मत्ती 17:12 - Garhwali

¹² मगर मि तुमतै बतै देन्दु कि एलिय्याह मिसे पैलि ऐ गै, पर लोगु न वेतैं नि पछ्याणी, अर जन ऊ चान्दा छा ऊंन ठिक उन्‍नि वेका दगड़ा मा कैरी। अर ठिक उन्‍नि मनखि को पुत्र भि ऊं लोगु का द्‍वारा बड़ु दुख उठालु।”

गढवली नयो नियम

¹² पर मि तुम मा बुल्णु छौं कि एलिय्याह पैली त ऐ गै अर लुखुं ल वे तैं नि पछयांणी पर जन ऊंल यहूदी अगुवों कु जु कुछ चै उन ही वे दगड़ी वेका दगड़ा कैरी उन ही मि मनिख कु नौंनो भि ऊंका हथ बट्टी दुःख उठालो।

मत्ती 17:12 ပူးပေါင်းရင်းမြစ်များ

मत्ती 11:2

मगर जब यूहन्‍ना बपतिस्मा देण वळा न जेलखाना मा यीशु मसीह का कामों का बारा मा सुणी, तब वेन अपणा चेलों तैं वेका पास या बात पूछण कू भेजि कि,

मत्ती 16:21

अर वे बगत बटि यीशु अपणा चेलों तैं बतौण लगि गै कि, “मेरु यरूशलेम नगर कू जाण जरुरी च, अर उख मि अध्यक्षों, मुख्य पुरोहितों अर शास्‍त्री लोगु का द्‍वारा भौत दुख उठौलु अर ऊ मितैं मरवै द्‍याला, अर मि तिसरा दिन मुरदो मा बटि ज्यून्दु ह्‍वे जौलु।”

मत्ती 17:11

वेन ऊंतैं जबाब दिनी, “एलिय्याह जरुर आलु, अर सब कुछ उन्‍नि कैरी द्‍यालु जन कि होण चयेणु।

मत्ती 17:13

तब चेला समझि गैनी कि यीशु हम बटि यूहन्‍ना बपतिस्मा देण वळा का बारा मा बात कनु च।

मत्ती 17:22

जब यीशु अर वेका चेला गलील मुलक मा इकट्‍ठा ह्‍वेनि, त यीशु न ऊंकू बोलि, “मनखि को पुत्र लोगु का हाथों मा पकड़वै जालु।

मत्ती 17:9

यीशु अर वेका तीन चेला ये ढौंडा बटि मूड़ी औणा छा, त वेन ऊंतैं या आज्ञा देई, “जब तक मनखि को पुत्र मुरदो मा बटि ज्यून्दु नि ह्‍वे जौ, तब तक जु कुछ भि तुमुन देखि वेका बारा मा कै मा नि बुलयां।”

मत्ती 21:32

अर यू मि इलै बोन्‍नु छौं किलैकि यूहन्‍ना बपतिस्मा देण वळु यू बतौणु खुणि ऐ कि मनखि तैं कनकै धरमी जीवन जीण चयेणु, अर तुम लोगु न वेकी बातों पर बिस्वास नि कैरी, पर चुंगी लेण वळो न अर वेश्याओं का जन दुसरा पापि लोगु न वेकी बातों पर बिस्वास कैरी। अर यू दिखण का बाद भि तुम लोगु न मन से पस्ताप नि कैरी, अर ना ही वेकी बातों पर बिस्वास कैरी।”

मत्ती 8:20

यीशु न वेकू बोलि, “स्याळों का उड़्यार अर पंछियों का घोल होनदिन, पर मनखि का पुत्र का पास इन्दरि कुई जगा नि च जख उ रुकी के आराम कैरो।”

लूका 7:33

यूहन्‍ना बपतिस्मा देण वळु ऐ, जु ना त रुट्‍टी खान्दु छौ, अर ना ही अंगूरों को रस पीन्दु छौ, अर तुम बुल्द्‍यां कि, ‘वे पर खबेस लग्यूं च।’

यूहन्ना 1:11

उ अपणा निज लोगु का बीच मा ऐ, पर वेका अपणा लोगु न वेतैं स्वीकार नि कैरी।

खास चेलों 2:23

अर पिता परमेस्वर न पैलि बटि बणईं योजना का मुताबिक वे यीशु तैं तुमरा हाथों मा सौंप दिनी, अर वेका बारा मा उ पैलि बटि जणदु छौ, अर ये ही यीशु तैं तुम लोगु न अधरमी लोगु का हवाला कैरिके वेतैं क्रूस पर चड़वै दिनी।

खास चेलों 4:10

त मि तुमतै अर सब इस्राएली लोगु तैं बतै देन्दु, कि नासरत गौं का यीशु मसीह का नौ से यू मनखि तुमरा समणि तन्दुरुस्त खड़ु च। अर ये ही यीशु तैं तुमुन क्रूस पर चड़ै दिनी, पर परमेस्वर न वेतैं मुरदो मा बटि ज्यून्द कैरी।

खास चेलों 7:52

अर तुमरा पितरों न परमेस्वर का कै रैबर्यों तैं नि सतै? अर जौं रैबर्यों न वे धरमी मनखि का औण का बारा मा पैलि ही बतैयालि छौ ऊंतैं भि ऊं लोगु न जान से मारी दिनी। अर ऊंका मुताबिक तुमुन वे धरमी मनखि तैं बिस्वासघात कैरिके पकड़वै अर वेतैं जान से मरवै के तुम वेका हत्यारा ह्‍वे ग्यां।