मत्ती 14:2 - Garhwali

² तब वेन अपणा नौकरों कू बोलि, “अरे यू त बपतिस्मा देण वळु यूहन्‍ना च, जु कि मुरदो मा बटि ज्यून्दु ह्‍वे गै, इलै वेका द्‍वारा चमत्कारिक काम होणा छिन।”

गढवली नयो नियम

² अर वेल अपड़ा सेवकों कु बोलि, कि “यूहन्ना बपतिस्मा दींण वलो मुरयां लुखुं मा बट्टी ज्यूँदो हवे गै इलै वे बट्टी यु सामर्थ का काम का चमत्कार प्रगट हूंदींनि।”

मत्ती 14:2 ပူးပေါင်းရင်းမြစ်များ

मत्ती 11:11

“अर मि तुम बटि सच्‍च बोन्‍नु छौं, कि जथगा भि लोगु न जनानियों बटि जनम लियूं च, ऊंमा बटि यूहन्‍ना से महान कुई नि च। पर जु परमेस्वर का राज मा सबसे छुटो च, उ यूहन्‍ना से भि महान च।”

मत्ती 16:14

तब चेलों न वेतैं जबाब दिनी, “गुरुजी, कुछ लोग तुम खुणि यूहन्‍ना बपतिस्मा देण वळु बुल्दिन, अर कुछ बुल्दिन कि तुम परमेस्वर का रैबर्या एलिय्याह छाँ, अर कुछ त इन भि बुल्दिन कि तुम यिर्मयाह या पुरणा रैबर्यों मा बटि कुई एक छाँ।”

मत्ती 3:1

अर या ऊं दिनों की बात च, जब यूहन्‍ना नौ को एक मनखि जु की बपतिस्मा देन्दु छौ। उ यहूदिया मुलक का निर्जन जगा मा इन परचार करण लगि गै कि,

मरकुस 6:14

राजा हेरोदेस अन्तिपास तक या चर्चा पौंछी गै, कि यीशु को नौ भौत जादा फैली गै। अर लोग बोन्‍ना छिन कि, “यूहन्‍ना बपतिस्मा देण वळु मुरदो मा बटि ज्यून्दु ह्‍वे गै, इलै वेका द्‍वारा अब यू सामर्थ का काम किये जाणा छिन।”

मरकुस 8:28

अर ऊंन वेतैं जबाब दिनी, “गुरुजी, कुछ लोग तुम खुणि यूहन्‍ना बपतिस्मा देण वळु बुल्दिन, पर कुई-कुई बुल्दु कि तुम परमेस्वर का रैबर्या एलिय्याह छाँ, अर कुछ त इन भि बुल्दिन कि तुम रैबर्यों मा बटि कुई एक छाँ।”

लूका 9:7

अर हेरोदेस अन्तिपास जु गलील मुलक पर सासन करण वळु छौ। जब वेन यीशु का बारा मा लोगु की यों सब बातों तैं सुणी, कि यूहन्‍ना बपतिस्मा देण वळु मुरदो मा बटि ज्यून्दु ह्‍वे गै, त उ भौत जादा घबरै गै।

यूहन्ना 10:41

तब भौत सरा लोग वेका पास ऐनी, अर बोन्‍न लगि गैनी, “यूहन्‍ना न त कुई भि चमत्कार नि कैरी, फिर भि वेन जु कुछ भि ये मनखि का बारा मा बोलि छौ, उ सब सच्‍च छौ।”