मत्ती 23:3 - Garhwali

³ इलै ऊ जु कुछ भि तुम बटि बुलला तुम ऊंकी माणा अर उन्‍नि कैरा, पर ऊंका जन काम नि कर्यां, किलैकि जु कुछ भि ऊ बुल्दिन, वेका मुताबिक वु खुद नि करदिन।

गढवली नयो नियम

³ इलै उ तुम मा जु कुछ भि बुलुनु उ न करयां अर न मणयां पर उ जु करदा छिन ऊं तुम नि करयां किलैकि उ उपदेश त दींद छिनी पर पालन नि करदींनि।

मत्ती 23:3 ပူးပေါင်းရင်းမြစ်များ

मत्ती 21:30

तब बुबा न छुटा नौना का पास जैके भि इन्‍नि बोलि, अर ये दुसरा नौन न जबाब दिनी, ‘ठिक च पापा जाणु छौं,’ पर उ नि गै।

मत्ती 23:2

शास्‍त्री अर फरीसी दल का लोगु का पास मूसा का दियां नियम-कानून तैं सिखौण को अधिकार च।

मत्ती 23:4

अर वु नियम-कानूनों का गरा बोझ तैं बणै के लोगु का कन्धों पर लादि देन्दिन जैतैं उठौण बड़ु कठिन च, पर नियम-कानून को पालन कनकै करण चयेणु ईं बात खुणि वु दुसरा लोगु की मदद नि करदिन।

खास चेलों 5:29

तब पतरस अर दुसरा खास चेलों न जबाब दिनी, “मनखियों की आज्ञा से जादा बढी के परमेस्वर की आज्ञा को पालन करण हमरु फरज च।

रोमियों 13:1

दगड़्यों, हरेक मनखि अपणा अधिकारीयों का अधीन मा रौ, किलैकि पिता परमेस्वर की इजाजत का द्‍वारा ही मनखियों तैं अधिकार दिये जनदिन। अर आज भि जु अधिकारी लोग छिन वु भि पिता परमेस्वर का द्‍वारा ही ठैरैये गैनी।

2 तीमुथियुस 3:5

अर लोगु तैं दिखाणु खुणि केवल परमेस्वर की भक्‍ति करला, पर परमेस्वर की ताकत तैं नकारी द्‍याला। अर इन्द्रया लोगु बटि तुम अलग रयां।

तीतुस 1:16

अर यू लोग इन बुल्दिन कि, हम परमेस्वर तैं जणदा छां, पर ऊंका कामों का द्‍वारा इन पता चलि जान्दु कि ऊ परमेस्वर तैं नि जणदिन, किलैकि वु दुष्‍ट सभौ का, अर आज्ञा नि मनण वळा, अर कुई भि अच्छा काम करण का लैख नि छिन।