लूका 7:26 - Garhwali

²⁶ त फिर तुम क्या दिखणु कू गै छा? क्या परमेस्वर का एक रैबर्या तैं दिखण कू? हाँ, मि तुमतै बतै देन्दु, कि तुमुन एक रैबर्या से भि बड़ा मनखि तैं देखि।

गढवली नयो नियम

²⁶ त फिर क्य दिखणु कु गै छा? क्य कै परमेश्वर का तरपां बट्टी बुल्ण वला तैं? हां मि तुम मा बुल्द बल्कि मा परमेश्वर का तरपां बट्टी बुल्दो से भि बड़ा तैं।

लूका 7:26 ပူးပေါင်းရင်းမြစ်များ

लूका 1:76

तब जकरयाह न अपणा नौना खुणि बोलि कि, “हे मेरा नौना, त्वे खुणि सबसे महान परमेस्वर को रैबर्या बुले जालु। किलैकि तू प्रभु का औण से पैलि वे खुणि बाटु तयार करली।

लूका 16:16

“यूहन्‍ना बपतिस्मा देण वळा का बगत तक मूसा का दियां नियम-कानून अर परमेस्वर का रैबर्यों का बारा मा परचार ह्‍वे। मगर यूहन्‍ना का बाद परमेस्वर का राज का शुभ समाचार का बारा मा परचार किये जाणु च, अर हरेक मनखि वेकी तरफा जल्दी से खिच्येणु च।

लूका 20:6

अर अगर जु हम इन बुलला कि, ‘वेतैं यू अधिकार मनखियों की तरफा बटि मिल्यूं छौ,’ त सब लोगु न हमतै ढुंग्योण च। किलैकि लोगु तैं यकीन छौ कि यूहन्‍ना बपतिस्मा देण वळु एक रैबर्या च।”

लूका 7:25

फिर तुम क्या दिखणु कू ग्यां छा? क्या मखमल का कपड़ा पैरयां एक मनखि तैं? देखा जु सानदार कपड़ा पैरदिन, अर भोग-बिलास मा रौनदिन, ऊ त राज महलों मा रौनदिन।

लूका 7:27

अर यू उई च, जैका बारा मा पवित्रशास्‍त्र मा लिख्यूं कि, “‘परमेस्वर बुल्दु कि, देख, मि अपणा रैबार देण वळा तैं त्वेसे पैलि भेजणु छौं। अर उ त्वेसे पैलि जैके त्वे खुणि बाटु तयार करलु।’

यूहन्ना 5:35

अर यूहन्‍ना त तुम लोगु का बीच मा जळदु अर चमकदु द्‍यू जन छौ, अर वेका उज्याळा मा कुछ बगत तक तुमतै मगन होण अच्छु लगि।