लूका 3:1 - Garhwali

¹ जौं दिनों मा महाराजा तिबिरियुस रोम को महाराजा छौ, वेका राज का पन्द्रवां साल मा यहूदिया मुलक को गवर्नर पुन्तियुस पिलातुस छौ, अर गलील मुलक पर सासन करण वळु हेरोदेस अन्तिपास छौ। अर वेकू भै फिलिप्पुस को सासन इतूरैया मुलक पर अर त्रखोनीतिस मुलक पर छौ। अर अबिलेने मुलक पर लिसानियास सासन करण वळु छौ।

गढवली नयो नियम

¹ रोमी सम्राट तिबिरियुस कैसर का राज्य का पंद्रवां बरस मा जब पुन्तियुस पिलातुस यहूदिया प्रान्त को राज्यपाल छो, अर गलील जिला मा राजा हेरोदेस इतुरैया, अर त्रखोनीतिस मा वेको भैय फिलिप्पुस राजा हेरोदेस इतुरैया अर त्रखोनीतिस का क्षेत्रों पर शासन कनु छो अर लिसानियास अबिलेने का क्षेत्र मा राज्य कनु छो जब हेरोदेस गलील जिला पर राज्य कनु छो।

लूका 3:1 ပူးပေါင်းရင်းမြစ်များ

मत्ती 14:1

अर वे बगत गलील मुलक पर सासन करण वळा हेरोदेस अन्तिपास न यीशु की चर्चा सुणी।

मत्ती 14:3

अर यू उई हेरोदेस च, जैन अपणा भै फिलिप्पुस की घरवळी हेरोदियास का दगड़ा मा ब्यौ कैरियाली छौ। अर यूहन्‍ना न वेतैं कई दौं चितै के बोलि छौ कि तू अपणी भै कि घरवळी तैं रखणी छैई, जु कि नियम-कानून का खिलाप मा च, अर या बात त्वे खुणि ठिक नि च। इलै हेरोदियास का बोन्‍न पर राजा हेरोदेस न यूहन्‍ना तैं संगुळों मा बन्धी बणै के जेलखाना मा डलवै दिनी।

मत्ती 14:6

पर जब हेरोदेस अन्तिपास को जनम दिन ऐ, त हेरोदियास कि नौनि न दावत मा नाची के हेरोदेस तैं खुश कैरी दिनी।

मत्ती 22:17

इलै हमतै बता, कि तुम क्या सोचद्‍यां? हमतै रोमी महाराजा तैं कर देण चयेणु, या नि देण चयेणु?”

मत्ती 27:2

तब ऊ वेतैं बान्धि के लि गैनी, अर रोमी गवर्नर पिलातुस का हाथ मा सौंप दिनी।

मरकुस 6:17

अर हेरोदेस अन्तिपास न अपणा भै फिलिप्पुस की घरवळी का दगड़ा मा ब्यौ कैरियाली छौ, जिं को नौ हेरोदियास छौ। अर यूहन्‍ना वेकू इन बुल्दु छौ कि, “हेरोदेस अपणा भै कि घरवळी तैं रखण त्वे खुणि खूब नि च।” इलै हेरोदेस अन्तिपास न लोगु तैं यूहन्‍ना का पास भेजि के वेतैं जेलखाना मा डलवै दिनी। अर यू सब वेन हेरोदियास का बुलयां पर कैरी छौ।

मरकुस 6:21

अर आखिरकार हेरोदियास तैं वु मौका राजा हेरोदेस अन्तिपास का जनम दिन पर मिली गै। अर अपणा जनम दिन पर राजा न मुख्य परधानों तैं, अर सैनिको का मुख्यों तैं, अर गलील मुलक का कुछ खास-खास लोगु तैं दावत पर बुलयूं छौ।

लूका 13:31

अर उबरि फरीसी दल का कुछ लोगु न यीशु का पास ऐके बोलि, “गुरुजी, इख बटि चलि जा, किलैकि हेरोदेस अन्तिपास तुमतै मरण चाणु च।”

लूका 2:1

अर ऊं दिनों मा रोमी महाराजा औगुस्तुस की तरफा बटि आज्ञा निकळि, कि रोम सरकार का राज मा रौण वळा लोगु की जनगणना किये जौ।

लूका 23:24

पिलातुस न हुकम दिनी, “ऊंकी मांग पूरि कैरा।”

लूका 3:19

तब गलील मुलक पर सासन करण वळु हेरोदेस अन्तिपास तैं यूहन्‍ना वेका सब बुरा कामों का बारा मा झिड़कुदु छौ, अर इलै भि झिड़कुदु छौ किलैकि वेन अपणा भै फिलिप्पुस की घरवळी हेरोदियास तैं अपणु बणैयालि छौ।

लूका 9:7

अर हेरोदेस अन्तिपास जु गलील मुलक पर सासन करण वळु छौ। जब वेन यीशु का बारा मा लोगु की यों सब बातों तैं सुणी, कि यूहन्‍ना बपतिस्मा देण वळु मुरदो मा बटि ज्यून्दु ह्‍वे गै, त उ भौत जादा घबरै गै।

खास चेलों 23:26

“आदरणीय गवर्नर फेलिक्स, मि सेनापति क्लौदियुस लूसियास या चिठ्‍ठी तुम खुणि लिखणु छौं, तुमतै मेरु नमस्कार।

खास चेलों 24:27

अर इन करद-करद दुई साल ह्‍वे गैनी। अर येका बाद गवर्नर फेलिक्स की जगा पर पुरकियुस फेस्तुस नौ को मनखि गवर्नर का पद पर ऐ, मगर फेलिक्स यहूदियों तैं खुश करण चान्दु छौ, इलै वेन पौलुस तैं जेलखाना मा ही छोड़ि दिनी।

खास चेलों 26:30

तब राजा अग्रिप्पा खड़ु ह्‍वे गै, अर वेकी बैंण बिरनीके, अर गवर्नर फेस्तुस अर जथगा भि लोग ऊंका दगड़ा मा बैठयां छा वु सब भि खड़ा ह्‍वे गैनी।

खास चेलों 4:27

“अर सच्‍चि मा इन्‍नि ह्‍वे कि राजा हेरोदेस अन्तिपास अर गवर्नर पुन्तियुस पिलातुस न भि इस्राएली लोगु अर ऊं लोगु का दगड़ा मा मिली के जु यहूदी जाति का नि छां, तुमरा पवित्र सेवक यीशु मसीह का खिलाप ये नगर मा इकट्‍ठा ह्‍वेनि, जैतैं तुमुन चुण्यूं छौ।