मत्ती 10:3 - Garhwali

³ फिलिप्पुस, बरतुल्मै, थोमा, चुंगी लेण वळु मत्ती हलफई को नौनु याकूब अर तद्‍दै,

गढवली नयो नियम

³ फिलिप्पुस अर बरतुल्मै, थोमा अर चुंगि लींण वलो मत्ती, हलफई को नौंनो याकूब अर तद्दी।

मत्ती 10:3 ပူးပေါင်းရင်းမြစ်များ

मत्ती 18:17

अगर जु वु मनखि ऊं गवाओ की भि नि माणो, त बिस्वासी समुदाय का लोगु कू बोलि दे, अर अगर वु समुदाय का लोगु की भि नि माणो, त फिर तू वेतैं चुंगी लेण वळो अर ऊं लोगु का जन माण जु परमेस्वर तैं नि मणदिन।

मत्ती 27:56

अर ऊं जनानियों मा बटि एक मगदला गौं की मरियम, याकूब अर यूसुफ की माँ मरियम, अर जबदी की घरवळी भि छै।

मत्ती 9:9

अर जब यीशु उख बटि अगनै जाणु छौ, त वेन मत्ती नौ का एक मनखि तैं चुंगी लेण वळो की चौकी मा बैठयूं देखि। तब यीशु न वेकू बोलि, “मेरा दगड़ा मा चल अर मेरु चेला बणि जा।” अर उ उठी के वेका पिछनै चलि गै।

मरकुस 15:40

अर कुछ जनानियां भि दूर बटि यू सब होन्द दिखणी छै, ऊं जनानियों मा बटि एक मगदला गौं की मरियम, अर छुटो याकूब अर योसेस की माँ मरियम, अर सलोमी छै।

मरकुस 2:14

अर जब यीशु उख बटि जाणु छौ, त वेन चुंगी लेण वळो की चौकी मा एक मनखि तैं बैठयूं देखि, वेको नौ लेवी छौ अर उ हलफई को नौनु छौ। तब यीशु न वेकू बोलि, “मेरा दगड़ा मा चल अर मेरु चेला बणि जा।” अर उ उठी के वेका पिछनै चलि गै।

मरकुस 3:18

अन्द्रियास अर फिलिप्पुस, बरतुल्मै, मत्ती, थोमा, हलफई को नौनु याकूब, तद्‍दै, शमौन कनानी

लूका 18:10

“एक बार दुई मनखि मन्दिर मा प्रार्थना करणु कू गैनी, ऊंमा बटि एक फरीसी दल को मनखि अर दुसरो चुंगी लेण वळु छौ।

लूका 18:11

अर फरीसी खड़ु ह्‍वेके अपणा मन मा इन प्रार्थना करण लगि गै कि, ‘परमेस्वर, मि तुमरो धन्यवाद करदु कि मि दुसरा लोगु का जन ठग, अधरमी, अर ना ही गळत सम्बन्ध रखण वळा का जन छौं, अर ना ही ये चुंगी लेण वळा का जन छौं।

लूका 18:13

पर वे चुंगी लेण वळा न स्वर्ग जनै भि नि देखि, बल्किन दूर खड़ु ह्‍वेके अपणी छति भटगै-भटगै के बोलि, ‘परमेस्वर, मि एक पापि मनखि छौं मि पर दया कैरा।’”

लूका 19:2

अर उख जक्‍कई नौ को एक मनखि छौ। जु की चुंगी लेण वळो को अधिकारी छौ अर यू भौत सेठ छौ।

लूका 5:27

अर येका बाद यीशु भैर गै, अर वेन चुंगी लेण वळो की चौकी पर एक मनखि तैं बैठयूं देखि, जैको नौ लेवी छौ। अर यीशु न वेकू बोलि, “मेरा दगड़ा मा चल, अर मेरु चेला बणि जा।”

यूहन्ना 1:48

तब नतनएल न वे बटि पूछी, “तुम मितैं कनकै जणद्‍यां?” फिर यीशु न वेकू बोलि, “फिलिप्पुस न जब त्वेतै बुलै, वेसे पैलि मिन त्वेतै तिमला का डाळा तौळ देखियाली छौ।”

यूहन्ना 11:16

तब थोमा न जैकू जौंळ्या भि बुले जान्दु, वेन अफ दगड़ा का चेलों कू बोलि, “चला, हम भि वेका दगड़ा मा मुरणु कू चलद्‍यां।”

यूहन्ना 14:22

तब यहूदा न (जु इस्करियोती नि छौ) यीशु कू बोलि, “प्रभु, तुम केवल हमतै ही दरसन किलै दिखाण चाणा छाँ? पर दुनियां का लोगु तैं किलै ना?”

यूहन्ना 14:5

तब थोमा न वेकू बोलि, “प्रभु हम नि जणद्‍यां कि तुम कख जाणा छाँ, त फिर हमुन बाटु कनकै जनण?”

यूहन्ना 14:9

तब यीशु न वेकू बोलि, “फिलिप्पुस, मि इथगा दिनों बटि तुमरा दगड़ा मा छौं, क्या फिर भि तिन मितैं अभि तक नि पछ्याणी? अर जैन मितैं देखियाली, वेन पिता तैं भि देखियाली। त फिर तू कनकै बुलणि कि, ‘हमतै पिता का दरसन करै द्‍या?’

यूहन्ना 21:2

एक दिन शमौन पतरस, अर थोमा जैकू जौंळ्या भि बुल्दिन, अर गलील मुलक का काना गौं को नतनएल, अर जबदी का दुई नौना अर यीशु का दुई और चेला भि जमा होयां छा।

खास चेलों 1:13

अर जब यू लोग यरूशलेम नगर मा ऐनी, त वे घौर का मंज्यूळ मा गैनी जख यू सब रुक्यां छा। अर यों लोगु का नौ इन छिन, पतरस, यूहन्‍ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफई को नौनु याकूब, शमौन जेलोतेस, अर याकूब को नौनु यहूदा।

खास चेलों 12:17

तब पतरस न ऊंतैं चुप रौण खुणि हाथळ इसारा कैरी, अर वेन सभ्यों तैं बतै कि प्रभु न वेतैं कनकै जेलखाना बटि भैर निकाळि। अर वेन ऊंकू बोलि, “यू सब बात याकूब अर दुसरा बिस्वासी भै-बैंणो तैं भि बतै दियां।” तब उ उख बटि निकळि के दुसरि जगा कू चलि गै।

खास चेलों 15:13

पौलुस अर बरनबास की गवै खतम होण का बाद याकूब न बोलि, “हे मेरा भै-बैंणो मेरी बात तैं सुणा,

खास चेलों 21:18

अर वेका दुसरा दिन पौलुस अर हम सभ्या का सभि याकूब का घौर ग्यां, अर उख बिस्वासी समुदाय का सब अध्यक्ष इकट्‍ठा होयां छा।

गलातियों 1:19

अर उख मेरी मुलाकात प्रभु यीशु का भै याकूब से ह्‍वे, अर वेका अलावा मेरी मुलाकात कै दुसरा खास चेला का दगड़ा मा नि ह्‍वे।

गलातियों 2:9

अर जब भै याकूब, कैफा अर यूहन्‍ना जु कि बिस्वासी समुदाय का खम्बा मणै जनदिन, जब वु वीं किरपा का बारा मा जाणि गैनी ज्वा कि मि पर होईं च, तब ऊंन मितैं अर बरनबास भै तैं परमेस्वर की सेवा मा ऊंकी मदद करण वळो का रुप मा स्वीकार कैरी। अर ऊंन हमतै ऊं लोगु का बीच मा सेवा करणु कू भेजि जु यहूदी जाति का नि छिन, अर खुद वु यहूदी लोगु का बीच मा सेवा कना रैनी।

याकूब 1:1

हे मेरा भै-बैंणो, मि परमेस्वर अर प्रभु यीशु मसीह को सेवक याकूब छौं। अर पूरि दुनियां मा तितर-बितर होयां इस्राएल का बारह गोत्र का बिस्वासी लोगु खुणि या चिठ्‍ठी लिखणु छौं। तुम सभ्यों कू मेरु सलाम।

यहूदा 1:1

हे मेरा भै-बैंणो मि यहूदा छौं, अर मि यीशु मसीह को सेवक अर याकूब को भै छौं। मि या चिठ्‍ठी तुम लोगु खुणि लिखणु छौं जौं तैं पिता परमेस्वर न बुलै, किलैकि पिता परमेस्वर तुम लोगु से भौत प्यार करदु। अर वेन तुम सभ्यों तैं यीशु मसीह की हिफाजत मा रख्युं च।