लूका 22:61 - Garhwali

⁶¹ अर प्रभु न मुड़ि के पतरस जनै देखि। अर उबरि वेतैं प्रभु को वु वचन याद ऐ जु यीशु न वे बटि बोलि छौ, “आज मैर का बसण से पैलि तू तीन दौं मितैं नकारी दिली, कि मि वेतैं नि जणदु।”

गढवली नयो नियम

⁶¹ तब प्रभु यीशु ल धूमके पतरस तैं देखि, “अर पतरस तैं प्रभु यीशु की उ बात याद ऐ जु वेल बोलि छो आज मैर का बांग दींण ऐ पैली तिल तीन बार मेरू इन्कार कन।”

लूका 22:61 ပူးပေါင်းရင်းမြစ်များ

मत्ती 26:34

अर यीशु न वेकू बोलि, “पतरस, मि त्वे बटि सच्‍चि बोन्‍नु छौं, कि आज रात मैर बसण से पैलि तिन मितैं तीन दौं नकारी देण।”

मत्ती 26:75

अर झट पतरस तैं यीशु की बुलिं बात याद ऐ कि, “मैर का बसण से पैलि तू तीन दौं मितैं नकारी दिली।” तब उ भैर जैके भकोरि-भकोरि के रुंण लगि गै।

मरकुस 5:30

अर यीशु तुरन्त जाणि गै कि मि मा बटि ठिक करणु खुणि सामर्थ निकळि, इलै वेन पिछनै मुड़ि के भीड़ का लोगु कू बोलि, “मेरा कपड़ा तैं कैन छ्वी?”

लूका 10:41

तब प्रभु न वींतैं जबाब देई, “हे मारथा, तू भौत सरी बातों की चिन्ता-फिकर करदी अर घबरान्दी छैई।

लूका 22:34

यीशु न वेकू बोलि, “पतरस, मि त्वेतै बतै देन्दु, कि मैर का बसण से पैलि तिन मितैं तीन दौं नकारी देण, कि मि वेतैं नि जणदु।”

लूका 22:60

तब पतरस न बोलि, “अरे भैजी, क्या बोन्‍ना छाँ तुम इन्द्रयो को, मि त वेतैं जणदु ही नि छौं।” अर जब उ इन बोन्‍नु ही छौ, कि तबरि मैर बासी गै।

लूका 22:62

अर तब उ उख बटि भैर ऐ, अर भकोरि-भकोरि के रुंण लगि गै।

लूका 7:13

अर वींतैं देखि के प्रभु तैं तरस ऐ। अर वेन वींकू बोलि, “नि रो।”

लूका 7:19

तब यूहन्‍ना न अपणा चेलों मा बटि दुई चेलों तैं बुलै के प्रभु बटि इन पूछणु कू भेजि कि, “क्या तुम उई मसीह छाँ, जु औण वळु छौ, या हम कै दुसरो को इंतजार कैरा?”

यूहन्ना 13:38

तब यीशु न वेतैं जबाब देई, “क्या तू मेरा खातिर अपणी जान दे दिली? मि त्वे बटि सच्‍चि ही बोन्‍नु छौं, कि मैर का बसण से पैलि तिन मितैं तीन दौं नकारी देण कि, मि वेतैं नि जणदु।”

खास चेलों 5:31

अर वेतैं ही परमेस्वर न प्रभु अर छुटकारु देण वळु ठैरै, अर अपणा दैंणा हाथ की तरफा बैठे के सबसे ऊँची जगा दिनी, ताकि वेका द्‍वारा इस्राएली अर सब लोगु तैं अपणा-अपणा जीवनों तैं बदळणों को, अर पापों से माफी पौण को अवसर मिली सैको।

इफिसुस 2:11

इलै हे मेरा भै-बैंणो, ईं बात तैं हमेसा याद रखा कि तुम लोग जनम से यहूदी जाति का नि छा। अर जौं यहूदी लोगु न खतना का रिवाज तैं अपणा सरील मा मनखियों का द्‍वारा पूरु करै, उई यहूदी लोग तुम खुणि बुल्दिन कि, “अरे यू त वु लोग छिन जौं को खतना नि च होयुं।”

दिब्य दरस 2:5

अर याद कैरा कि तुम पैलि कथगा प्यार करदा छा मगर अब तुमरो प्यार फिको पोड़ि गै, इलै मन से पस्ताप कैरा अर पैलि जन काम कैरा। अर अगर जु तुम पस्ताप नि करिल्या, त मिन तुमरा पास ऐके तुमरा दीपदान तैं वेकी जगा बटि हटै देण।