लूका 3:14 - Garhwali

¹⁴ तब सिपयों न भि वे बटि पूछी कि, “हमतै क्या करण चयेणु?” वेन ऊंकू बोलि, “कै बटि भि जबरदस्ती कैरिके पैसा नि ल्या, अर ना ही झूठ्‍ठों इळजाम लगा। पर अपणी ही कमै पर संतुष्‍ट रा।”

गढवली नयो नियम

¹⁴ अर सिपाहियों ल भि वे बट्टी पूछि कि “हम ल क्य कन” वेल ऊंमा बोलि, “कै पर अन्यो नि करयां अर न झूठो भंगार लगयां अर अपड़ी कमै पर संतुष्ट रयां।”

लूका 3:14 ပူးပေါင်းရင်းမြစ်များ

मत्ती 8:5

एक दिन यीशु कफरनहूम नगर मा ऐ। अर एक रोमी सुबेदार वेका पास ऐके वे बटि बिन्ती कैरिके बोन्‍न लगि गै कि,

लूका 19:8

अर जक्‍कई न खड़ु ह्‍वेके यीशु कू बोलि, “प्रभु मि अपणी अधि धन-दौलत गरीबों तैं द्‍यूलु अर जौं बटि मिन अन्यो कैरिके लेई ऊंतैं मि चार गुणा वापिस द्‍यूलु।”

लूका 3:10

तब भीड़ का लोगु न यूहन्‍ना बटि पूछी, “त हमतै क्या करण चयेणु?”

लूका 3:13

अर वेन ऊंकू बोलि, “जथगा चुंगी लेण ठैर्युं च उथगा ही ल्या, ना कि वेसे जादा।”

खास चेलों 10:7

अर जब वु स्वर्गदूत उख बटि चलि गै जैन वेसे बात कैरी छै, तब कुरनेलियुस न अपणा दुई नौकरों तैं अर जु लोग वेका दगड़ा मा रौन्दा छा ऊंमा बटि एक खास भक्‍त सिपै तैं बुलै,

फिलिप्पी 2:15

ताकि तुम हर बात मा निरदोष अर पवित्र बणि सैका, अर परमेस्वर की एक सच्‍चि औलाद का जन ह्‍वे जा, किलैकि तुम भ्रष्‍ट अर पापि लोगु का बीच मा रौन्द्‍यां, इलै तुमरो जीवन ऊंका बीच मा चमकणु रौ जन कि आसमान मा गैंणा चमकदिन।

फिलिप्पी 4:11

अर या बात मि इलै नि बोन्‍नु छौं कि मितैं कैं चीज की जरुरत च, पर यू त मि इलै बोन्‍नु छौं किलैकि मिन हर हालत मा सन्तुष्‍ट होण सिख्यालि।

तीतुस 2:3

अर ठिक उन्‍नि बुड्ड़ी जनानि तैं भि समझौ कि ऊंको चाल-चलन पवित्र हो, अर ऊ दुसरो पर दोष लगौण वळी ना हो, अर ना ही दरोळया, पर अच्छी बात सिखौण वळी हो।

दिब्य दरस 12:10

तब मिन स्वर्ग मा एक ऊँची आवाज तैं इन ऐलान करद सुणी, “सुणा, अब हमरा परमेस्वर की तरफा बटि मिलण वळु छुटकारा, अधिकार अर राज की स्थापना ह्‍वे गै, अर वेका मसीह को राज कन को अधिकार परगट ह्‍वे गै, किलैकि हमरा बिस्वासी भै-बैंणो पर दोष लगौण वळा तैं मूड़ी ढुळै गै, अर यू वु छौ जैन पिता परमेस्वर का समणि रै के ऊं पर दिन-रात दोष लगौण को काम कैरी।