लूका 4:41 - Garhwali

⁴¹ अर खबेस भि चिल्‍लै-चिल्‍लै के बुल्दा छा कि, “तू परमेस्वर को पुत्र छैई,” अर इन बोलि के खबेस लोगु मा बटि निकळि जान्दा छा। पर यीशु खबेसों तैं झिड़कुदु छौ, अर ऊंतैं बोन्‍न नि देन्दु छौ, किलैकि ऊ जणदा छा कि वु मसीह च।

गढवली नयो नियम

⁴¹ अर भौतों मा बट्टी दुष्टात्मा चिल्लांदि अर यु बोलि के निकली गै की, “तु परमेश्वर कु नौंनो छै” पर उ, ऊं तैं खिज्योंदा अर बुल्ण नि दींदु छो किलैकि उ जंणदी छै कि यु मसीह च।

लूका 4:41 ပူးပေါင်းရင်းမြစ်များ

मत्ती 26:63

पर यीशु चुप रै। तब महा पुरोहित न वेकू बोलि, “मि त्वेतै ज्यून्दा परमेस्वर की कसम देन्दु, हमतै बतौ कि क्या तू परमेस्वर को पुत्र मसीह छैई।”

मत्ती 4:3

तब शैतान जु कि भकलौण वळु च वेका पास ऐ, अर वेन यीशु कू बोलि, “अगर जु तू परमेस्वर को पुत्र छैई, त यों ढुंगो कू बोल कि रुट्‍टी बण जा।”

मत्ती 8:16

अर जब रुमुक ह्‍वे, त लोग अफ दगड़ा मा भौत सा इन्द्रया लोगु तैं यीशु का पास लेके ऐनी, जौं पर खबेस लग्यां छा, अर वेन ऊं खबेसों तैं अपणा वचन का द्‍वारा निकाळि दिनी, अर सब बिमार लोगु तैं खूब कैरी दिनी।

मत्ती 8:29

तब ऊंन चिल्‍लै के बोलि, “हे परमेस्वर का पुत्र, तुम हम बटि क्या चाणा छाँ? क्या तुम चुण्यां बगत से पैलि ही हमतै दुख देण कू ऐ ग्यां?”

मत्ती 8:4

अर यीशु न वेकू बोलि, “पर सुण, येका बारा मा कै मा कुछ भि नि बोलि, मगर जा, अर अफ तैं पुरोहित मा दिखौ। अर अपणा शुद्ध होण का खातिर लोगु का समणि मूसा का दिया नियम-कानूनों का मुताबिक भेंट चड़ौ, ताकि वु लोग खुद ईं बात का गवा ह्‍वे जा, कि तू शुद्ध ह्‍वे गै।”

मरकुस 1:25

तब यीशु न वेतैं झिड़की के बोलि, “चुप रौ, अर वेमा बटि निकळि जा।”

मरकुस 1:32

अर रुमुक होण का बाद, लोग अफ दगड़ा मा भौत सा बिमारों तैं अर इन्द्रया लोगु तैं भि जौं पर खबेस लग्यां छा यीशु का पास लेके ऐनी।

मरकुस 1:34

अर यीशु न भौत सा लोगु तैं जु की बन्‍नि-बन्‍नि किसम की बिमारियों से दुखी छा ऊंतैं खूब कैरी, अर भौत सा खबेसों तैं लोगु मा बटि भैर निकाळि। अर खबेसों तैं यीशु बोन्‍न नि देन्दु छौ, किलैकि ऊ जणदा छा कि उ कु च।

मरकुस 3:11

अर जौं लोगु पर खबेस लग्यां रौन्दा छा, जब वु यीशु तैं दिखदा छा, त खबेस वेका खुटों मा पोड़ि के चिल्‍लै-चिल्‍लै के बुल्दा छा कि, “तू परमेस्वर को पुत्र छैई।”

लूका 4:39

अर यीशु वींका पास खड़ु ह्‍वे, अर जौर तैं झिड़की। अर वींको जौर उतरि गै, अर वा तुरन्त उठी के ऊंकी सेवा-भगत करण लगि गै।

यूहन्ना 20:31

पर जु कुछ भि यां मा लिख्यूं च उ इलै लिख्यूं च, ताकि तुम बिस्वास कैरी सैका, कि यीशु ही परमेस्वर को पुत्र मसीह च। अर ईं बात पर बिस्वास कैरिके तुम वेका नौ से सदनि को जीवन पै सैका।

याकूब 2:19

तुम इन बिस्वास करद्‍यां की एक ही परमेस्वर च, य त भौत ही अच्छी बात च। पर याद रखा कि खबेस भि ईं बात तैं मणदिन अर थरथरे जनदिन।