मत्ती 1:16 - Garhwali

¹⁶ अर याकूब बटि यूसुफ को जनम ह्‍वे। अर यूसुफ न मरियम बटि ब्यौ कैरी, अर मरियम बटि यीशु को जनम ह्‍वे। अर वे ही यीशु कू मसीह बुले जान्दु।

गढवली नयो नियम

¹⁶ अर याकूब बट्टी यूसुफ पैदा हवे जु मरियम को आदिम छो अर मरियम ल परमेश्वर की आत्मा बट्टी गर्भवती हवे के यीशु तैं जन्म दींनि, जैकु मसीह बुल्दींनि।

मत्ती 1:16 ပူးပေါင်းရင်းမြစ်များ

मत्ती 1:15

अर इलीहूद बटि इलियाजार को जनम ह्‍वे, अर इलियाजार बटि मत्तान को जनम ह्‍वे, अर मत्तान बटि याकूब को जनम ह्‍वे।

मत्ती 16:16

तब शमौन पतरस न जबाब देई, “गुरुजी, ज्यून्दा परमेस्वर का पुत्र मसीह तुम ही छाँ।”

मत्ती 16:20

तब यीशु न चेलों तैं चितै के बोलि कि, “या बात कै मा नि बुलयां कि मि मसीह छौं।”

मत्ती 2:13

अर जब जोतिस लोग उख बटि चलि गैनी, त प्रभु को एक दूत यूसुफ तैं सुपन्या मा दिखै अर वेन वेकू बोलि, “यूसुफ उठ, बच्‍चा अर वेकी माँ तैं लेके मिस्र देस कू चलि जा। अर जबरि तक मि त्वेकू नि बोललु तबरि तक उखि रै, किलैकि हेरोदेस ये बच्‍चा तैं खुजवौणु च, ताकि उ येतैं मरवै द्‍यो।”

मत्ती 27:17

अर जब भीड़ इकट्‍ठा ह्‍वे गै, त पिलातुस न ऊं बटि पूछी, “तुम क्या चन्द्‍यां, कि मि तुम खुणि कैतैं छोड़ द्‍यूं, बरअब्बा तैं या यीशु तैं जैकू मसीह बुले जान्दु?”

मत्ती 27:22

अर वेन ऊंकू बोलि, “त फिर मि यीशु का दगड़ा क्या कैरुं, जैकू मसीह बुले जान्दु?” तब ऊं सभ्यों न बोलि, “वेतैं क्रूस पर चड़ै द्‍या, वेतैं क्रूस पर चड़ै द्‍या।”

मरकुस 6:3

अरे, यू त बड़ई च, अर मरियम को नौनु च, अर, यू त उई च जैका भै याकूब, योसेस, यहूदा अर शमौन छिन। अर येकी बैंण त इख हमरा बीच मा रौनदिन?” इलै ऊंन यीशु तैं स्वीकार नि कैरी।

लूका 1:27

अर वीं कुंवारी को नौ मरियम छौ, जिं की मांगण राजा दाऊद का वंश मा बटि यूसुफ नौ का एक मनखि का दगड़ा मा होईं छै।

लूका 2:48

तब वेतैं देखि के वेका ब्वे-बाब भि हकदक रै गैनी। अर वेकी माँ न वेकू बोलि, “बेटा, तिन हमरा दगड़ा मा इन किलै कैरी? देख, तेरु बुबा अर मि त्वेतै खुज्यान्द-खुज्यान्द परेसान ह्‍वे गै छा।”

लूका 2:7

तब वींन अपणा पैला नौना तैं जनम देई, अर वेतैं कपड़ा मा लपेटि के छन्‍नि की चौंर मा रखी। किलैकि ऊं खुणि धर्मशाळा मा जगा नि छै।

लूका 3:23

अर जब यीशु न अपणी सेवा शुरु कैरी, त उ तकरीबन तीस साल को छौ। अर लोग इन समझदा छा कि यीशु यूसुफ को नौनु छौ, अर यूसुफ पितर एली को नौनु छौ।

लूका 4:22

अर सभ्यों न वेकी तारीफ कैरी, अर जु भलै की बात वेन बुलिनी, ऊंतैं सुणी के सब लोग हकदक ह्‍वे गैनी। अर ऊ बुलण लगि गैनी, “अरे यू त यूसुफ को नौनु च?”

यूहन्ना 4:25

तब जनानि न वेकू बोलि, “श्रीमान, मि जणदी छौं कि मसीह, जैकू ख्रीष्‍ट बुल्दिन, औण वळु च। जब उ आलु त हमतै सब कुछ बतै द्‍यालु।”