मत्ती 26:52 - Garhwali

⁵² तब यीशु न वे चेला कू बोलि, “अपणी तलवार तैं म्यान मा रखी दे, किलैकि जु तलवार चलौन्दिन वु सब तलवार से ही मरे जाला।

गढवली नयो नियम

⁵² तब यीशु ल वेमा बोलि, “अपड़ी तलवार तैं मियान मा रखि दे किलैकि जु तलवार चलौंदींनि उ सभि तलवार ल नष्ट करे जाला।”

मत्ती 26:52 ပူးပေါင်းရင်းမြစ်များ

मत्ती 5:39

पर मि तुमतै बतै देन्दु, कि जु बुरु च वेको मुकाबला नि कैरा, पर अगर कुई तेरा दैंणा गलोड़ा पर थप्पड मारो, त वेकी तरफा दुसरो गलोडु भि कैर दे।

रोमियों 12:19

हे मेरा प्यारा भै-बैंणो, तुम इन्द्रया लोगु का दगड़ा मा खुद बदला नि ल्या, बल्किन मा पिता परमेस्वर को इंतजार कैरा, ताकि वु खुद ऊंतैं दण्ड द्‍यो। किलैकि पवित्रशास्‍त्र मा भि इन्‍नि लिख्यूं च, कि प्रभु बुल्दु कि, “बदला लेण मेरु काम च, मि खुद ही ये काम तैं करलु।”

1 थिस्सलुनीकी 5:15

अर ईं बात तैं ध्यान मा रखा, कि अगर कुई तुमरा खिलाप मा बुरै करदु, त तुम वेका बदला मा बुरै नि कर्यां। पर हमेसा भलै करण की कोसिस कैरा, ज्यां से की सब लोगु की भलै हो।

1 पतरस 3:9

बुरै का बदला मा बुरै नि कैरा अर ना ही गळी का बदला मा गळी द्‍या, मगर इन्द्रया लोगु तैं बदला मा आसीस ही द्‍या, किलैकि पिता परमेस्वर न तुमतै यां खुणि ही बुलयूं च, ताकि तुम आसीस का वारिस बणि जा।

दिब्य दरस 13:10

जैतैं कैदी होणु खुणि ठैरैये गै वेतैं जेलखाना मा डळै जालु, जैतैं तलवार से मरे जाण खुणि ठैरैये गै उ तलवार से मरे जालु, इलै ईं बात तैं जाणि ल्या कि बिस्वासी लोगु तैं सबर अर बिस्वास मा बणयूं रौण की जरुरत च।

दिब्य दरस 16:6

किलैकि ऊंन बिस्वासी लोगु अर तुमरा रैबर्यों को ल्वे बुगै, इलै तुमुन भि ऊंतैं पाणि का बदला मा ल्वे पीणु खुणि दिनी, अर जन ऊंन कैरी उन्‍नि पै।”