मत्ती 2:13 - Garhwali

¹³ अर जब जोतिस लोग उख बटि चलि गैनी, त प्रभु को एक दूत यूसुफ तैं सुपन्या मा दिखै अर वेन वेकू बोलि, “यूसुफ उठ, बच्‍चा अर वेकी माँ तैं लेके मिस्र देस कू चलि जा। अर जबरि तक मि त्वेकू नि बोललु तबरि तक उखि रै, किलैकि हेरोदेस ये बच्‍चा तैं खुजवौणु च, ताकि उ येतैं मरवै द्‍यो।”

गढवली नयो नियम

¹³ ऊंका जांणा का बाद प्रभु का एक स्वर्गदूत ल यूसुफ का सुपन्या मा ऐ के बोलि, “उठ वे बच्चा तैं अर वेकी ब्वे तैं ले के मिस्र देश कु भागि जा, अर जब तक मि त्वे मा नि बोलु तब तक उखि रै किलैकि राजा हेरोदेस यु बच्चा तैं ढुंडणु च कि वे तैं मरवै द्यो।”

मत्ती 2:13 ပူးပေါင်းရင်းမြစ်များ

मत्ती 1:20

अर जब उ यों सब बातों का बारा मा सुचणु ही छौ, कि एक दिन वेतैं सुपन्या मा प्रभु को एक दूत दिखै। अर वेन वेकू बोलि कि, “हे यूसुफ, तू जु दाऊद का वंश मदि छैई तू मरियम का दगड़ा मा ब्यौ करण से नि डौऽर, किलैकि जु बच्‍चा वींका कोख मा च, उ परमेस्वर की पवित्र आत्मा की ताकत से च। अर मि त्वेतै बतै देन्दु कि,

मत्ती 10:23

अर जब वु लोग तुमतै ये नगर मा सताला तब तुम दुसरा नगर मा भागी जयां। अर मि तुम बटि सच्‍च बोन्‍नु छौं कि तुम इस्राएल देस का सब नगरों मा परचार पूरु भि नि कैरी सकिल्या कि तबरि तक मनखि को पुत्र ऐ जालु।

मत्ती 2:12

तब परमेस्वर न जोतिसों तैं सुपन्या मा चितै के बोलि कि, “सुणा, हेरोदेस का पास फिर नि जयां।” इलै ऊ दुसरा ही बाटा बटि अपणा देस कू चलि गैनी।

मत्ती 2:14

इलै यूसुफ उठी, अर वीं ही रात बच्‍चा अर वेकी माँ तैं लेके मिस्र देस कू चलि गै।

मत्ती 2:16

अर जब राजा हेरोदेस तैं इन पता चलि कि जोतिसों न मितैं धोखा दियाली, त उ खौं को बाग बणि गै। अर जै बगत का बारा मा जोतिसों न बोलि छौ, वेका मुताबिक वेन पता करवै के अपणा सिपयों तैं बैतलहम गौं मा अर आस-पास का ग्‍वोंऽ मा भेजि। अर आज्ञा देई कि दुई साल का या वेसे कम साल का जथगा भि नौना छिन ऊं सभ्यों तैं मारी द्‍या।

मत्ती 2:22

अर जब उ इख ऐ, त वेन सुणी कि हेरोदेस अन्तिपास की जगा मा अब वेको नौनु अरखिलाउस यहूदिया मुलक पर राज कनु च, त उ उख जाण से डौऽरी गै। पर परमेस्वर न वेतैं सुपन्या मा चितै, इलै उ गलील मुलक कू चलि गै।

खास चेलों 10:22

तब ऊंन बोलि, “हमतै सुबेदार कुरनेलियुस न इख भेजि, अर वु एक धरमी अर परमेस्वर पर अपणी पूरि सरदा रखण वळु मनखि च, अर यहूदी लोग भि वेकी भौत तारीफ करदिन। अर परमेस्वर का एक पवित्र स्वर्गदूत न कुरनेलियुस तैं बतै कि तुमतै अपणा घौर मा बुलये जौ, ताकि तुमरा द्‍वारा वु उपदेस सुणी सैको।”

खास चेलों 10:7

अर जब वु स्वर्गदूत उख बटि चलि गै जैन वेसे बात कैरी छै, तब कुरनेलियुस न अपणा दुई नौकरों तैं अर जु लोग वेका दगड़ा मा रौन्दा छा ऊंमा बटि एक खास भक्‍त सिपै तैं बुलै,

खास चेलों 12:11

अर जब पतरस तैं सुद ऐ त वेन बोलि, “अब मितैं सच्‍चि मा पता चलि गै, कि प्रभु न अपणा स्वर्गदूत तैं भेजि के मितैं हेरोदेस अग्रिप्पा बटि बचै अर ऊं सब बातों से भि जौं बातों की इच्छा यहूदी लोग कना छा।”

खास चेलों 12:7

तबरि वीं कुठड़ी मा एक स्वर्गदूत उख खड़ु ह्‍वे, अर एक बड़ु उज्याळु चमकी। अर ये स्वर्गदूत न पतरस पर हाथ लगै के वेतैं निन्द बटि बिंजाळी। तब स्वर्गदूत न वेकू बोलि, “पतरस उठ, चल जल्दी कैर।” अर संगुळा वेका हाथों बटि अफि खुलि के भ्वीं पोड़ि गैनी।

खास चेलों 16:36

तब जेलर न यू बात पौलुस तैं बतैनि अर वेन बोलि कि, “अधिकारीयों न तुमतै छुड़णे आज्ञा दिईं च, इलै अब तुम हमरा इख बटि निकळि के शान्ति से अपणा इख चलि जा।”

खास चेलों 5:19

पर राति का बगत प्रभु का एक स्वर्गदूत न जेलखाना का द्‍वार खोली के ऊंतैं भैर लि गै। अर ऊंकू बोलि कि,

खास चेलों 7:19

अर ये नया राजा न हमरा पितरों का दगड़ा मा बिस्वासघात कैरी अर ऊंका दगड़ा मा भौत गळत ब्यौहार कैरी, वेन ऊंतैं इथगा मजबूर कैरी कि ऊंन अपणा नवजात बच्‍चों तैं मुरणु खुणि भैर छोड़ दिनी ताकि वु मोरि जा।

दिब्य दरस 12:14

मगर परमेस्वर न वीं जनानि तैं चील की तरौं दुई बड़ा फाँकुड़ दिनी, ताकि वा खुंखार रागस का समणि बटि निर्जन जगा कू उड़ि जौ, ज्वा कि खुद परमेस्वर न वीं खुणि तयार कैरिके रखी छै, ताकि वींको पालन-पोसण सढ़े तीन साल तक किये जौ।

दिब्य दरस 12:4

अर वेन अपणी पूंच से आसमान का गैंणो का तीन हिस्सों मदि एक हिस्सा तैं खैंची के धरती पर ढोळि दिनी। तब उ खुंखार रागस वीं जनानि का समणि खड़ु ह्‍वे गै, ज्वा कि बच्‍चा तैं जनम देण वळी छै, ताकि जब बच्‍चा को जनम हो, त उ वेतैं निगळी द्‍यो।

दिब्य दरस 12:6

अर वा जनानि निर्जन जगा कू भागी गै जख परमेस्वर न वीं खुणि एक जगा तयार कैरिके रखी छै, ताकि उख वींको पालन-पोसण सढ़े तीन साल तक हो।