लूका 8:44 - Garhwali

⁴⁴ अर वींन पिछनै बटि ऐके यीशु का कपड़ा पर लग्यां झालरों तैं छ्वी, अर तुरन्त वींको ल्वे बुगण रुकी गै।

गढवली नयो नियम

⁴⁴ अर वीं ल पिछनै बट्टी ऐ अर वेका चौला का किनारा तैं छवे अर तुरंत वीं ही बगत वीं को ल्वे बुगंण थमि गै।

लूका 8:44 ပူးပေါင်းရင်းမြစ်များ

मत्ती 20:34

अर यू सुणी के यीशु तैं ऊं पर तरस ऐ, अर वेन ऊंका आंख्यों तैं छ्वी, अर वु तुरन्त दिखण लगि गैनी। अर तब वु दुईया का दुई भि यीशु का पिछनै ह्‍वे गैनी।

मत्ती 8:3

तब वेन अपणु हाथ लगै के वेकू बोलि, “हाँ, मि चान्दु छौं कि तू शुद्ध ह्‍वे जा।” तब वेको कोड़ चलि गै अर उ शुद्ध ह्‍वे गै।

मत्ती 9:20

अर जब ऊ जाणा ही छा, कि सुणा, एक जनानि जींतैं बारह सालों बटि ल्वे बुगणो को रोग छौ, वींन पिछनै बटि ऐके यीशु का कपड़ा पर लग्यां झालरों तैं छ्वी।

मरकुस 6:56

अर जौं-जौं नगरों, अर ग्‍वोंऽ या बस्तियों मा यीशु जान्दु छौ, उख-उख लोग बिमारों तैं खुलि जगों मा रखी देन्दा छा, अर वेसे बिन्ती करदा छा कि यीशु ऊंतैं अपणा कपड़ा का झालरों तैं ही छूण द्‍यो। अर जथगा भि लोग वेतैं छून्दा छा, ऊ सभ्या का सभि खूब ह्‍वे जान्दा छा।

लूका 13:13

तब वेन अपणु हाथ वीं जनानि पर रखी, अर तुरन्त वीं की कमर सीदी ह्‍वे गै, अर वा परमेस्वर कि बडै करण लगि गै।

लूका 7:38

अर वा यीशु का खुटों का समणि खड़ि ह्‍वेके रुंण लगि गै, अर अपणा आंसुवोंन वेका खुटों तैं भिगौण लगि गै। अर अपणा बाळो से फुंजणि, अर बार-बार वेका खुटों की भूकि पीणी छै, अर वेका खुटों पर खुशबुदार इतर मळणी छै।

लूका 8:43

अर उख भीड़ मा एक जनानि छै, जींतैं बारह सालों बटि ल्वे बुगणो को रोग छौ। अर ये इलाज का बाना वींन अपणा जीवन की पूरि कमै बैदों पर खर्च कैरी दिनी, पर कैन भि वींतैं खूब नि कैरी सैकी।

लूका 8:45

तब यीशु न बोलि, “मितैं कैन छ्वी?” जब सब लोग इनकार करण लगि गैनी, तब पतरस न बोलि, “गुरुजी, तुमतै त भीड़ न चारो तरफा बटि घेरयुं च अर वा ही तुमतै दबौंणि च।”

यूहन्ना 5:13

पर जु मनखि खूब ह्‍वे गै छौ उ नि जणदु छौ, कि उ कु च। किलैकि वीं जगा पर बिजांम भीड़ छै, इलै यीशु उख बटि चलि गै छौ।

खास चेलों 19:12

इख तक की जु रूमाल या कपड़ा पौलुस को इस्तेमाल कर्युं रौन्दु छौ जब ऊंतैं बिमारों पर लगये जान्दु छौ, त वु लोग अपणी-अपणी बिमारियों मा बटि खूब ह्‍वे जान्दा छा। इख तक कि जौं लोगु मा खबेस लग्यां रौन्दा छा, ऊ खबेस भि लोगु मा बटि निकळि जान्दा छा।

खास चेलों 5:15

इख तक की लोग बिमारों तैं सड़कों मा लि जान्दा छा, अर ऊंतैं खाटों अर बिस्तरों पर लिटै देन्दा छा, ताकि जब पतरस उख बटि अऽ, त कम से कम वेको छैल ही ऊंमा मदि कै पर भि पोड़ि जौ अर वु खूब ह्‍वे जौ।