मत्ती 24:7 - Garhwali

⁷ किलैकि यू होण से पैलि एक देस दुसरा देस पर अर एक राज्य दुसरा राज्य का खिलाप मा खड़ा होला, अर भौत सि जगों पर अकाळ पोड़ला, अर भ्वींचळा भि आला।

गढवली नयो नियम

⁷ किलैकि एक जाति दुसरी जाति पर अर एक राज्य हैंका राज्य पर राज्य कनु कु चड़ै करलो अर जगह-जगह अकाल पड़ुलो अर भ्यूंचोळ होला।

मत्ती 24:7 ပူးပေါင်းရင်းမြစ်များ

लूका 21:11

तब बड़ा-बड़ा भ्वींचळा होला, अर जग-जगा बन्‍नि-बन्‍नि किसमे की बिमारि आली अर अकाळ भि पोड़ला। अर इख तक की आसमान मा भि बड़ा-बड़ा अर खतरनाक चिन्‍न दिख्याला।

खास चेलों 11:28

अर ऊंमा बटि एक अगबुस रैबर्या छौ, अर वेन खड़ु ह्‍वेके पवित्र आत्मा का द्‍वारा भविष्यबाणी कैरिके बोलि कि ये पूरि दुनियां मा भौत बड़ु अकाळ पोड़लु (अर ठिक उन्‍नि ह्‍वे, यू अकाळ महाराजा क्लौदियुस का बगत मा पोड़ि)।

खास चेलों 2:19

अर मिन मूड़ी धरती पर ल्वे, अर आसमान मा आग अर धुंवा का बादळों का चमत्कारिक चिन्‍न दिखौणिन।

इब्रानी 12:27

यां को मतलब इन च कि पूरि दुनियां तैं हिल्ये जालु अर सब कुछ इनै-उनै ह्‍वे जालु अर बस वु चीज ही रै जालि जु कभि हिल्ये नि जै सकदी।

दिब्य दरस 6:12

अर जब मिन मेम्‍ना तैं छटुं मोर खुलद देखि, त एक बड़ु भ्वींचळु ऐ अर सूरज इन काळु पोड़ि गै जन की काळु टाट हो, अर चाँद इन ह्‍वे गै जन की, ल्वे।

दिब्य दरस 6:5

जब मेम्‍ना न तिसरी मोर तैं खोली, त मिन तिसरा पराण तैं इन बुल्द सुणी, “अऽ।” तब मिन एक काळु घोड़ा तैं निकळद देखि, अर वेमा एक पराण सवार छौ जैका हाथ मा एक तराजू छौ।

दिब्य दरस 6:6

अर मिन चार ज्यून्दा पराणों का बीच मा इन आवाज सुणी, “इन्द्रयो अकाळ भेजि द्‍या कि सब कुछ मैंगु ह्‍वे जौ, अर एक किलो अनाज की कीमत एक दिन की ध्याड़ि का बराबर, अर तीन किलो जौ कि कीमत एक दिन की ध्याड़ि का बराबर हो, मगर जैतून अर अंगूरों का बगिचो तैं नुकसान नि पौंछै।”

दिब्य दरस 6:8

तब मिन एक हलकु पीला रंग को एक घोड़ा निकळद देखि, अर वेमा सवार पराण को नौ छौ, मौत। अर अधलोक वेका पिछनै-पिछनै छौ। अर वेतैं धरती का चार हिस्सों मा बटि एक हिस्सा पर अधिकार दिये गै, कि ऊ तलवार बटि, अकाळ बटि, जान से मरण वळी महामारी बटि, अर जंगळि जानबरों का द्‍वारा लोगु तैं जान से मारी द्‍यो।