मत्ती 18:8 - Garhwali

⁸ अर अगर तेरु हाथ या खुटु त्वेसे पाप करौणु च त तू वेतैं काटी के ढोळि दे, किलैकि त्वे खुणि यू जादा खूब च कि तू लूलु-लंगड़ु ह्‍वेके सदनि का जीवन तैं पै। अर अगर जु तू अपणा दुई हाथ या खुटों समेत नरकलोक मा डळै जाणि छैई, त फिर त्वेतै क्या फैदा ह्‍वे।

गढवली नयो नियम

⁸ पाप का वे कारण तैं अफ बट्टी दूर कैरी के निकाली दे अर वे तैं स्वीकार कर जन जु तेरु हथ त्वे तैं ठोकर लगौ त वे तैं काटि दे बगैर हथ त्वे तैं स्वर्ग मा जांण यां बट्टी भलो च कि द्वी हथ हवे कै भि नरक की अनन्त आग मा डाले जै।

मत्ती 18:8 ပူးပေါင်းရင်းမြစ်များ

मत्ती 17:27

पतरस सुण, कखि उ हमतै देखि के खिरसे नि जा, इलै तू जा अर झील का छाला पर बळस डाल, अर जु माछु पैलि लगलु, वेतैं ले अर वेका गिच्‍चा तैं खुलण पर त्वेतै एक चांदी को सिक्‍का मिललु, जु हम दुईयों को कर चुकता कैरी द्‍यालु।”

मत्ती 25:41

“तब राजा अपणा बैं तरफा वळो कू बोललु, ‘हे असगार लग्यां लोगु, मेरा समणि बटि दूर ह्‍वे जा, अर सदनि की वीं आग मा नास होणु कू चलि जा, ज्वा शैतान अर वेका दूतों खुणि तयार कैरिके रखी च।

मत्ती 25:46

तब अधरमी लोगु तैं सदनि को दण्ड मिललु, मगर धरमी लोग सदनि का जीवन मा जाला।”

लूका 14:33

अर इन्‍नि तुम मा बटि जु कुई मेरा खातिर अपणी जैजाद तैं छुड़णु खुणि तयार नि हो, उ भि मेरु चेला नि ह्‍वे सकदु।”

लूका 16:24

तब वेन धै लगै के अब्राहम कू बोलि, ‘हे पिता, मि पर दया कैरा अर लाजर तैं मेरा पास भेजि द्‍या, ताकि उ अपणा अंगुळा तैं पाणि मा भिगै के मेरी जीब पर लगौ अर वा ठण्डी ह्‍वे जौ, किलैकि मि नरकलोक की आग मा तड़पणु छौं।’

रोमियों 13:12

अर जन रात खतम ह्‍वे जाण का बाद एक नयू दिन औन्दु, ठिक उन्‍नि मसीह को औण भि भौत नजदीक च। इलै अन्धेरा मा होण वळा बुरै का कामों तैं छोड़ि द्‍या, अर पिता परमेस्वर का उज्याळा मा चला, अर वेसे मिलण वळी हिम्मत तैं एक हथियार की तरौं इस्तेमाल कैरिके बुरै पर जीत हासिल कैरा।

दिब्य दरस 14:10

त परमेस्वर का परकोप वे पर आलु। अर उ इन्द्रया लोगु तैं अपणा पवित्र स्वर्गदूतों अर मेम्‍ना की नजर का समणि ही आग अर गंधक की पीड़ा मा डालि द्‍यालु, जु ऊं खुणि परमेस्वर का गुस्से की दारु च ज्वा की ऊं पर अखणै जालि।

दिब्य दरस 20:15

अर जै-जै को नौ जीवन की किताब मा लिख्यूं नि मिली, ऊ भि वीं आग का कुण्ड मा डळै गैनी।

दिब्य दरस 21:8

मगर डऽरपोक अर जु बिस्वास नि करदिन, अर अशुद्ध अर जु घिण वळा काम करदिन, अर कत्ल करण वळा, अर गळत सम्बन्ध बणौण वळा छिन, अर जु लोग जादु-टोंणा अर मूरत पूजा करदिन, अर सब झूठ्‍ठ बोन्‍न वळा लोगु को हिस्सा वीं आग मा होलु, ज्वा की गंधक से जगणी रौन्दी। अर या ही दुसरि मौत च।”