लूका 4:40 - Garhwali

⁴⁰ अर रुमुक का बगत जौं-जौं का इख बन्‍नि-बन्‍नि किसमे की बिमारि मा लोग पोड़यां छा, ऊ सब ऊं लोगु तैं यीशु का पास लैनि। अर वेन एक-एक पर हाथ रखी के ऊंतैं खूब कैरी देई।

गढवली नयो नियम

⁴⁰ सूरज डुबण का बगत जौं-जौं का इख लोग बनि-बनि किस्मै कि बिमारी मा पुड़यां छा उ सब ऊं तैं वेका संमणी लैनि अर वेल एक-एक पर हथ रखि के ऊं तैं खूब कैरी।

लूका 4:40 ပူးပေါင်းရင်းမြစ်များ

मत्ती 11:5

‘अन्धा दिखणा छिन, अर लूला-लंगड़ा चलणा-फिरणा छिन, अर कोड़ियों तैं शुद्ध किये जाणु च, बैरा सुनणा छिन अर मुरदो तैं ज्यून्द किये जाणु च, अर गरीबों तैं शुभ समाचार सुणये जाणु च।

मत्ती 14:13

अर जब यीशु न या खबर सुणी, त वेका बाद उ नाव पर बैठि के उख बटि निकळि के एक शान्त जगा कू चलि गै। अर जब लोगु तैं ईं बात को पता चलि गै, त लोग नगरों बटि पैदल ही वेका पिछनै चलण लगि गैनी।

मरकुस 3:10

किलैकि वेन भौत सा लोगु तैं खूब कैरी छौ, इलै रोगी लोग वेतैं छूण चाणा छा, अर रोगियों की संख्या भौत छै, अर बड़ी धक्‍का-मुक्‍की चलणी छै।

मरकुस 5:23

वेन इन बोलि कि, “गुरुजी, मेरी छुटी नौनि मुरण वळी च, तुम चलि के अपणु हाथ वीं पर रख द्‍या, ताकि वा ठिक ह्‍वे जौ अर ज्यून्द रौ।”

मरकुस 6:5

अर ऊंन वेतैं स्वीकार नि कैरी, इलै यीशु न उखा कुछ बिमारों पर हाथ रखी के ऊंतैं खूब कैरी, अर येका अलावा वु कुछ भि अदभुत काम नि कैर पै।

खास चेलों 19:12

इख तक की जु रूमाल या कपड़ा पौलुस को इस्तेमाल कर्युं रौन्दु छौ जब ऊंतैं बिमारों पर लगये जान्दु छौ, त वु लोग अपणी-अपणी बिमारियों मा बटि खूब ह्‍वे जान्दा छा। इख तक कि जौं लोगु मा खबेस लग्यां रौन्दा छा, ऊ खबेस भि लोगु मा बटि निकळि जान्दा छा।

खास चेलों 5:15

इख तक की लोग बिमारों तैं सड़कों मा लि जान्दा छा, अर ऊंतैं खाटों अर बिस्तरों पर लिटै देन्दा छा, ताकि जब पतरस उख बटि अऽ, त कम से कम वेको छैल ही ऊंमा मदि कै पर भि पोड़ि जौ अर वु खूब ह्‍वे जौ।