लूका 8:22 - Garhwali

²² अर एक दिन यीशु अपणा चेलों का दगड़ा मा नाव पर चैड़ि गै, अर वेन ऊंकू बोलि, “चला, हम झील का पल्या छाला चलद्‍यां।” तब ऊ चलि गैनी।

गढवली नयो नियम

²² फिर एक दिन उ अर वेका चेला नाव पर चड़नि अर यीशु ल ऊंमा बोलि, “आवा झील का दुसरा छाला पर जंदा”अर तब चेलों ल नाव खोलि दींनि।

लूका 8:22 ပူးပေါင်းရင်းမြစ်များ

मत्ती 14:22

अर येका तुरन्त बाद यीशु न अपणा चेलों कू बोलि, “जबरि तक मि लोगु तैं विदा करदु तबरि तक तुम लोग नाव मा चैड़ि के मिसे पैलि झील का पल्या छाला चलि जा।”

मत्ती 8:18

एक दिन इन ह्‍वे कि यीशु न अपणा चौतरफि एक बड़ी भीड़ देखि, त वेन चेलों तैं आज्ञा दिनी, “चला, झील का पल्या छाला चलद्‍यां।”

मरकुस 5:21

फिर यीशु नाव से गिरासेनियों का मुलक बटि निकळि के वापस दुसरा छाला पर चलि गै, अर जब उ छाला पर ही छौ, कि देखा, एक बड़ी भीड़ वेका पास जमा ह्‍वे गै।

मरकुस 6:45

तब यीशु न तुरन्त अपणा चेलों तैं नाव पर चड़ण की आज्ञा दिनी वेन बोलि कि, “जबरि तक मि लोगु तैं विदा करदु, तबरि तक तुम लोग मिसे पैलि पल्या छाला बैतसैदा नगर कू चलि जा।”

मरकुस 8:13

तब यीशु ऊंतैं छोड़ि के फिर से नाव मा चैड़ि गै, अर झील का पल्या छाला पर चलि गै।

लूका 5:1

एक बार भौत बड़ी भीड़ यीशु का पास इकट्‍ठा ह्‍वेके परमेस्वर का वचन तैं सुनणी छै। तब उ गन्‍नेसरत की झील का किनरा पर खड़ु छौ, अर जादा लोग होण की वजै से धक्‍का-मुक्‍की होण लगि गै अर वु यीशु पर गिरण लगि गैनी।

लूका 8:23

अर जब ऊ नाव चलाणा छा त यीशु से गै। तब झील मा एक आंधी ऐ गै, अर नाव पाणिळ भुरेण लगि गै अर ऊं पर बड़ु संकट ऐ गै।

लूका 8:33

तब खबेसों की पलटण वे मनखि मा बटि निकळि के सुंगरों मा बैठि गै, अर वेन ऊंकू बोलि, “जा।” अर ऊ खबेस निकळि के सुंगरों मा बैठ गैनी। अर सुंगरों को वु झुण्ड तुरन्त भ्योळ जनै भागी अर उखुन्द लमडी के झील मा पोड़ीनी अर सब डुबी के मोरि गैनी।

यूहन्ना 6:1

फिर येका बाद यीशु अपणा चेलों का दगड़ा तिबिरियास की झील याने कि गलील झील का पल्या छाला नाव मा बैठि के चलि गै।

खास चेलों 27:2

अर हमुन अद्रमुत्तियुम नगर बटि पाणि का एक जाज मा बैठि के अपणु सफर शुरु कैरी। अर ये जाज न आसिया का बंदरगाहों से ह्‍वेके जाण छौ, अर हमरा दगड़ा मा मकिदुनिया मुलक को अरिस्तर्खुस भै भि छौ, जु की थिस्सलुनीकी नगर को रौण वळु छौ।