मत्ती 10:16 - Garhwali

¹⁶ अर यीशु न खास चेलों कू इन भि बोलि, “सुणा, जन भेड़ खतरनाक भेड़ियों का बीच मा जान्दी, ठिक उन्‍नि मि भि तुमतै बुरा लोगु का बीच मा भेजणु छौं। इलै गुरौ की तरौं चालाक अर कबूतर की तरौं सीदा बणा।

गढवली नयो नियम

¹⁶ “देखा मि तुम तैं ढिबरों का जन भेड़ियों का बीच मा भिजद इलै गुरो जन बुद्धिमान अर कबूतर जन भोला बंणा।”

मत्ती 10:16 ပူးပေါင်းရင်းမြစ်များ

मत्ती 24:25

अर सुणा, यू सब कुछ मिन तुमतै पैलि ही बतैयालि।

मत्ती 24:45

अर यीशु न उदारण मा ऊंकू बोलि, “उ वफादार अर अकलमन्द नौकर कु च, जैको मालिक वेतैं सब नौकरों को मुखिया बणौ, ताकि उ ऊंतैं बगत-बगत खाणुक को समान द्‍यो।

मत्ती 25:2

अर ऊंमा बटि पांच त मूरख, अर पांच समझदार छै।

मत्ती 25:4

पर समझदार कुंवारियों न अपणी चिमनियों का दगड़ा मा वामा डलणु खुणि एक डब्बा मा तेल भि रखी दिनी।

मत्ती 25:9

पर समझदार कुंवारियों न ऊंकू बोलि, ‘अगर जु हम तुमतै यू तेल दे द्‍यूला, तब नऽ त ये तेल न हम कू पूरु होण अर ना ही तुमकु, इलै तुम तेल बिकौण वळो मा जा अर खरीदी के ले ल्या।’

लूका 10:3

तब यीशु न ऊंकू बोलि, “जा, मि तुमतै खतरनाक भेड़ियों का बीच मा मेम्‍ना का जन भेजणु छौं।

लूका 21:15

किलैकि मि तुमतै इन्दरि अकल अर बुलणु खुणि इन शब्द द्‍यूलु, कि तुमरा सब बैरी तुमरि बातों को मुकाबला नि कैरी सकला, अर ना ही तुमरि बात को विरोध कैरी सकला।

खास चेलों 20:29

अर मि जणदु छौं कि, मेरा जाण का बाद लोग खतरनाक भेड़िया का जन तुमरा बीच मा आला, अर गळत शिक्षा देके बिस्वासी समुदाय तैं भरमै द्‍याला।

1 कुरिन्थि 14:20

हे मेरा भै-बैंणो, तुम अपणी सोच तैं छुटा बच्‍चों की तरौं नि बणा, बल्किन मा समझदार बणा। अर अगर जु तुम बच्‍चों की तरौं ही बणण चन्द्‍यां, त बुरै खुणि बणा। अर या बात मि इलै बोन्‍नु छौं, किलैकि बच्‍चा कै की बुरै का बारा मा नि सोचदिन। अर जख तक पिता परमेस्वर की खासियत का बारा मा बात च, त तुम लोग स्यांणा लोगु की तरौं सोच रखा।

2 कुरिन्थि 1:12

अर हमतै ईं बात पर गर्व च अर हमरु जमीर भि ईं बात की गवै देन्दु, कि ईं दुनियां मा खास कैरिके तुमरा बीच मा हमरु सभौ पिता परमेस्वर का लैख पवित्र अर सच्‍चु छौ। अर यू सब हमुन ईं दुनियां से मिलण वळा ज्ञान का मुताबिक नि कैरी, बल्किन मा पिता परमेस्वर की किरपा पर भरोसा रखी के कैरी।

2 कुरिन्थि 11:14

अर यां मा हैरान होण कि कुई बात नि च, किलैकि शैतान भि चमकदार स्वर्गदूत को रुप धारण करदु।

2 कुरिन्थि 11:3

मगर मितैं ईं बात की बड़ी चिन्ता च कि जन शैतान न गुरौ का द्‍वारा बड़ी चालाकी से हवा तैं अपणा छल मा फंसै दिनी, ठिक उन्‍नि कखि इन नि हो कि झूठ्‍ठा लोग अपणी गळत शिक्षा का द्‍वारा तुमरा पवित्र जीवन तैं जु कि यीशु मसीह का दगड़ा मा च वेतैं बिगाड़ि नि द्‍या।

2 कुरिन्थि 8:20

अर बिस्वासी लोगु न ये दान तैं दिल खोली के दियूं च, इलै हमुन इन सोची कि तीतुस भै का दगड़ा मा वे भै तैं भि भेजि द्‍या। अर इन कैरिके हम इन कोसिस कन चाणा छां कि कुई भि मनखि हम पर दान लेण को दोष नि लगै सैको।

फिलिप्पी 2:15

ताकि तुम हर बात मा निरदोष अर पवित्र बणि सैका, अर परमेस्वर की एक सच्‍चि औलाद का जन ह्‍वे जा, किलैकि तुम भ्रष्‍ट अर पापि लोगु का बीच मा रौन्द्‍यां, इलै तुमरो जीवन ऊंका बीच मा चमकणु रौ जन कि आसमान मा गैंणा चमकदिन।

कुलुसी 1:9

इलै हे मेरा भै-बैंणो, जब बटि हमुन तुमरा बारा मा सुणी, त हम भि तुम लोगु खुणि प्रार्थना कना रौन्द्‍यां। अर हम इन प्रार्थना करद्‍यां, कि तुम लोग पूरा आत्मिक तरीके से परमेस्वर का ज्ञान मा अर वेकी मनसा तैं बिंगण मा भरपूर होन्दी जा।

कुलुसी 4:5

अर बगत तैं अच्छु समझि के वेको पूरु इस्तेमाल कैरा। अर जु लोग प्रभु यीशु पर बिस्वास नि करदिन, ऊं लोगु का दगड़ा मा अपणु बरतौ बड़ा समझदारी से कैरा।

1 थिस्सलुनीकी 2:10

अर ईं बात का तुम खुद ही गवा छां, अर परमेस्वर भि गवा च कि तुम बिस्वासी लोगु का बीच मा हमरु व्यौहार पवित्र, धरमी अर निरदोष छौ

1 थिस्सलुनीकी 5:22

पर जु बात बुरी छिन ऊंतैं स्वीकार नि कैरा।