मत्ती 22:8 - Garhwali

⁸ “तब वेन अपणा नौकरों कू बोलि, ‘ब्यौ को खाणु तयार च, मगर जौं लोगु तैं बुलये गै छौ ऊ लोग ही लैख नि छा।

गढवली नयो नियम

⁸ तब वेल अपड़ा सेवकों मा बोलि ब्यो कु खांणु त तैयार च पर जु लोग बुलै छा उ वे खांणु का लैख नि ठैरिनि।

मत्ती 22:8 ပူးပေါင်းရင်းမြစ်များ

मत्ती 22:7

तब वे राजा तैं भौत गुस्सा ऐ, अर वेन अपणी सेना तैं भेजि के ऊं हत्यारों को नास कैरी दिनी, अर ऊंका नगर तैं फूकी दिनी।

मत्ती 22:9

इलै सुणा, तुम लोग चौबटो पर जा, अर जथगा भि लोग तुमतै मिलला, ऊं सभ्यों तैं ब्यौ की दावत मा बुलै के ला।’

मत्ती 9:15

तब यीशु न ऊंतैं जबाब देई, “जबरि तक ब्यौला बरातियों का दगड़ा मा च, क्या बराति शोक कैरी सकदिन? मगर इन्द्रया दिन औण वळा छिन, जब ब्यौला तैं ऊंका दगड़ा बटि अलग किये जालु, तब ऊं दिनों मा ऊ उपवास रखला।”

लूका 20:35

पर जु लोग परमेस्वर की औलाद छिन, वु लोग वे जमना खुणि मौत मा बटि ज्यून्द होण का लैख अर जीवन तैं पौण का लैख छिन। अर फिर वु कभि नि मुरला, किलैकि उख वु स्वर्गदूतों की तरौं होला, वु ना त उख ब्यौ करला अर ना ही वु ब्यौ करणु खुणि दिये जाला। अर फिर वु परमेस्वर की औलाद होला, किलैकि वु मौत मा बटि ज्यून्दा ह्‍वे जाला।

लूका 21:36

इलै हर बगत चौकस रा अर प्रार्थना कना रा, ताकि जु बात होण वळी छिन तुम ऊं सब बातों से बचि सैका। अर मनखि का पुत्र का समणि खड़ु होण का लैख बणि सैका।”

खास चेलों 13:46

तब पौलुस अर बरनबास न बड़ी हिम्मत से ऊंतैं जबाब देई, “या बात भौत जरुरी छै कि परमेस्वर को वचन सबसे पैलि तुमतै ही सुणये जान्दु। मगर जब तुम ही वेतैं नकरणा छाँ अर अफ तैं सदनि का जीवन का लैख नि समझद्‍यां, त सुणा, अब से हम दुसरि जाति का बीच मा परचार करणु कू जाणा छां।

2 थिस्सलुनीकी 1:5

अर मि तुमतै बतै देन्दु कि परमेस्वर का राज तैं पौण का खातिर जौं दुखों तैं तुम अभि झिलणा छाँ, ऊंका द्‍वारा परमेस्वर भि तुमतै अपणा लैख बणाणु च। अर यू देखि के लोग जाणि जाला कि परमेस्वर न्याय करण मा सच्‍चु च।

दिब्य दरस 22:14

धन्य छिन ऊ, जौन अपणा कपड़ा धुईन, अब ऊंका पास जीवन का डाळा को फल खाणु को अर गेट से नया यरूशलेम नगर मा दाखिल होण को अधिकार च।

दिब्य दरस 3:4

“पर हाँ, सरदीस मा कुछ लोग पवित्र छिन किलैकि वु सब बुरै का कामों से दूर रैनी, अर वु इथगा लैख छिन कि सफेद कपड़ा पैनी के मेरा दगड़ा मा चला।