मत्ती 1:22 - Garhwali

²² अर यू सब इलै ह्‍वे, ताकि जु वचन प्रभु न अपणा रैबर्यों का द्‍वारा बुलवै छौ, उ पूरु ह्‍वे जौ।

गढवली नयो नियम

²² यु सब इलै हवे कि सब पूरो हो, यशायाह जु परमेश्वर का तरपां बट्टी बुल्ण वलो छो वेका द्वारा परमेश्वर ल यीशु का जन्म का बारा मा बोलि छो,

मत्ती 1:22 ပူးပေါင်းရင်းမြစ်များ

मत्ती 12:17

अर या बात यीशु न इलै बोलि, ताकि वु वचन पूरु ह्‍वे जौ, जु कि यशायाह रैबर्या का द्‍वारा बुले गै छौ। अर वु वचन इन च कि,

मत्ती 13:21

मगर ऊ अपणा भितर वचन की जड़ तैं जमण नि देन्दिन, अर वु वचन भि वेमा कुछ बगत तक ही रौन्दु। इलै वचन की वजै से जब कुई भि दुख-तकलीफ या सतौ ऊंका जीवन मा औन्दिन, तब वु लोग तुरन्त बिस्वास करण छोड़ि देन्दिन।

मत्ती 13:35

अर इन वु इलै करदु छौ, ताकि वा बात पूरि ह्‍वे जौ जु की परमेस्वर का रैबर्या का द्‍वारा बुले गै छै। अर वा बात इन च कि, “मि उदारण देके बात करलु, अर जब बटि दुनियां बणि तब बटि जु बात छिपी छै, ऊं बातों तैं परगट करलु।”

मत्ती 2:15

अर उ हेरोदेस का मुरण तक उखि रै। अर यू सब इलै ह्‍वे ताकि परमेस्वर को उ वचन पूरु ह्‍वे जौ, जु वेन अपणा रैबर्या का द्‍वारा बोलि छौ। अर उ वचन इन च कि, “मिन अपणा पुत्र तैं मिस्र देस बटि बुलै।”

मत्ती 2:23

अर उख जैके गलील मुलक का नासरत गौं मा बसी गै, ताकि परमेस्वर का रैबर्यों द्‍वारा बुलयूं उ वचन पूरु ह्‍वे जौ जु कि इन च कि, “वे मनखि कू नासरत गौं को बुले जालु।”

मत्ती 5:17

“अर यीशु न ऊंकू इन भि बोलि कि, ‘इन नि सोचा, कि मि मूसा का दियां नियम-कानूनों तैं या रैबर्यों का द्‍वारा लिखीं बातों तैं रद्‍द करणु खुणि अयूं छौं। अरे, मि ऊंतैं रद्‍द करणु खुणि ना, पर पूरु करणु खुणि अयूं छौं।

मत्ती 8:17

अर इन इलै ह्‍वे, ताकि उ वचन पूरु ह्‍वे जौ जु कि यशायाह रैबर्या न बोलि छौ। अर उ वचन इन च कि, “वेन हमरि कमजोरियों तैं ले लिनी, अर इख तक कि हमरि बिमारियों तैं भि अफ पर ले लिनी।”

लूका 21:22

किलैकि उ बदला लेण का दिन होला, ताकि जु बात पवित्रशास्‍त्र मा लिखीं छिन वु पूरि ह्‍वे जौ।

लूका 24:44

तब यीशु न ऊंकू बोलि, “यू मेरी वु बात छिन जब मि तुमरा दगड़ा छौ, तब मिन तुमकु बोलि छौ कि यू जरुरी च कि जथगा भि बात मूसा का द्‍वारा लिख्यां नियम-कानूनों मा, अर रैबर्यों की किताबों मा लिखीं छिन, इख तक की जु बात भजनों की किताबों मा भि मेरा बारा मा लिख्यूं छिन, ऊ सभ्यों को पूरु होण जरुरी च।”

यूहन्ना 10:35

“अर जौं मा परमेस्वर को वचन पौंछी, ऊं खुणि वेन ईश्‍वर बोलि। (अर पवित्रशास्‍त्र की बात झूठ्‍ठी नि ह्‍वे सकदी)।

यूहन्ना 15:25

पर यू त इलै ह्‍वे, ताकि पवित्रशास्‍त्र मा जन लिख्यूं च उ पूरु ह्‍वे जौ। अर बात इन च कि, “‘ऊंन बेकार मा मिसे नफरत कैरी।’

यूहन्ना 17:12

जबरि तक मि ऊंका दगड़ा मा छौ, तबरि तक मिन तुमरा वे नौ की शक्‍ति से, जु नौ तुमुन मितैं देई ऊंकी देख-रेख अर हिफाजत कैरी। इलै ऊं मदि कै को भि नास नि ह्‍वे, पर बस वे एक ही मनखि विणास ह्‍वे, जैन विणास को बाटु चुणी ताकि पवित्रशास्‍त्र मा जु लिख्यूं छौ उ पूरु ह्‍वे जौ।

यूहन्ना 18:9

अर यू सब इलै ह्‍वे ताकि उ वचन पूरु हो, जु यीशु न एक बार बोलि छौ। अर वु इन च कि, “जु लोग तुमुन मि मा सौंप्यां छिन, ऊंमा बटि मिन एक तैं भि नि हरचै।”

खास चेलों 3:18

अरे, परमेस्वर न पैलि ही अपणा सब रैबर्यों का द्‍वारा इन बुलवै छौ कि जै मसीह तैं मि भेजलु वेतैं यू दुख सौण पोड़लु, अर वेन यीशु मसीह का द्‍वारा वीं भविष्यबाणी तैं इनकै पूरु कैरी दिनी।

रोमियों 1:2

अर ये शुभ समाचार को करार परमेस्वर न पैलि बटि अपणा रैबर्यों का द्‍वारा पवित्रशास्‍त्र मा लिखीं बातों मा करवै छौ।

दिब्य दरस 17:17

अर परमेस्वर ऊंका मनों मा या बात डललु कि वु राजा वेकी मनसा तैं पूरु कैरा, ताकि वु वे दैंत तैं अपणु-अपणु राज्य दे द्‍या, जबरि तक कि परमेस्वर को बुलयूं वचन पूरु नि ह्‍वे जौ।