर मा एक राजा को अधिकारी छौ, जैको नौनु बिमार छौ।

यूहन्ना 6:17

अर एक नाव पर चैड़ि के झील का पल्या छाला कफरनहूम नगर जाण लगि गैनी अर अन्धेरु ह्‍वे गै छौ, मगर यीशु तबरि तक भि उख नि पौंछी छौ।

यूहन्ना 6:24

इलै जब भीड़ न देखि, कि इख नऽ त यीशु च अर ना ही वेका चेला, त ऊ भि नावों पर चैड़ि के यीशु तैं खुज्यान्द-खुज्यान्द कफरनहूम नगर मा पौंछी गैनी।

यूहन्ना 6:59

अर जब यीशु कफरनहूम नगर का एक प्रार्थना भवन मा छौ, तब वेन अपणा उपदेस मा यू सभि बात बुलिनी।