मत्ती 11:3 - Garhwali

³ “क्या तुम उई मसीह छाँ जु औण वळु छौ, या हम कै दुसरो को इंतजार कैरा?”

गढवली नयो नियम

³ “क्य तु ही उ मसीह छै, जै तैं भिजणो को वादा परमेश्वर कु करयूँ छो य हम कै दूसरो कु इन्तेजार कैरा।”

मत्ती 11:3 ပူးပေါင်းရင်းမြစ်များ

मत्ती 11:10

अर यू उई च, जैका बारा मा पवित्रशास्‍त्र मा लिख्यूं कि, “‘देख, मि अपणा रैबार देण वळा तैं त्वेसे पैलि भेजणु छौं। अर उ त्वेसे पैलि जैके त्वे खुणि बाटु तयार करलु।’

मत्ती 11:4

तब यीशु न ऊंतैं जबाब दिनी, “जा, अर जु कुछ तुम दिखणा अर सुनणा छाँ, वेका बारा मा यूहन्‍ना तैं बतै दियां कि,

मत्ती 21:5

“सिय्योन की नौनि कू बोला, ‘देख तेरु राजा तेरा पास औणु च, अर वु दीन च, अर गधा पर, बल्किन मा गधी का बच्‍चा पर बैठयूं च।’”

मत्ती 21:9

अर भीड़ का जु लोग वेका अगनै-पिछनै औणा छा, ऊ सब चिल्‍लै-चिल्‍लै के बोन्‍ना छा कि, “दाऊद का वंशजे की होसन्‍ना, धन्य च उ जु प्रभु का नौ से औन्दु, स्वर्ग मा होसन्‍ना।”

मरकुस 11:9

अर भीड़ का जु लोग वेका अगनै-पिछनै औणा छा, ऊ सब चिल्‍लै-चिल्‍लै के बोन्‍ना छा कि, “होसन्‍ना, धन्य च उ जु प्रभु का नौ से औन्दु।

लूका 19:38

“धन्य च उ राजा जु प्रभु का नौ से औन्दु, अर स्वर्ग मा शान्ति, अर सबसे महान परमेस्वर की बडै हो।”

यूहन्ना 11:27

तब वींन वेकू बोलि, “हाँ प्रभु, मि बिस्वास करदी छौं, कि परमेस्वर को पुत्र मसीह जु की ईं दुनियां मा औण वळु छौ, उ तुम ही छाँ।”

यूहन्ना 12:13

तब ऊ लोग स्वागत करणु कू खजूर की फौंक्यों तैं हाथ मा लेके वेतैं मिलणु कू गैनी। अर ऊ जोर-जोर से बोन्‍न लगि गैनी, “होसन्‍ना, धन्य च उ जु प्रभु का नौ से औन्दु, उई इस्राएल को राजा च।”

यूहन्ना 16:14

अर उ बतै द्‍यालु की मि कथगा महान छौं, किलैकि जु कुछ भि मिन वेतैं बतै वु तुमतै उन्‍नि बतालु।

यूहन्ना 4:21

तब यीशु न वींकू बोलि, “भुलि, तू मेरी ईं बात पर बिस्वास कैर, कि अब उ बगत औण वळु च जब कि तुम सामरी लोग पिता परमेस्वर की भक्‍ति तैं नऽ त ये ढौंडा पर करिल्या अर ना ही यरूशलेम नगर मा।

यूहन्ना 6:14

तब यीशु का ये चमत्कार तैं देखि के ऊ लोग बुलण लगि गैनी, “सच्‍चि मा यू त परमेस्वर को उई रैबर्या च, जु कि ईं दुनियां मा औण वळु छौ।”

यूहन्ना 7:31

फिर भि भीड़ मा बटि भौत सरा लोगु न वे पर बिस्वास कैरी, अर ऊंन बोलि कि, “जब मसीह आलु, त क्या उ येसे भि जादा चमत्कारिक कामों तैं करलु?”

इब्रानी 10:37

किलैकि पवित्रशास्‍त्र मा इन लिख्यूं च कि, “जु औण वळु च उ भौत जल्द ही आलु, अर अब वु देर नि करलु।