लूका 7:6 - Garhwali

⁶ तब यीशु ऊंका दगड़ा मा गै। अर जब यीशु सुबेदार का घौर का पास ही पौंछी छौ, तब सुबेदार न अपणा दगड़्यों मा बटि कुछ लोगु तैं यीशु का पास यू रैबार भेजि कि, “प्रभु, तुम कष्‍ट नि कैरा, किलैकि मि ये लैख नि छौं, कि तुम मेरा घौर मा भि ऐ सैका।

गढवली नयो नियम

⁶ यीशु ऊंका दगड़ा मा चलि पर जब उ घौरा का संमणी छा तब सुबदार ल वेमा कई दगड़ियों मा यु सवाल भेजि हे प्रभु दुःख न उठा मि इथग योग्य नि छो की तू मेरा छत मुड़ी औ

लूका 7:6 ပူးပေါင်းရင်းမြစ်များ

मत्ती 20:28

तुमतै मनखि का पुत्र जन होण चयेणु, किलैकि उ अपणी खातिरदारि करौणु खुणि नि ऐ, बल्किन मा इलै ऐ कि खुद दुसरा लोगु की सेवा कैरो, अर भौत सा लोगु तैं ऊंका पापों से आजादी दिलौणु खुणि अपणी जान दे द्‍यो।”

मत्ती 3:11

“अर मि त तुमतै पापों से माफी पौणु खुणि पाणिळ बपतिस्मा देणु छौं। पर उ मनखि औण वळु च, जु मिसे भि जादा ताकतबर च, अर मि ये लैख भि नि छौं कि वेको नौकर बणि के वेका जुता उठे सैकु अर उ तुमतै पवित्र आत्मा अर आग बटि बपतिस्मा द्‍यालु।

मरकुस 5:24

अर तब यीशु वेका दगड़ा मा चलि गै, त बड़ी भीड़ वेका पिछनै-पिछनै जाण लगि, अर लोग जादा होण की वजै से यीशु का दगड़ा मा धक्‍का-मुक्‍की होण लगि गै।

लूका 5:8

अर यू देखि के शमौन पतरस यीशु का खुटों मा पोड़ि गै, अर बोलि, “हे प्रभु, मि एक पापि मनखि छौं, इलै तुम मेरा समणि बटि चलि जा।”

लूका 7:4

अर ऊंन यीशु का पास पौंछी के वे बटि बिन्ती कैरी कि, “गुरुजी, तुम ऐके सुबेदार की मदद कैरी द्‍या, किलैकि उ ईं मदद का लैख च।

लूका 7:5

अर उ हम यहूदी लोगु बटि प्यार करदु, अर वेन हम खुणि प्रार्थना भवन बणवै।”

लूका 7:7

इलै मिन खुद तैं इथगा लैख भि नि समझि, कि मि खुद तुमरा पास औंऽऽ। पर बस तुम उख बटि ही बोलि द्‍या, तब मेरु नौकर खूब ह्‍वे जालु।

लूका 8:49

अर जब यीशु इन बोन्‍नु ही छौ, तबरि याईर जु की प्रार्थना भवन को मुखिया छौ, वेका घौर बटि कुई आदिम ऐ। अर वेन वेकू बोलि, “मुखिया जी, तुमरि नौनि मोरि गै, अब गुरुजी तैं परेसान नि कैरा।”

खास चेलों 10:38

अर पिता परमेस्वर न नासरत गौं का यीशु तैं अपणी पवित्र आत्मा अर सामर्थ देके चुणी के ठैरै, अर उ जग-जगा जैके के भलै का काम करदु छौ, अर जु लोग शैतान का द्‍वारा सतयां छा, यीशु ऊं लोगु तैं खूब करदु छौ, अर यू सब उ इलै करदु छौ, किलैकि परमेस्वर वेका दगड़ा मा छौ। अर ईं बात का बार मा भि तुम जणदा ही छाँ।

याकूब 4:10

अर तुम प्रभु का समणि दीन बणि जा, तब उ तुमतै महान बणालु।

याकूब 4:6

पर परमेस्वर हम लोगु पर और भि जादा किरपा करदु, इलै पवित्रशास्‍त्र मा इन भि लिख्यूं च कि, “परमेस्वर बड़ु मोन करण वळा लोगु को विरोध करद, पर दीन लोगु पर किरपा करदु।”