लूका 9:19 - Garhwali

¹⁹ तब चेलों न वेतैं जबाब दिनी, “गुरुजी, लोग त तुम खुणि यूहन्‍ना बपतिस्मा देण वळु बुल्दिन, अर कुछ बुल्दिन, कि तुम एलिय्याह रैबर्या छाँ, अर कुछ त इन भि बुल्दिन कि पुरणा रैबर्यों मा बटि कुई ज्यून्दु ह्‍वे गै।”

गढवली नयो नियम

¹⁹ ऊंल जवाब दींनि, यूहन्ना बपतिस्मा दींण वलो अर कुई-कुई एलिय्याह अर कुई यु कि पुरणा परमेश्वर का तरपां बट्टी बुल्ण वला मा बट्टी कुई ज्यूँदो हवे गै।

लूका 9:19 ပူးပေါင်းရင်းမြစ်များ

मत्ती 14:2

तब वेन अपणा नौकरों कू बोलि, “अरे यू त बपतिस्मा देण वळु यूहन्‍ना च, जु कि मुरदो मा बटि ज्यून्दु ह्‍वे गै, इलै वेका द्‍वारा चमत्कारिक काम होणा छिन।”

मत्ती 3:1

अर या ऊं दिनों की बात च, जब यूहन्‍ना नौ को एक मनखि जु की बपतिस्मा देन्दु छौ। उ यहूदिया मुलक का निर्जन जगा मा इन परचार करण लगि गै कि,

मरकुस 6:14

राजा हेरोदेस अन्तिपास तक या चर्चा पौंछी गै, कि यीशु को नौ भौत जादा फैली गै। अर लोग बोन्‍ना छिन कि, “यूहन्‍ना बपतिस्मा देण वळु मुरदो मा बटि ज्यून्दु ह्‍वे गै, इलै वेका द्‍वारा अब यू सामर्थ का काम किये जाणा छिन।”

मरकुस 6:15

अर कुछ लोग बोन्‍ना छा कि, “यू एलिय्याह रैबर्या च।” मगर कुछ लोग इन भि बोन्‍ना छा कि, “यू त रैबर्यों मा बटि कै एक रैबर्या का जन च।”

लूका 9:18

एक बार यीशु अकेला मा प्रार्थना कनु छौ, अर वेका चेला वेका पास ऐनी, तब वेन ऊं बटि पूछी कि, “मि कु छौं अर लोग मेरा बारा मा क्या बुल्दिन?”

लूका 9:20

तब वेन ऊं बटि पूछी, “तुमतै क्या लगदु की मि कु छौं?” अर पतरस न जबाब दिनी, “गुरुजी, तुम त परमेस्वर का भेज्यां मसीह छाँ।”

यूहन्ना 1:21

तब ऊं लोगु न वे बटि पूछी, “त क्या तुम एलिय्याह छाँ?” वेन बोलि, “ना।” “त क्या तुम उ रैबर्या छाँ? जु औण वळु च,” तब वेन बोलि, “मि नि छौं।”

यूहन्ना 1:25

ऊं लोगु न यूहन्‍ना तैं पूछी, “जब नऽ त तुम मसीह छाँ, नऽ त एलिय्याह, अर ना ही परमेस्वर को उ रैबर्या, त फिर बपतिस्मा किलै देणा छाँ?”

यूहन्ना 7:40

तब यों बातों तैं सुणी के भीड़ मदि कुछ लोग बुलण लगि गैनी कि, “सच्‍चि मा यू ही परमेस्वर को उ रैबर्या च।”

यूहन्ना 9:17

तब जु अन्धु छौ, वेकू फरीसी दल का लोगु न बोलि, “जैन तेरी आंख्यों तैं खूब कैरी, वेका बारा मा तू क्या बुल्दी?” वेन बोलि, “उ त परमेस्वर को एक रैबर्या च।”