मत्ती 11:5 - Garhwali

⁵ ‘अन्धा दिखणा छिन, अर लूला-लंगड़ा चलणा-फिरणा छिन, अर कोड़ियों तैं शुद्ध किये जाणु च, बैरा सुनणा छिन अर मुरदो तैं ज्यून्द किये जाणु च, अर गरीबों तैं शुभ समाचार सुणये जाणु च।

गढवली नयो नियम

⁵ कि अंधा दिखणा छिन अर लूला लंगड़ा हिटणा छिन कोढ़ी शुद्ध कि यु जांणा छिन अर बैहरा सुनणा छिन मुर्दा ज्यूंदा कि यु जांणा छिन अर गरीबों तैं शुभ सन्देश प्रचार सुंणये जांणु च।

मत्ती 11:5 ပူးပေါင်းရင်းမြစ်များ

मत्ती 10:8

अर बिमारों तैं खूब कैरा, मुरयां लोगु तैं ज्यून्द कैरा, अर कोड़ियों तैं शुद्ध कैरा, अर खबेसों तैं मनखियों मा बटि निकाळा। अर जन यू अधिकार तुमतै मुफत मा मिली, ठिक उन्‍नि तुम भि लोगु तैं यू मुफत मा द्‍या।

मत्ती 11:4

तब यीशु न ऊंतैं जबाब दिनी, “जा, अर जु कुछ तुम दिखणा अर सुनणा छाँ, वेका बारा मा यूहन्‍ना तैं बतै दियां कि,

मत्ती 12:13

तब यीशु न सुख्यां हाथ वळा मनखि कू बोलि, “अपणु हाथ अगनै बढ़ो” अर वेन बढै, तब वेको वु हाथ भि दुसरा हाथ का जन ठिक ह्‍वे गै।

मत्ती 21:14

अर उख मन्दिर मा अन्धा अर लंगड़ा यीशु का पास ऐनी, अर वेन ऊंतैं खूब कैरी।

मत्ती 5:3

“धन्य छिन ऊ, जु मन का दीन छिन, किलैकि परमेस्वर को राज ऊंको ही च।

मत्ती 9:30

अर ऊंका आंखा खुलि गैनी। तब यीशु न ऊंतैं चितै के बोलि, “ईं बात का बारा मा कैतैं पता नि चलण चयेणु।”

मरकुस 7:37

अर जथगा भि लोगु न यीशु का बारा मा सुणी वु सब हैरान ह्‍वेके बुलण लगि गैनी कि, “वेन जु कुछ भि कैरी वु सब ठिक कैरी, अरे वु त बैरो तैं सुनणे की अर गूंगों तैं बुलणै की ताकत देन्दु।”

मरकुस 9:25

अर जब यीशु न देखि की लोग दौड़ी के भीड़ लगौण लगि गैनी, त वेन वे नौना मा लग्यां खबेस तैं झिड़की के बोलि, “हे गूंगा अर बैरा खबेस, मि त्वेतै आज्ञा देन्दु, वेमा बटि निकळि जा, अर फिर येका भितर कभि नि ऐ।”

लूका 4:18

“प्रभु की आत्मा मि मा च, किलैकि वेन गरीबों तैं शुभ समाचार सुनाणु कू मितैं चुण्यूं च। अर बन्धियों तैं छुटकारा का बारा मा, अर अन्धों तैं फिर से दिखण का बारा मा परचार करणु खुणि, अर सतयां लोगु तैं छुटकारा देणु खुणि वेन मितैं भेजि च।

यूहन्ना 10:25

यीशु न ऊंकू बोलि, “मिन तुम मा बोलियालि छौ, पर तुम बिस्वास नि करद्‍यां। अर जौं कामों तैं मि अपणा पिता का दियां अधिकार से करदु छौं, उई मेरा गवा छिन।

यूहन्ना 10:38

अर अगर मि करदु छौं, त चै तुम मेरु बिस्वास कैरा या नि कैरा, पर ऊं कामों पर त बिस्वास कैरा, ताकि तुम जाणि अर समझि सैका, कि पिता मि मा, अर मि पिता मा बसदु छौं।”

यूहन्ना 2:23

अर फसह का त्योवार का बगत पर यीशु यरूशलेम नगर मा छौ, अर वेका द्‍वारा जु चमत्कारिक काम किये जाणा छा, ऊंतैं देखि के भौत सरा लोगु न वे पर बिस्वास कैरी।

यूहन्ना 3:2

उ एक रात यीशु का पास ऐ अर बोलि, “गुरुजी, हम जणदा छां, कि तुम परमेस्वर की तरफा बटि गुरु ह्‍वेके अयां छाँ, किलैकि जौं चमत्कारिक कामों तैं तुम करद्‍यां, यू सिरफ उई कैरी सकदु जैका दगड़ा मा परमेस्वर हो।”

यूहन्ना 5:36

पर ज्वा मेरी गवै च, या यूहन्‍ना की गवै से भि बड़ी च, किलैकि जु-जु काम मि मा पिता का द्‍वारा सौंप्यां छिन, याने कि जु-जु काम मि करदु वु मेरा गवा छिन, अर वु इन साबित करदिन कि पिता न मितैं भेज्यूं च।

यूहन्ना 9:7

फिर वेन वे खुणि बोलि, “जा, अर शीलोह नौ का कुण्ड मा जैके ध्वे ले।” (शीलोह जैको मतलब च “भेज्यूं”)। अर वेन जैके ध्वेइ। अर जब उ लौटणु छौ, त वेतैं सब कुछ दिखैणु छौ।

खास चेलों 2:22

“हे इस्राएल का लोगु, इथगा ही ना बल्किन मा मेरी यों बातों तैं भि सुणा, परमेस्वर न नासरत गौं का यीशु का द्‍वारा तुमरा बीच मा बड़ा-बड़ा चमत्कार का चिन्‍न अर भौत सरा अदभुत काम कैरिके दिखैनि। अर यों कामों से इन परमाण दिनी कि उ परमेस्वर को भेज्यूं एक मनखि च, अर वेका बारा मा तुम सब जणदा ही छाँ।

याकूब 2:5

हे मेरा प्यारा भै-बैंणो, सुणा, दुनियां का लोगु की नजर मा जु गरीब छिन, ऊंतैं परमेस्वर न चुणी। ताकि ऊ बिस्वास मा भरपूर ह्‍वे जा, अर परमेस्वर बटि प्यार करण वळो तैं जै राज को हकदार होणो को करार वेन कैरी, वेका हकदार वु बणि जा।