लूका 8:18 - Garhwali

¹⁸ इलै ध्यान द्‍या, कि तुम क्या सुनणा छाँ। किलैकि जु कुई भि परमेस्वर का राज तैं बिंगणे की इच्छा रखदु, वेतैं वेका बारा मा बिंगण को और भि जादा ज्ञान दिये जालु। मगर जु मनखि इन सोचदु, कि मितैं भौत ज्ञान च, त वे बटि वु ज्ञान भि छिनै जालु।”

गढवली नयो नियम

¹⁸ इलै चौकस रावा कि तुम कनके सुंणदा? किलैकि जै मा थोड़ी भि मेरी बातों तैं समझणु की समझ च वे तैं और दिये जालि पर जै मा थोड़ा भि नि च वेमा बट्टी उ भि लिये जालि जु वेमा छैं च जै तैं उ अपड़ो समझुदु।

लूका 8:18 ပူးပေါင်းရင်းမြစ်များ

मत्ती 13:12

किलैकि जु कुई भि परमेस्वर का राज तैं बिंगणे की इच्छा रखदु, वेतैं वेका बारा मा बिंगण को और भि जादा ज्ञान दिये जालु। मगर जु मनखि इन सोचदु, कि मितैं भौत ज्ञान च, त वे बटि वु ज्ञान भि छिनै जालु।

मत्ती 25:29

अर ये निकमा नौकर तैं भैर अन्धेरा मा ढोळि द्‍या, जख रुंण अर दांतों तैं कड़गिटाण ही होलु, किलैकि जु कुई भि परमेस्वर का राज तैं बिंगणे की इच्छा रखदु, वेतैं वेका बारा मा बिंगण को और भि जादा ज्ञान दिये जालु। मगर जु मनखि इन सोचदु, कि मितैं भौत ज्ञान च, त वे बटि वु ज्ञान भि छिनै जालु।’”

मरकुस 13:14

“अर यीशु न इन भि बोलि, ‘अर जब तुम खण्डर करण वळी वीं अशुद्ध चीज तैं ज्वा की वीं जगा पर खड़ि किये जाणि हो, इन होन्द दिखल्या, जख कि वींतैं नि होण चयेणु (जु पढणु च उ ईं बात तैं समझि ल्यो) तब जु यहूदिया मुलक मा हो उ पाड़ो जनै भागी जौ।

लूका 19:26

अर मालिक न बोलि, ‘मि तुम बटि बोन्‍नु छौं कि, जु कुई परमेस्वर का राज तैं बिंगणे की इच्छा रखदु, वेतैं वेका बारा मा बिंगण को और भि जादा ज्ञान दिये जालु। मगर जु मनखि इन सोचदु, कि मितैं भौत ज्ञान च त वे बटि वु ज्ञान भि छिनै जालु।

लूका 9:44

तब यीशु न अपणा चेलों कू बोलि कि, “तुम मेरी ईं बात तैं कन्दूड़ खोली के सुणी ल्या, कि मनखि को पुत्र लोगु का हाथों मा पकड़वै जाण वळु च।”

यूहन्ना 15:2

अर ज्वा फौंकि मि मा च अर अगर वीं पर फल नि लगदिन त वींतैं उ काटी देन्दु, अर ज्वा फळदि च वींतैं उ छाँटदु च, ताकि वे पर और भि जादा फल लगा।

खास चेलों 10:33

इलै मिन तुमतै बुलाणु खुणि अपणा लोगु तैं तुरन्त भेजि, अर या बात अच्छी च कि तुम इख ऐ भि ग्यां। अब जु कुछ भि वचन परमेस्वर न तुमतै दिईं, वु सब कुछ सुनणु खुणि ही हम इख इकट्‍ठा होयां छां, अर परमेस्वर भि हमरा बीच मा च।”

खास चेलों 17:11

बिरीया नगर का यहूदी लोग थिस्सलुनीकी नगर का यहूदी लोगु से भौत जादा भला छा। अर यों लोगु न परमेस्वर का वचन तैं बड़ी इच्छा से स्वीकार कैरी, अर हर दिन पवित्रशास्‍त्र मा खुज्याणा रैनी कि जु कुछ भि पौलुस बतौणु च वु सब बात इन्‍नि लिखीं छैई भि छिन, कि ना।

रोमियों 12:3

अर ज्वा किरपा पिता परमेस्वर न मि पर कैरी, वेका मुताबिक मि तुमतै बतै देन्दु, कि तुम भि भौत कुछ छाँ इन दिखौणु खुणि तुम लोगु का समणि खुद तैं परगट नि कैरा, बल्किन मा जु बिस्वास पिता परमेस्वर न तुमतै सौंपी, वेका बारा मा ध्यान से सोच-विचार कैरा।

1 कुरिन्थि 14:37

अर अगर तुमरा बीच मा कुई मनखि इन सुचदु कि उ पिता परमेस्वर को रैबर्या च, या वेतैं पवित्र आत्मा को बरदान मिल्यूं च, त उ ईं बात तैं स्वीकार कैरो जु मि तुम खुणि लिखणु छौं, यू आदेस मितैं प्रभु की तरफा बटि मिल्यूं च।

1 कुरिन्थि 3:18

हे मेरा दगड़्यों, धोखा मा नि रयां, अगर तुम मा बटि कुई इन सोचदु कि उ ये जमना मा ज्ञानी च, त सबसे पैलि उ परमेस्वर की बात माणी के सच्‍चि मा ज्ञानी बणि जौ, तब चै लोग वेतैं मूरख ही किलै नि समझा।

1 कुरिन्थि 8:2

अर जु लोग अपणा ज्ञान पर बड़ु मोन करदिन ऊ सच्‍चा वचन तैं नि जणदिन।

फिलिप्पी 3:4

पर मि त अपणा सरील पर भि भरोसा रखी सकदु। अर मि त इन्द्रया लोगु से जादा भरोसा रखी सकदु, जु कि अपणा खतना करौण की बात पर बड़ु मोन करदिन।

इब्रानी 2:1

इलै जौं बातों तैं हमुन सुणी, ऊं सब बातों पर हमतै और भि जादा ध्यान देण चयेणु, ताकि हम सच्‍चै से दूर नि ह्‍वे जा।