लूका 8:43 - Garhwali

⁴³ अर उख भीड़ मा एक जनानि छै, जींतैं बारह सालों बटि ल्वे बुगणो को रोग छौ। अर ये इलाज का बाना वींन अपणा जीवन की पूरि कमै बैदों पर खर्च कैरी दिनी, पर कैन भि वींतैं खूब नि कैरी सैकी।

गढवली नयो नियम

⁴³ अर एक जनन तैं बारह बरस बट्टी ल्वे बुगंण को रोग छो अर वीं ल अपड़ी सैरी कमै वैद्यों पर खर्च कैरेली छै अर तब भि कैका हथ बट्टी खूब नि हवे सैकी।

लूका 8:43 ပူးပေါင်းရင်းမြစ်များ

मरकुस 12:44

किलैकि सभ्यों न त अपणी भरपूरी मा बटि डालि, मगर अपणु गुजर-बसर करणु खुणि जु कुछ भि ईं विधवा का पास छौ, वींन अपणी गरीबी मा बटि वु सब कुछ डालियेली।”

मरकुस 9:18

अर जब उ खबेस वेतैं अपणा वश मा करदु, त वेतैं उखि पटकी देन्दु, अर मेरा नौना का गिच्‍चा बटि गाज निकळण लगि जान्दु, अर उ अपणा दांत कड़गिटाण लगि जान्दु, अर अकडै़ भि जान्दु। अर गुरुजी, मिन तुमरा चेलों कू बोलि, कि ऊ वे खबेस तैं वेमा बटि निकाळि द्‍या, मगर ऊ वेतैं निकाळि नि सकिनी।”

लूका 13:11

अर उख एक जनानि छै जिं मा अठारा सालों बटि एक खबेस लग्यूं छौ, अर येन ईं जनानि तैं पूरि तरौं से कुबडी बणैयालि छौ। अर ईं वजै से वा सीदी नि ह्‍वे सकदी छै।

लूका 13:16

त क्या यू काम ठिक नि छौ कि, या नौनि ज्वा कि अब्राहम का वंश मदि च जींतैं शैतान न अठारा साल बटि अपणा कब्जा मा कर्युं छौ, ईं तैं वे बटि आजाद करै जौ।

लूका 8:42

किलैकि वेकी बारह साल की इकलौती नौनि छै, अर वा मुरण वळी छै। अर जब यीशु उख जाण लगि, त भीड़ जादा होण कि वजै से बड़ी धक्‍का-मुक्‍की होण लगि, अर लोग यीशु का मथि फरक्योंणा लगि गैनी।

लूका 8:44

अर वींन पिछनै बटि ऐके यीशु का कपड़ा पर लग्यां झालरों तैं छ्वी, अर तुरन्त वींको ल्वे बुगण रुकी गै।

यूहन्ना 9:1

अर जब यीशु अर वेका चेला जाणा छा, तब वेन एक मनखि तैं देखि, जु कि जनम बटि ही अन्धु छौ।

यूहन्ना 9:21

पर हम यू नि जणद्‍यां, कि उ कनकै दिखण लगि गै अर यू भि नि जणद्‍यां, कि कैन वेतैं खूब कैरी। पर तुम वेतैं ही पूछील्या, किलैकि अब उ बड़ु ह्‍वे गै अर उ अपणा बारा मा अफि बोलि सकदु च।”

खास चेलों 3:2

अर ये मन्दिर का गेट पर जैकू सुन्दर गेट बुले जान्दु, लोग जनम का एक लंगड़ा मनखि तैं हर दिन ये गेट का पास बैठे देन्दा छा, ताकि यू भैर-भितर जाण वळा लोगु बटि भीक मांगु, अर इन्‍नि ये दिन भि ह्‍वे।

खास चेलों 4:22

अर लोग परमेस्वर की बडै इलै करणा छा, किलैकि यू मनखि जु पतरस अर यूहन्‍ना का द्‍वारा चमत्कार कैरिके खूब ह्‍वे छौ, उ चालीस साल से मथि छौ अर पैदा होण का बगत बटि ही लंगड़ा छौ।