लूका 8:21 - Garhwali

²¹ अर वेन ऊं लोगु कू बोलि, “मेरी माँ अर मेरा भै ऊ छिन, जु परमेस्वर का वचन तैं सुणदिन अर वेका मुताबिक चलदिन।”

गढवली नयो नियम

²¹ यीशु ल वांका जवाब मा ऊंमा बोलि, “मेरी ब्वे अर मेरा भैय यु छिन”जु कुई परमेश्वर की मनसा पर चलो जु परमेश्वर चौ त उ करद, “उ ही मेरा भैय अर बैंण अर ब्वे छिन।”

लूका 8:21 ပူးပေါင်းရင်းမြစ်များ

मत्ती 17:5

जब उ इन बोन्‍नु ही छौ, कि तबरि एक चमकदार बादळ न ऐके ऊंतैं घेरि दिनी। तब वे बादळ मा बटि एक आवाज ऐ, “यू मेरु लाडलु पुत्र च, अर येसे मि खुश छौं, येकी सुणा।”

मत्ती 25:40

तब राजा ऊंतैं जबाब द्‍यालु, ‘मि तुम बटि सच्‍च बोन्‍नु छौं, कि जु भलै तुमुन मि पर बिस्वास करण वळा लोगु का दगड़ा मा करिनी जौं तैं लोग कुछ नि समझदिन, वु सब भलै तुमुन मेरा दगड़ा मा ही करिनी।’

मत्ती 25:45

तब राजा ऊंतैं जबाब द्‍यालु, ‘मि तुम बटि सच्‍च बोन्‍नु छौं, कि जु लोग मि पर बिस्वास करदिन ऊंमा बटि कै एक का दगड़ा मा भलै का काम तुमुन नि करिनी। हाँ, ऊंका दगड़ा मा ही जौं तैं लोग कुछ नि समझदिन, इलै सुणा, भलै का वु काम तुमुन मेरा दगड़ा मा भि नि करिनी।’

मत्ती 28:10

तब यीशु न ऊंकू बोलि, “डौऽरा ना, अर जैके मेरा भैयों मा बोला कि गलील मुलक मा चलि जा, अर मि ऊंतैं उखि मिललु।”

लूका 8:15

अर अच्छी जमीन मा पोड़यां बीज वु लोग छिन जु परमेस्वर का वचन तैं सुणी के वेतैं अपणा अच्छा अर आज्ञा मनण वळा मन मा समाळि के रखदिन, अर सबर रखी के अच्छा फल लेके औन्दिन।”

लूका 8:20

तब कैन ऐके वेकू बोलि, “गुरुजी सुणा, तुमरि माँ अर तुमरा भै भैर खड़ा होयां छिन, अर ऊ तुम बटि मिलण चाणा छिन।”

यूहन्ना 13:17

अगर तुम यों बातों तैं जाणि के ऊंका मुताबिक चलिल्या त तुम धन्य छाँ।”

यूहन्ना 20:17

तब यीशु न वींकू बोलि, “मितैं पकड़ी के ही नि रख। किलैकि मि अभि तक मेरा पिता का पास मथि नि ग्यों। पर तू मेरा भैयों का पास जा अर ऊंतैं बतै दे, कि मि मेरा पिता अर तुमरा पिता, अर मेरा परमेस्वर अर तुमरा परमेस्वर का पास मथि जाणु छौं।”

2 कुरिन्थि 5:16

हे मेरा भै-बैंणो, हम कै भि मनखि का बारा मा इन नि सोचद्‍यां, जन कि ईं दुनियां का लोग सोचदिन। पैलि हम लोगु न भि यीशु मसीह का बारा ठिक उन्‍नि सोची छौ जन कि ईं दुनियां का लोग सोचदिन, मगर अब हम वेका बारा मा इन नि सोचद्‍यां।

2 कुरिन्थि 6:18

अर परमेस्वर न इन भि बोलि कि, “तब मि तुमरो पिता होलु, अर तुम मेरी औलाद। अर यू सर्वसक्‍तिमान प्रभु परमेस्वर को वचन च।”

याकूब 1:22

अर तुम परमेस्वर का वचन तैं केवल सुनण वळा ही ना, बल्किन मा वेतैं सुणी के वेको पालन करण वळा भि बणा। किलैकि जु वचन तैं सुणी के वेको पालन नि करदु, उ खुद तैं धोखा देणु च।

1 यूहन्ना 2:29

किलैकि हम सभ्या का सभि जणदा छां, कि यीशु मसीह उई करदु जु पिता परमेस्वर की नजर मा सही च। अर हम यू भि जणद्‍यां, कि जथगा भि लोग वेकी नजर मा धरमी छिन ऊ सब पिता परमेस्वर की औलाद छिन।

3 यूहन्ना 1:11

हे मेरा प्यारा भै, बुरै करण वळो का ना, पर भलै करण वळो का पिछनै चल किलैकि जु कुई भलै करदु उ परमेस्वर की तरफा च, पर जु कुई बुरै करदु उ परमेस्वर तैं नि जणदु।