लूका 24:30 - Garhwali

³⁰ अर जब उ ऊंका दगड़ा खाणुक खाणु कू बैठि, त वेन रुट्‍टी उठे के परमेस्वर को धन्यवाद कैरी अर रुट्‍टी का टुकड़ा कैरिके वेन ऊंतैं दे।

गढवली नयो नियम

³⁰ जब उ ऊंका दगड़ा खांणु-खांणु कु बैठिनि त ऊंल रुटि पकड़ी धन्यबाद दींनि, अर तोड़ी के ऊं तैं दींण लगि गैनी।

लूका 24:30 ပူးပေါင်းရင်းမြစ်များ

मत्ती 14:19

अर यीशु न लोगु तैं घास पर बैठणु कू बोलि। तब वेन पांच रुट्‍टी अर दुई माछों तैं लेई, अर स्वर्ग जनै देखि के परमेस्वर को धन्यवाद देई, अर रुट्‍टी तोड़ि-तोड़ि के चेलों तैं दिनी अर ऊंन लोगु मा बांटि दिनी।

मत्ती 15:36

तब वेन सात रुट्‍टी अर माछों तैं ले, अर परमेस्वर को धन्यवाद देके ऊंतैं तोड़ि, अर अपणा चेलों तैं देणु रै अर वु भीड़ का लोगु मा बंटणा रैनी।

मत्ती 26:26

अर जब ऊ सब खाणु खाणा छा, त यीशु न रुट्‍टी ले अर धन्यवाद देके तोड़ि अर चेलों तैं देके बोलि, “ल्या, येतैं खा यू मेरु बदन च।”

मरकुस 14:22

अर जब ऊ सब खाणु खाणा छा, त यीशु न रुट्‍टी ले अर परमेस्वर को धन्यवाद देके तोड़ि, अर चेलों तैं देके बोलि, “ल्या, येतैं खा यू मेरु बदन च।”

मरकुस 6:41

तब यीशु न पांच रुट्‍टी अर दुई माछों तैं लेई, अर स्वर्ग जनै देखि के परमेस्वर को धन्यवाद देई, अर रुट्‍टी तोड़ि-तोड़ि के चेलों तैं दिनी, ताकि वु लोग कू परोसा। अर ठिक उन्‍नि वेन दुई माछा भि ऊं सभ्यों मा बांटि दिनी।

मरकुस 8:6

तब यीशु न ऊंतैं भ्वीं मा बैठणे की आज्ञा दिनी, अर वेन ऊं सात रुट्‍टीयों तैं लेई अर परमेस्वर को धन्यवाद देके ऊंतैं तोड़ि, अर लोगु मा बंटणु खुणि अपणा चेलों तैं दिनी, अर वु लोगु मा बंटण रैनी।

लूका 22:19

अर फिर वेन रुट्‍टी उठे अर परमेस्वर को धन्यवाद कैरी। अर रुट्‍टी का टुकड़ा कैरिके ऊंतैं देई अर बोलि, “यू मेरु बदन च, जु मि तुमरा बानो देन्दु छौं मितैं याद करणु खुणि इन्‍नि कना रयां।”

लूका 24:29

पर ऊंन वेतैं रोकी के बोलि कि, “रुमुक को बगत च अर रात होण वळी च, इलै तू हमरा दगड़ा मा इखि रुकी जा।” तब यीशु ऊंका दगड़ा मा रौणु कू वे गौं मा चलि गै।

लूका 24:35

तब क्लियुपास अर वेका दगड़ा का मनखि न बाटा की सब बात जु ऊंका दगड़ा मा ह्‍वे छै ऊंतैं बतै। अर ऊं दुईयों न ऊंतैं इन भि बतै की रुट्‍टी खाण का बगत ऊंन यीशु तैं कनकै पछ्याणी।

लूका 9:16

तब यीशु न पांच रुट्‍टी अर दुई माछों तैं लेई, अर स्वर्ग जनै देखि के परमेस्वर को धन्यवाद देई, अर तोड़ि-तोड़ि के चेलों तैं दिनी ताकि ऊ लोगु तैं द्‍या।

यूहन्ना 6:11

तब यीशु न रुट्‍टी लेके पिता परमेस्वर को धन्यवाद देई, अर उख बैठयां लोगु मा बांटि दिनी। फिर ठिक उन्‍नि वेन माछों तैं भि लेई अर उन्‍नि कैरी, अर जथगा ऊ चान्दा छा, उथगा ऊंतैं देई।

खास चेलों 2:42

अर सब बिस्वासी लोग यीशु का खास चेलों बटि लगातार वचन की शिक्षा पौणा रैनी। अर एक साथ संगत करण मा, प्रभु-भोज करण मा, अर प्रार्थना करण मा भि एक मन ह्‍वेके रौण लगि गैनी।

खास चेलों 2:46

अर ऊ एक मन ह्‍वेके हरेक दिन मन्दिर मा इकट्‍ठा होन्दा छा, अर प्रभु-भोज खुणि एक-दुसरा का घौर मा मिलदा छा, अर सब दिल खोली के खुशी से एक-दुसरा का दगड़ा मा खाणु खान्दा छा।

खास चेलों 27:35

अर इन बोलि के वेन रुट्‍टी लेई अर सभ्यों का समणि परमेस्वर को धन्यवाद कैरी अर वीं रुट्‍टी का टुकड़ा कैरिके खाण लगि गै।