Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




मत्ती 24:9 - Garhwali

9 अर वे बगत लोग तुमतै दुख देणु खुणि पकड़वै द्‍याला, अर तुम मि पर बिस्वास करद्‍यां इलै सब जाति का लोग तुम बटि नफरत करला, इख तक की मरवै भि द्‍याला।

အခန်းကိုကြည့်ပါ။ ကော်ပီ

गढवली नयो नियम

9 तब उ लोग जु तुमारा विरोध करदा छिन क्लेश दिलांण कु तुम तैं पकड़वाला अर किलैकि तुम मि पर विश्वास करदा छा सभि जातियों का लोग तुम से बैर रखला।

အခန်းကိုကြည့်ပါ။ ကော်ပီ




मत्ती 24:9
26 ပူးပေါင်းရင်းမြစ်များ  

अर कुछ लोगु न राजा का नौकरों तैं पकड़ी अर ऊंका दगड़ा गळत बरतौ कैरी, अर ऊंतैं मारी भि दिनी।


“इलै सुणा, मि तुमरा पास रैबर्यों तैं, अर अकलमन्दो तैं, शास्‍त्री लोगु तैं भेजणु छौं, अर तुम ऊंमा बटि कुछो तैं मारी दिल्या, अर क्रूस पर चड़ै दिल्या। अर कुछो तैं अपणा प्रार्थना भवनों मा कोड़ा मरवैल्या, इख तक कि तुम नगर-नगर मा जैके ऊंतैं सतैल्या।


इलै परमेस्वर की अकल न बोलियालि छौ कि, ‘मि ऊंका पास रैबर्यों अर खास चेलों तैं भेजलु। अर वु लोग यों भेज्यां लोगु मा बटि कुछ लोगु तैं सताला अर कुछो तैं त मारी भि द्‍याला।’


अर यू सब होण से पैलि लोग तुमतै सताला अर पकड़वै द्‍याला, अर तुमतै प्रार्थना भवन का लोगु का सुपुर्द कैरी द्‍याला। इख तक की वु तुमतै राजाओं अर सासन करण वळो का समणि लि जाला, अर जेलखाना मा भि डलवै द्‍याला। अर यू सब वु मेरा नौ की वजै से तुमरा दगड़ा मा करला।


यीशु न फिर से चेलों कू बोलि, “अगर दुनियां का लोग तुम से नफरत करदिन, त तुम ईं बात तैं याद कर्यां कि ऊं लोगु न तुम से पैलि मिसे भि नफरत कैरी।


अर यू सब वु मेरा बानो तुमरा दगड़ा मा करला, किलैकि जै परमेस्वर न मितैं भेजि च, वेतैं वु लोग नि जणदिन।


किलैकि लोग तुमतै प्रार्थना भवन बटि निकाळि द्‍याला। इथगा ही ना, बल्किन इन बगत औणु वळु च, कि जु कुई भि तुमतै जान से मरलु उ इन समझालु, कि इन कैरिके उ परमेस्वर की ही सेवा कनु च।


मगर तू क्या चाणि छैई वा बात हम त्वे बटि ही सुनण चन्द्‍यां, किलैकि हमतै पता च कि हरेक जगा का लोग ये मसीह का बाटा का खिलाप मा बात कना छिन।”


जब ऊ लोग स्तिफनुस तैं ढुंग्योणा छा, त वेन प्रभु से प्रार्थना कैरी, “मेरा प्रभु यीशु, मेरी आत्मा तैं स्वीकार कैरा।”


पर अगर कुई मनखि यीशु मसीह पर बिस्वास करण की वजै से दुख उठौन्दु, त वे मनखि तैं खुद पर सरम नि औण चयेणी, बल्किन मा उ यीशु नौ की वजै से पिता परमेस्वर की बडै कैरो।


अर सुणा, जु दुख-तकलीफ तुम पर औणिन ऊं बातों से नि डौऽरा, किलैकि शैतान तुम मा बटि कुछ लोगु तैं जेलखाना मा डलवै द्‍यालु, ताकि तुम पूरि तरौं से परखै जा। अर दस दिनों तक तुमतै भौत पीड़ा दिये जालि, मगर अपणी आखिरी सांस तक तुम भरोसेमन्द बणयां रयां, अर मि तुमतै जीवन को मुकुट द्‍यूलु।


“मि जणदु छौं, कि तुम वे नगर मा रौन्द्‍यां जख शैतान की राजगद्‍दी च, मगर फिर भि तुमरो भरोसा मि पर बणयूं रै। अर जब लोगु न मेरा भरोसामन्द गवा अन्तिपास तैं तुमरा नगर मा जान से मर दिनी, तब भि तुमरो बिस्वास मि पर बणयूं रै।


अर मिन बोलि कि, “हे मेरा प्रभु, मितैं त नि च पता पर तुमतै पता होलु।” अर वेन मिकू बोलि कि, “यू वु लोग छिन, जौन बड़ी पीड़ा सै अर वामा बटि निकळि के अयां छिन, अर ऊंन अपणा कपड़ों तैं मेम्‍ना का ल्वे मा ध्वेके के खुद तैं सफेद कर्युं च।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ