लूका 9:25 - Garhwali

²⁵ अर अगर कुई मनखि सरा संसार की हर चीजों तैं हासिल कैरी द्‍यो, मगर उ अपणा पराण तैं ख्वे द्‍यो याने कि वे बटि वेको पराण ले लिये जौ, त वेतैं फिर क्या फैदा ह्‍वे?

गढवली नयो नियम

²⁵ जु मनिख सैरा दुनिया तैं पै ल्यो अर अपड़ा प्राण अर आत्मा तैं ख्वे द्यो त वे तैं क्य फैदा होलो?

लूका 9:25 ပူးပေါင်းရင်းမြစ်များ

मत्ती 13:48

अर जब जाल पूरु भुरे गै, त मछैर वेतैं छाला पर खैंची के लैनि अर बैठि के अच्छा-अच्छा माछा थैलुन्द रखिनी, अर बेकार माछा ढोळि दिनी।

मत्ती 13:50

अर ऊंतैं आग का भटा मा डालि द्‍याला, अर उख रुंण अर दांतों तैं कड़गिटाण ही होलु।”

मत्ती 16:26

अर अगर कुई मनखि दुनियां की हरेक चीजों तैं हासिल कैरी द्‍यो, मगर उ सदनि का जीवन तैं ख्वे द्‍यो त वेतैं फिर क्या फैदा ह्‍वे? अर कुई भि मनखि सदनि का जीवन तैं पौणु खुणि क्या दे सकदु?

मरकुस 8:36

अर अगर कुई मनखि पूरा संसार की हर चीजों तैं हासिल कैरी द्‍यो, मगर उ सदनि का जीवन तैं ख्वे द्‍यो त वेतैं फिर क्या फैदा होलु?

खास चेलों 1:18

अर वेकी नीच कमै का द्‍वारा एक पुंगड़ु खरीदे गै, अर उ कपाळ का बल पोड़ि, पुटगु फटी, अर वेका सब अन्दड़ा भैर निकळि गैनी।

खास चेलों 1:25

ताकि वेतैं सेवा की जिमेदारी अर खास चेला होण को पद दिये जौ, किलैकि यहूदा न ये पद तैं नकारी दिनी, अर ज्वा जगा वे खुणि चुणै गै छै वु उख चलि गै।”

1 कुरिन्थि 9:27

अर मि अपणा सरील तैं अपणा वश मा रखदु, अर अपणी इच्छा तैं भि अपणा वश मा रखदु। अर इन मि इलै करदु ताकि कखि इन नि हो कि मि सभ्यों तैं पार लगै द्‍यो अर खुद ही छुटी जौं।

इब्रानी 10:34

अर जु लोग जेलखाना मा कैद छा ऊं खुणि तुमुन बड़ी दया दिखै। अर जब लोगु न तुमरि चीजों तैं अपणा कब्जा मा कैर दिनी त तुमुन खुशी से अपणु नुकसान उठे, किलैकि तुम जणदा छा कि तुमरा पास वेसे भि जादा कीमती च जु की सदनि तक रौण वळु च।