मत्ती 13:3 - Garhwali

³ अर वेन ऊं लोगु तैं भौत सा उदारण देके अपणी भौत सि बात बतैनि। अर वेन ऊंकू इन भि बोलि कि, “एक बार एक किसान बीज बुतण कू गै।

गढवली नयो नियम

³ अर वेल ऊं दगड़ी मिसाल दे के भौत सी बात करिनी एक बुतै कन वलो बीज बुतुणु कु अपड़ा पुंगडा मा गै।

मत्ती 13:3 ပူးပေါင်းရင်းမြစ်များ

मत्ती 13:4

अर जब उ बीज बुतणु छौ, त कुछ बीज बाटा का किनरा पोड़ीनी, अर पंछियों न ऐके ऊंतैं चुगि दिनी।

मत्ती 13:53

अर जब यीशु न यू सब उदारण सुणै दिनी, त उ उख बटि चलि गै।

मत्ती 22:1

अर यीशु ऊं लोगु तैं फिर से अलग-अलग उदारण देण लगि गै।

मत्ती 24:32

तब यीशु न लोगु तैं एक उदारण सुणै। अर वेन बोलि, “तिमला का डाळा बटि सबक सीखा, जब वे पर फौंका लगदिन, अर कुंगळा पत्ता निकळण शुरु ह्‍वे जनदिन, त तुमतै पता लगि जान्दु कि रुड़्यूं का दिन नजदीक ऐ गैनी।

मरकुस 12:1

फिर यीशु यहूदियों का मुख्य लोगु का दगड़ा मा उदारण देके बात करण लगि गै। अर वेन बोलि कि, “एक मनखि न अंगूरों को एक बगिचा बणै, अर वेका चौतरफि बाड़ कैरी, अर रस जमा करणु खुणि खडलु बणै, अर बगिचे मा पैरा देणु खुणि एक जगा भि तयार कैरी। अर बगिचा को ठेक्‍का किसानों तैं देके खुद वु मनखि कै दुसरा देस कू चलि गै।

मरकुस 12:12

अर ईं बात तैं सुणी के यहूदियों का मुख्य लोग समझि गैनी, कि यीशु न यू उदारण हमतै सुनौण खुणि बोलि, इलै ऊ यीशु तैं पकड़ण की कोसिस करण लगि गैनी। मगर ऊंतैं लोगु की डौऽर लगि, अर ऊ यीशु तैं छोड़ि के चलि गैनी।

मरकुस 3:23

अर यीशु न ऊंतैं अपणा पास बुलै के बोलि, “शैतान खुद ही शैतान तैं कनकै निकाळि सकदु।”

मरकुस 4:13

तब यीशु न अपणा चेलों कू बोलि, “क्या तुम ये उदारण को मतलब नि समझयां? अर अगर जु तुम यू नि समझद्‍यां, त फिर दुसरा उदारणों को मतलब कनकै समझि ल्या?

मरकुस 4:33

अर यीशु न लोगु तैं सिखौणु खुणि इन्‍नि भौत सा उदारणों को इस्तेमाल कैरी, अर ऊंतैं उथगा ही बतै जथगा वु समझि सकदा छा।

लूका 12:41

अर पतरस न यीशु बटि पूछी, “प्रभु, क्या यू उदारण हम चेलों खुणि ही च, या सब लोगु खुणि च?”

लूका 8:10

अर वेन ऊंतैं जबाब दिनी, “तुमतै त परमेस्वर का राज का भेदों तैं बिंगण की इजाजत दिईं च, पर दुसरा लोगु तैं मितैं उदारण मा बोन्‍न पोड़दु ताकि, “‘वु लोग देखि के भि देखि नि सैका, अर सुणी के भि समझि नि सैका।’”

यूहन्ना 16:25

“अर अभि तक मिन यू बात तुमतै उदारण देके बतैनि, पर इन्द्रयो बगत औण वळु च, कि तब मि तुम बटि उदारणों मा नि बोललु, पर पिता का बारा मा तुमतै साफ-साफ बतै द्‍यूलु।