लूका 3:3 - Garhwali

³ अर उ यरदन गाड का आस-पास का मुलक मा जैके पापों बटि माफी पौण खुणि मन से पस्ताप कैरिके बपतिस्मा लेण को परचार कनु छौ।

गढवली नयो नियम

³ अर उ यरदन गाड का अमणी-संमणी का सभि देशों मा ऐ के पापों तैं माफ कनु को बपतिस्मा कु प्रचार करदो छो।

लूका 3:3 ပူးပေါင်းရင်းမြစ်များ

मत्ती 3:11

“अर मि त तुमतै पापों से माफी पौणु खुणि पाणिळ बपतिस्मा देणु छौं। पर उ मनखि औण वळु च, जु मिसे भि जादा ताकतबर च, अर मि ये लैख भि नि छौं कि वेको नौकर बणि के वेका जुता उठे सैकु अर उ तुमतै पवित्र आत्मा अर आग बटि बपतिस्मा द्‍यालु।

लूका 1:16

अर उ इस्राएली लोगु मा बटि जु लोग प्रभु परमेस्वर बटि दूर ह्‍वे गैनी, ऊंतैं परमेस्वर की तरफा लेके आलु।

लूका 1:77

अर वेका लोगु तैं तू बचयै जाण को इन ज्ञान दिली, ताकि ऊ अपणा-अपणा पापों से माफी पैके बचि जा।

लूका 4:1

फिर यीशु पवित्र आत्मा बटि भरपूर ह्‍वेके यरदन गाड बटि वापिस ऐ गै, अर पवित्र आत्मा वेतैं चालीस दिनों तक निर्जन जगा कू लि गै।

यूहन्ना 1:28

यू सब कुछ त यरदन गाड का पल्या छाला, याने की पूरब दिसा का बैतनिय्याह गौं मा ह्‍वेनि, जख यूहन्‍ना बपतिस्मा देन्दु छौ।

यूहन्ना 3:26

अर ऊंन यूहन्‍ना का पास ऐके वेकू बोलि, “गुरुजी, जु मनखि यरदन गाड का वे छाला तुमरा दगड़ि छौ, अर जैका बारा मा तुमुन गवै दे छै, उ बपतिस्मा देणु च, अर सब मनखि वेका पास जनदिन।”

खास चेलों 13:24

अर यीशु का औण से पैलि यूहन्‍ना न इस्राएली लोगु तैं पापों बटि पस्ताप कैरिके बपतिस्मा का बारा मा परचार कैरी।

खास चेलों 19:4

तब पौलुस न ऊंकू बोलि, “यूहन्‍ना न त पापों से पस्ताप करण को बपतिस्मा दे छौ वेन बोलि छौ, जु मेरा बाद औण वळु च वे पर बिस्वास कर्यां।” अरे, वु जैका बारा मा बोन्‍नु छौ वु यीशु मसीह ही च।

खास चेलों 22:16

इलै अब कैं बात की देर? चड़म खड़ु उठा, अर बपतिस्मा ल्या, अर यीशु को नौ लेके अपणा पापों तैं ध्वे द्‍या।’