लूका 7:40 - Garhwali

⁴⁰ तब यीशु न वेकू बोलि, “शमौन, मि त्वे बटि कुछ बुलण चाणु छौं।” तब वेन बोलि, “हाँ गुरुजी, बोला।”

गढवली नयो नियम

⁴⁰ यीशु ल वेका विचारों तैं जांणि के वे तैं जवाब मा बोलि, “हे शमौन फरीसी मिल त्वे बट्टी कुछ बुल्ण छो” वेल बोलि, “हे गुरु बोल।”

लूका 7:40 ပူးပေါင်းရင်းမြစ်များ

मत्ती 26:49

अर वेन यीशु का पास ऐके वेकू बोलि, “नमस्कार गुरुजी,” अर वेन यीशु की भूकि पे।

मत्ती 7:22

अर न्याय का दिन पर भौत सा लोग मिकू बुलला, ‘प्रभु, हे प्रभु, हमुन त तुमरा नौ से भविष्यबाणी कैरी छै, खबेसों तैं निकाळि छौ, अर तुमरा नौ से भौत सा चमत्कार भि करिनी, त क्या प्रभु तुमुन हमतै नि पछ्याणी।’

लूका 18:18

तब कै मुखिया न यीशु तैं पूछी, “गुरुजी, तुम अच्छा गुरु छाँ, मि इन्द्रयो कु जि काम कैरुं कि सदनि का जीवन को हकदार ह्‍वे जौ?”

लूका 5:22

पर यीशु न ऊंका मनों की बात तैं जाणि के बोलि, “तुम अपणा मनों मा इन किलै सुचणा छाँ?

लूका 5:31

तब यीशु न ऊंतैं जबाब दिनी, “जु ठिक-ठाक छिन, ऊंतैं बैद की जरुरत नि होन्दी, मगर बिमारों तैं होन्दी च।

लूका 6:8

पर यीशु ऊंका मनों का विचार जाणि गै, इलै वेन सुख्यां हाथ वळा आदिम कू बोलि, “उठ, अर बीच मा खड़ु ह्‍वे जा।” तब उ मनखि उठी अर खड़ु ह्‍वे गै।

लूका 7:39

अर यू देखि के उ फरीसी, जैन यीशु तैं अपणा घौर मा बुलै छौ, उ अपणा मन मा सुचण लगि गै कि, “अगर जु यू परमेस्वर को रैबर्या होन्दु, त यू जाणि जान्दु, की या जनानि क्‍वा च, अर कन्दरि च, ज्वा वेतैं छूणि च। अर उ इन भि जाणि जान्दु, कि वा एक पापि च।”

लूका 7:41

तब यीशु न बोलि, “एक सेठ न दुई लोगु तैं करज दियूं छौ। वेन एक तैं पांच सौ दीनार, अर दुसरा तैं पचास दीनार को करज दियूं छौ।

यूहन्ना 13:13

अर तुम मिकू गुरु अर प्रभु बुल्द्‍यां, अर तुम ठिक ही बुल्द्‍यां, किलैकि मि उई छौं।

यूहन्ना 16:19

तब यीशु तैं मालूम ह्‍वे गै, कि ऊ मि बटि कुछ पूछण चाणा छिन। इलै वेन ऊंकू बोलि, “मिन तुमकु बोलि कि, ‘थुड़ी देर बाद तुम मितैं नि दिखल्या, पर और थुड़ी देर बाद तुम मितैं फिर से दिखल्या।’ क्या येका बारा मा तुम आपस मा पूछताछ करणा छाँ, कि येको मतलब क्या च?

यूहन्ना 16:30

अर अब हम समझि ग्यां, कि तुम सब कुछ जणदा छाँ। अर अब हमतै जरुरत नि च, कि तुम बटि कुछ भि सवाल पूछा। अर यां से हम बिस्वास करद्‍यां, कि तुम परमेस्वर की तरफा बटि अयां छाँ।”

यूहन्ना 3:2

उ एक रात यीशु का पास ऐ अर बोलि, “गुरुजी, हम जणदा छां, कि तुम परमेस्वर की तरफा बटि गुरु ह्‍वेके अयां छाँ, किलैकि जौं चमत्कारिक कामों तैं तुम करद्‍यां, यू सिरफ उई कैरी सकदु जैका दगड़ा मा परमेस्वर हो।”