मत्ती 11:6 - Garhwali

⁶ अर धन्य च उ, जु मि पर सक नि करदु बल्किन मा बिस्वास करदु।’”

गढवली नयो नियम

⁶ अर धन्य च उ जु मि पर शक नि करदींनि।”

मत्ती 11:6 ပူးပေါင်းရင်းမြစ်များ

मत्ती 13:21

मगर ऊ अपणा भितर वचन की जड़ तैं जमण नि देन्दिन, अर वु वचन भि वेमा कुछ बगत तक ही रौन्दु। इलै वचन की वजै से जब कुई भि दुख-तकलीफ या सतौ ऊंका जीवन मा औन्दिन, तब वु लोग तुरन्त बिस्वास करण छोड़ि देन्दिन।

मत्ती 18:7

अर हाय च दुनियां का लोगु खुणि जु कि एक-दुसरा तैं पाप का बाटा पर लि जनदिन। अर या बात भि सच्‍च च कि लोगु तैं पाप मा लि जाण को काम त होलु, मगर जै मनखि का द्‍वारा यू काम होलु वे पर हाय च।

मत्ती 24:10

अर यू उ बगत होलु, जब भौत सा बिस्वासी लोग बिस्वास से दूर ह्‍वे जाला, अर एक-दुसरा तैं पकड़वै द्‍याला, अर एक-दुसरा बटि नफरत भि करला।

मत्ती 26:31

तब यीशु न अपणा चेलों कू बोलि, “आज राति तुम मितैं छोड़ि के चलि जैल्या, किलैकि पवित्रशास्‍त्र मा लिख्यूं च कि, “‘मि चरवाह तैं मरलु, अर झुण्ड की भेड़ तितर-बितर ह्‍वे जालि।’

मत्ती 5:29

अर अगर तेरी दैंणी आंख त्वे बटि पाप करौणी च, त वींतैं निकाळि के ढोळि दे, किलैकि पूरा सरील को नरकलोक मा नास होण से त जादा खूब यू च, कि तेरा सरील को एक अंग ही नास ह्‍वे जौ।

मरकुस 6:3

अरे, यू त बड़ई च, अर मरियम को नौनु च, अर, यू त उई च जैका भै याकूब, योसेस, यहूदा अर शमौन छिन। अर येकी बैंण त इख हमरा बीच मा रौनदिन?” इलै ऊंन यीशु तैं स्वीकार नि कैरी।

लूका 2:34

तब शमौन न ऊंतैं आसीस देके वेकी माँ मरियम कू बोलि, “सुण, यू बच्‍चा इस्राएली लोगु मदि भौत सरा लोगु खुणि दण्ड मिलण को, अर भौत सरा लोगु तैं बचयै जाण की वजा बणलु। अर यों बातों खुणि यू बच्‍चा एक चिन्‍न च, पर लोग येका खिलाप मा बुलला,

लूका 7:23

अर धन्य च उ, जु मि पर सक नि करदु बल्किन मा बिस्वास करदु।’”

यूहन्ना 16:1

फिर से यीशु न ऊंकू बोलि, “यू बात मिन तुमतै इलै बतैनि, कि तुम बिस्वास मा नि डगमगा।

यूहन्ना 6:66

अर ईं बात का बाना वेका पिछनै चलण वळो मा बटि भौत सरा वापिस लौटी गैनी, अर वेका बाद ऊ फिर कभि वेका पिछनै नि गैनी।

1 कुरिन्थि 2:14

अर जु लोग सरील की मनसा का मुताबिक चलदिन, ऊ परमेस्वर की पवित्र आत्मा की बातों तैं स्वीकार नि करदिन, इन्द्रया लोगु खुणि यू बात बेमतलब की छिन। मगर यों सब बातों तैं पवित्र आत्मा का द्‍वारा ही बिंगै जै सकदु।

गलातियों 5:11

हे मेरा भै-बैंणो, अगर मि यहूदी रीति का मुताबिक खतना का रिवाज तैं पूरु करण का बारा मा परचार कनु रौन्दु, त मि पर जुलम नि किये जान्दु। मगर मि त यीशु तैं क्रूस पर चड़ये जाण को परचार करदु, इलै मितैं सतयै जाणु च।

1 पतरस 2:8

अर ऊं लोगु खुणि इन भि लिख्यूं च कि, “यू ढुंगो ऊं खुणि उतेडु़ बणि गै, अर एक इन्द्रयो पौड़ जै बटि फिसली के वु लमडी गैनी।” किलैकि ऊ लोग परमेस्वर का वचन मा लिखीं बातों को पालन नि करदिन, इलै ऊंतैं उतेडु़ लगि। अर इन्द्रया लोगु खुणि पिता परमेस्वर न या ही योजना बणै के रखी च।