मत्ती 2:12 - Garhwali

¹² तब परमेस्वर न जोतिसों तैं सुपन्या मा चितै के बोलि कि, “सुणा, हेरोदेस का पास फिर नि जयां।” इलै ऊ दुसरा ही बाटा बटि अपणा देस कू चलि गैनी।

गढवली नयो नियम

¹² तब ऊंल सुपन्या मा या चेतावनी पै कि राजा हेरोदेस का संमणी फिर नि जयां अर उ बगैर बतयां दुसरा बट्टा बट्टी अपड़ा देशों कु चलि गैनी।

मत्ती 2:12 ပူးပေါင်းရင်းမြစ်များ

मत्ती 1:20

अर जब उ यों सब बातों का बारा मा सुचणु ही छौ, कि एक दिन वेतैं सुपन्या मा प्रभु को एक दूत दिखै। अर वेन वेकू बोलि कि, “हे यूसुफ, तू जु दाऊद का वंश मदि छैई तू मरियम का दगड़ा मा ब्यौ करण से नि डौऽर, किलैकि जु बच्‍चा वींका कोख मा च, उ परमेस्वर की पवित्र आत्मा की ताकत से च। अर मि त्वेतै बतै देन्दु कि,

मत्ती 2:13

अर जब जोतिस लोग उख बटि चलि गैनी, त प्रभु को एक दूत यूसुफ तैं सुपन्या मा दिखै अर वेन वेकू बोलि, “यूसुफ उठ, बच्‍चा अर वेकी माँ तैं लेके मिस्र देस कू चलि जा। अर जबरि तक मि त्वेकू नि बोललु तबरि तक उखि रै, किलैकि हेरोदेस ये बच्‍चा तैं खुजवौणु च, ताकि उ येतैं मरवै द्‍यो।”

मत्ती 2:19

अर राजा हेरोदेस की मौत का बाद, प्रभु को एक दूत यूसुफ तैं सुपन्या मा दिखै, अर तब यूसुफ मिस्र देस मा ही छौ।

मत्ती 2:22

अर जब उ इख ऐ, त वेन सुणी कि हेरोदेस अन्तिपास की जगा मा अब वेको नौनु अरखिलाउस यहूदिया मुलक पर राज कनु च, त उ उख जाण से डौऽरी गै। पर परमेस्वर न वेतैं सुपन्या मा चितै, इलै उ गलील मुलक कू चलि गै।

मत्ती 27:19

अर जब पिलातुस न्याय आसन पर बैठयूं छौ, त वेकी घरवळी न वेका पास इन रैबार भेजि कि, “तुम वे धरमी मनखि का मामला मा हाथ नि डलयां, किलैकि ब्याळि राति मिन वेका बारा मा सुपन्या देखि, अर वेकी वजै से आज मि भौत दुख झेली।”

लूका 2:26

अर पवित्र आत्मा न वेतैं बतयूं छौ कि, “जब तक तू प्रभु का भेज्यां मसीह तैं नि देखि दिली, तब तक तेरी मौत नि होण।”

खास चेलों 10:22

तब ऊंन बोलि, “हमतै सुबेदार कुरनेलियुस न इख भेजि, अर वु एक धरमी अर परमेस्वर पर अपणी पूरि सरदा रखण वळु मनखि च, अर यहूदी लोग भि वेकी भौत तारीफ करदिन। अर परमेस्वर का एक पवित्र स्वर्गदूत न कुरनेलियुस तैं बतै कि तुमतै अपणा घौर मा बुलये जौ, ताकि तुमरा द्‍वारा वु उपदेस सुणी सैको।”

खास चेलों 4:19

अर ऊंन ऊंतैं जबाब दिनी, “चला, अब तुम ही बता, कि परमेस्वर की नजर मा क्या ठिक च। क्या परमेस्वर का छौन्द, हम वेकी बात तैं माणा या तुमरि?

खास चेलों 5:29

तब पतरस अर दुसरा खास चेलों न जबाब दिनी, “मनखियों की आज्ञा से जादा बढी के परमेस्वर की आज्ञा को पालन करण हमरु फरज च।

1 कुरिन्थि 3:19

अर इन उ इलै कैरो किलैकि ईं दुनियां को ज्ञान परमेस्वर की नजर मा मूरखता च, जन कि पवित्रशास्‍त्र मा भि लिख्यूं च कि, “उ ज्ञानी लोगु तैं ऊंका खुद की चालाकी मा फंसै देन्दु।”

इब्रानी 11:7

अर बिस्वास से ही पितर नूह न परमेस्वर की तरफा से वे पाणि की विपदा का बार मा जाणि जैतैं वेन देखि नि छौ, अर वेन परमेस्वर की बात सुणी अर परमेस्वर की आज्ञा माणी के अपणा परिवार तैं बचौणु खुणि पाणि को एक बड़ु जाज बणै। अर इन्द्रया बिस्वास का बानो परमेस्वर न नूह तैं अपणी नजर मा धरमी पै, मगर वे बगत का लोगु न बिस्वास नि कैरी, इलै परमेस्वर न ऊंतैं दण्ड दिनी।

इब्रानी 8:5

अर असली पवित्र जगा स्वर्ग मा च अर ईं धरती का पुरोहित जख सेवा करदिन वु सिरफ वेको एक नमूना च। इलै जब मूसा रैबर्या ईं धरती पर पवित्र तम्बू तैं बणौण वळु छौ, त तम्बू बणौण से पैलि ही पिता परमेस्वर न वेतैं चितै दिनी कि, “ईं बात को ध्यान रखी कि जु नमूना त्वेतै सीनै पाड़ पर दिखये गै तू तम्बू तैं वेका मुताबिक ही बणै।”