मत्ती 26:16 - Garhwali

¹⁶ अर उबरि बटि ही यहूदा यीशु तैं पकड़वाणु खुणि मौका खुज्याण लगि गै।

गढवली नयो नियम

¹⁶ अर उ वे ही बगत बट्टी वे तैं पकड़ाण को ठिक मौका खुज्योंण लगि गै।

मत्ती 26:16 ပူးပေါင်းရင်းမြစ်များ

मत्ती 26:15

“सुणा, अगर मि यीशु तैं तुमरा हाथों मा पकड़वै द्‍यूलु त तुम मितैं क्या दिल्या?” तब ऊंन वेतैं चांदी का तीस सिक्‍का दे दिनी।

मत्ती 26:17

अर अखमीरी रुट्‍टी का त्योवार का पैला दिन चेलों न यीशु का पास ऐके पूछी, “गुरुजी, तुम कख चन्द्‍यां कि हम तुम खुणि फसह को खाणुक खाण की तयारी कैरा?”

मरकुस 14:11

अर वेकी बात तैं सुणी के वु लोग भौत खुश ह्‍वेनि, अर वेतैं रुपया देण को करार कैरी। अर तब बटि यहूदा इस्करियोती यीशु तैं पकड़वौण को मौका खुज्याण लगि गै।

लूका 22:6

तब उ भि राजी ह्‍वे गै। अर वे ही बगत बटि उ इन मौका खुज्याण लगि गै, कि जब यीशु का दगड़ा मा भीड़ नि होलि, त वेन वेतैं पकड़वाण।

खास चेलों 24:25

अर जब पौलुस धरमी जीवन जीण का बारा मा, अर खुद तैं अपणा वश मा रखण का बारा मा, अर औण वळा न्याय का बारा मा बतौणु छौ, त फेलिक्स डौऽरी गै अर वेन बोलि, “अभि तू इख बटि चलि जा, अगर मौका मिललु त मि तुमतै बुलाणु खुणि रैबार भेजि द्‍यूलु।”

1 कुरिन्थि 16:12

अब हमरा भै अपुल्‍लोस से मिन भौत बिन्ती कैरी कि उ और भै का दगड़ा मा तुमरा पास अऽ, मगर अभि वेकी तुमरा पास औण की बिल्कुल भि इच्छा नि च। पर जब वेतैं मौका मिललु, त तब वु तुमरा पास ऐ जालु।