लूका 7:2 - Garhwali

² अर उख नगर मा एक रोमी सैनिको को सुबेदार छौ। अर ये सुबेदार को एक नौकर छौ, जै बटि उ भौत प्यार करदु छौ। अर उ नौकर भौत बिमार होयुं छौ अर मुरण वळु छौ।

गढवली नयो नियम

² अर कै सुबदार का एक सेवक ल जु वेको प्रिय छो बिमारी का कारण मुरण वलो छो।

लूका 7:2 ပူးပေါင်းရင်းမြစ်များ

मत्ती 27:54

अर जु रोमी सुबेदार अर दुसरा सिपै यीशु की पैरेदारी कना छा, ये भ्वींचळा का औण से अर जु कुछ भि ह्‍वे वां से ऊ भौत डौऽरी गैनी। तब ऊंन बोलि, “सच्‍चि मा यू परमेस्वर को पुत्र छौ।”

लूका 23:47

अर यू सब देखि के रोमी सुबेदार न परमेस्वर की बडै कैरिके बोलि, “सच्‍चि मा यू धरमी मनखि छौ।”

लूका 7:1

जब यीशु न लोगु तैं अपणु वचन सुणै दिनी, तब उ कफरनहूम नगर मा गै।

लूका 7:3

जब वे सुबेदार न यीशु का बारा मा सुणी, तब यहूदियों का कुछ मुख्यों तैं यीशु का पास भेजि के इन बिन्ती कैरी कि तुम ऐके मेरा नौकर तैं खूब कैरी द्‍या।

लूका 8:42

किलैकि वेकी बारह साल की इकलौती नौनि छै, अर वा मुरण वळी छै। अर जब यीशु उख जाण लगि, त भीड़ जादा होण कि वजै से बड़ी धक्‍का-मुक्‍की होण लगि, अर लोग यीशु का मथि फरक्योंणा लगि गैनी।

खास चेलों 10:1

कैसरिया नगर मा कुरनेलियुस नौ को एक मनखि रौन्दु छौ। अर यू इतालियानी पलटण को सुबेदार छौ।

खास चेलों 10:7

अर जब वु स्वर्गदूत उख बटि चलि गै जैन वेसे बात कैरी छै, तब कुरनेलियुस न अपणा दुई नौकरों तैं अर जु लोग वेका दगड़ा मा रौन्दा छा ऊंमा बटि एक खास भक्‍त सिपै तैं बुलै,

खास चेलों 22:26

अर या बात सुणी के सुबेदार न पलटण का सेनापति मा जैके बोलि, “साब, यू तुम क्या कना छाँ? अरे यू त एक रोमी नागरिक च।”

खास चेलों 23:17

अर ईं बात तैं सुणी के पौलुस न सुबेदारों मा बटि कै एक तैं अपणा पास बुलै अर वेकू बोलि, “साब, ये ज्वान नौना तैं पलटण का सेनापति का पास लि जा, किलैकि यू ऊंतैं एक खबर सुनौण चाणु च।”

खास चेलों 27:1

अर जब इन फैसला ह्‍वे गै कि अब हमतै कैसरिया नगर बटि निकळि के जाज को सफर शुरु कैरिके इटली देस कू जाण पोड़लु, त ऊंन पौलुस अर कुछ और कैदियों तैं यूलियुस नौ का एक सुबेदार का सुपुर्द कैरी दिनी। अर यूलियुस महाराजा की पलटण को सुबेदार छौ।

खास चेलों 27:3

अर वेका दुसरा दिन हम सैदा नगर मा पौंछयां। अर इख यूलियुस सुबेदार न पौलुस पर बड़ी दया दिखै के वेका दगड़्यों से मिलणे की इजाजत दे दिनी, ताकि वेकी देख-रेख ह्‍वे सैको।

खास चेलों 27:43

मगर सुबेदार न पौलुस तैं बचौण की मनसा से ऊंतैं इन करण से रोकी अर आदेस देई, “जु तैरी सकदिन उ फाळ मारी के छाला जनै पैलि चलि जा,

कुलुसी 3:22

हे मेरा भै-बैंणो, तुम जु नौकर छाँ तुम अपणा मालिक की सब बातों को पालन कैरा। अर यू काम तुम मनखि तैं खुश करणु खुणि ना, अर ना ही दिखावा करणु खुणि, बल्किन मा अपणा सीदा मन से पिता परमेस्वर पर अपणी पूरि सरदा रखी के ये काम तैं पूरु कैरा।