मत्ती 2:1 - Garhwali

¹ यहूदिया मुलक को राजा हेरोदेस अन्तिपास छौ। अर ऊं दिनों मा ही यीशु को जनम यहूदिया मुलक का बैतलहम गौं मा ह्‍वे, तब पूरब दिसा का देसों बटि कुछ जोतिस यरूशलेम नगर मा ऐनी।

गढवली नयो नियम

¹ जब राजा हेरोदेस यहूदिया प्रान्त पर शासन कनु छो, त यीशु को जन्म वे प्रान्त का बैतलहम शहर मा हवे, त पूरब का देश बट्टी कथग ही ज्योतिषि यरूशलेम शहर मा ऐ के पुछण लगि गैनी

मत्ती 2:1 ပူးပေါင်းရင်းမြစ်များ

मत्ती 1:25

अर जबरि तक वींन नौना तैं जनम नि देई, तबरि तक यूसुफ मरियम का दगड़ा मा नि सै। अर जब नौनो को जनम ह्‍वे, त यूसुफ न वेकू नौ यीशु रखी। अर इनकै यीशु को जनम ह्‍वे।

मत्ती 2:16

अर जब राजा हेरोदेस तैं इन पता चलि कि जोतिसों न मितैं धोखा दियाली, त उ खौं को बाग बणि गै। अर जै बगत का बारा मा जोतिसों न बोलि छौ, वेका मुताबिक वेन पता करवै के अपणा सिपयों तैं बैतलहम गौं मा अर आस-पास का ग्‍वोंऽ मा भेजि। अर आज्ञा देई कि दुई साल का या वेसे कम साल का जथगा भि नौना छिन ऊं सभ्यों तैं मारी द्‍या।

मत्ती 2:19

अर राजा हेरोदेस की मौत का बाद, प्रभु को एक दूत यूसुफ तैं सुपन्या मा दिखै, अर तब यूसुफ मिस्र देस मा ही छौ।

मत्ती 2:3

अर यू सुणी के राजा हेरोदेस अर यरूशलेम नगर का सब लोग घबरै गैनी।

मत्ती 2:5

तब ऊंन वेकू बोलि, “यहूदिया मुलक का बैतलहम गौं मा, किलैकि परमेस्वर का रैबर्यों का द्‍वारा इन्‍नि लिख्यूं च कि,

मत्ती 2:7

तब हेरोदेस अन्तिपास न जोतिसों तैं चुपचाप से बुलै, अर ऊं बटि पूछी कि तुमतै गैंणु ठिक कै बगत मा दिखै छौ।

लूका 1:5

जब हेरोदेस राजा यहूदिया का मुलक पर राज कनु छौ, तब ऊं दिनों मा जकरयाह नौ को एक पुरोहित छौ। अर उ अबिय्याह नौ का पुरोहित दल को एक सदस्य छौ। अर वेकी घरवळी को नौ इलीशिबा छौ, अर वा हारुन का वंश मदि छै।

लूका 2:11

अर वु इन च कि आज राजा दाऊद का नगर मा तुम खुणि छुटकारा देण वळा को जनम होयुं च, अर उई मसीह प्रभु च।

लूका 2:15

अर जब स्वर्गदूत चरवाहों का समणि बटि स्वर्ग चलि गैनी, तब वु चरवाह आपस मा बुलण लगि गैनी, “चला, जनम की या बात ज्वा कि हमरा बीच ह्‍वे च, ईं तैं दिखणु हम बैतलहम गौं कू चलद्‍यां, अर ज्वा बात प्रभु न हमतै बतै वींतैं उख जैके दिखुला।”

यूहन्ना 7:42

क्या पवित्रशास्‍त्र मा इन नि लिख्यूं च कि, ‘मसीह राजा दाऊद का वंश मदि अर बैतलहम गौं मा पैदा होलु, जख राजा दाऊद रौन्दु छौ?’”