मत्ती 11:12 - Garhwali

¹² अर जब यूहन्‍ना बपतिस्मा देण वळन परचार करण शुरु कैरी, तब बटि अभि तक बुरा लोग परमेस्वर का राज की शिक्षा को अपणी पूरि ताकतळ विरोध कना छिन, अर वेतैं नास करण की पूरि कोसिस भि कना छिन।

गढवली नयो नियम

¹² और तब बट्टी यूहन्ना बपतिस्मा दींण वला ल प्रचार शुरू कैरी, वे बगत बट्टी अब तक स्वर्ग का राज्य जबरदस्ती अगनैं बडणु च अर हिंसक लोग यु पर हमला कना छिन।

मत्ती 11:12 ပူးပေါင်းရင်းမြစ်များ

मत्ती 11:11

“अर मि तुम बटि सच्‍च बोन्‍नु छौं, कि जथगा भि लोगु न जनानियों बटि जनम लियूं च, ऊंमा बटि यूहन्‍ना से महान कुई नि च। पर जु परमेस्वर का राज मा सबसे छुटो च, उ यूहन्‍ना से भि महान च।”

मत्ती 11:13

किलैकि यूहन्‍ना बपतिस्मा देण वळा का बगत तक परमेस्वर का नियम-कानूनों मा बटि और सब रैबर्यों की भविष्यबाणियों मा बटि लोग तैं सिखये गै।

मत्ती 3:15

तब यीशु न वेतैं जबाब दिनी, “अबरि जन होणु च तू वेतैं होण दे, किलैकि हम खुणि यू जरुरी च, कि जन परमेस्वर की मनसा च हम वींतैं उन्‍नि पूरु कैरा।” तब यूहन्‍ना न वेकी बात माणी दिनी।

लूका 13:24

यीशु न बोलि, “संगड़ा द्‍वार बटि जाणे की पूरि कोसिस कैरा, किलैकि मि तुमतै बतै देन्दु कि भौत सरा लोग भितर जाण चाला पर नि जै सकला।

लूका 16:16

“यूहन्‍ना बपतिस्मा देण वळा का बगत तक मूसा का दियां नियम-कानून अर परमेस्वर का रैबर्यों का बारा मा परचार ह्‍वे। मगर यूहन्‍ना का बाद परमेस्वर का राज का शुभ समाचार का बारा मा परचार किये जाणु च, अर हरेक मनखि वेकी तरफा जल्दी से खिच्येणु च।

यूहन्ना 5:4

किलैकि परमेस्वर को स्वर्गदूत कभि-कभि ही कुण्ड मा उतरि के वे पाणि तैं हिलांदु छौ। अर पाणि हिलण का बाद जु मनखि उखुन्द पैलि जान्दु छौ, उ कन्दरि भि बिमारि मा किलै ना हो, उ खूब ह्‍वे जान्दु छौ।]

यूहन्ना 6:27

तुम नास होण वळा खाणु खुणि ना, बल्किन मा वे खाणुक खुणि मेनत कैरा जु कि सदनि का जीवन तक रौन्दु। अर उ खाणुक मनखि को पुत्र ही तुमतै द्‍यालु, किलैकि यू देणु खुणि पिता परमेस्वर न वेतैं यू अधिकार दियूं च।”

फिलिप्पी 2:12

इलै हे मेरा प्यारा भै-बैंणो, मि जणदु छौं कि जब मि तुमरा दगड़ा छौ त तुम हमेसा से आज्ञा को पालन करदी औणा छाँ। अर अब जब मि तुम से दूर छौं, इलै अब या बात और भि जादा ध्यान रखण वळी ह्‍वे जान्दी कि तुम ऊं सब बातों को पालन और भि जादा कैरा, जु कि बिस्वासी लोगु खुणि सही छिन जैतैं पिता परमेस्वर न बचैयालि।